ಭಾವಿಗುಪ್ರಾ ವ್ಯವಸ್ಥೆಯಲ್ಲಿ ವೈಯಕ್ತಿಕ ಮಾಹಿತಿಯ ಸುರಕ್ಷತೆ

ವೈಯಕ್ತಿಕ ವ್ಯಕ್ತಿಗಳ ರಕ್ಷಣೆ ಮತ್ತು ಅವರ ಮಾಹಿತಿಯ ಸಂರಕ್ಷಣೆಯು ವಿಶಿಷ್ಟ ಗುರುತು ಯೋಜನೆಯ ಒಂದು ಅಂತರ್ಗತ ಭಾಗವಾಗಿದೆ. ಒಂದು ಯಾದೃಚ್ಛಿಕ ಸಂಖ್ಯೆಯನ್ನು ಹೊಂದಿರಿವುದರಿಂದ, ಅದು ಈ ಕೆಳಗೆ ಪಟ್ಟಿ ಮಾಡಲಾಗಿರುವ ಇತರೆ ವೈಲಕ್ಷಣಗಳ ಜೊತೆಯಲ್ಲಿ ವೈಯಕ್ತಿಕ ವ್ಯಕ್ತಿಯ ಬಗ್ಗೆ ಏನನ್ನೂ ಬಹಿರಂಗಪಡಿಸುವುದಿಲ್ಲ, ವಿಶಿಷ್ಟ ಗುರುತು ಯೋಜನೆಯು ನಿವಾಸಿಯ ಹಿತಾಸಕ್ತಿಯನ್ನು ತನ್ನ ಉದ್ದೇಶ ಮತ್ತು ಗುರಿಗಳ ಅಂತರಂಗದಲ್ಲಿ ಇಟ್ಟುಕೊಳ್ಳುತ್ತದೆ.

• ಸೀಮಿತ ಮಾಹಿತಿಯ ಸಂಗ್ರಹಣೆ
  ಭಾವಿಗುಪ್ರಾವು ಕೇವಲ ಮೂಲ ಮಾಹಿತಿ ಕ್ಷೇತ್ರಗಳು – ಹೆಸರು, ಹುಟ್ಟಿದ ದಿನಾಂಕ ಲಿಂಗ, ವಿಳಾಸ, ತಂದೆತಾಯಿ/ಪೋಷಕರು (ಮಕ್ಕಳಿಗೆ ಅತ್ಯಗತ್ಯ, ಆದರೆ ಇತರರಿಗೆ ಇಲ್ಲ),10 ಬೆರಳುಗಳ ಮುದ್ರೆಗಳು ಮತ್ತು ಕಣ್ಣಿನ ಪಾಪೆಯ ಸ್ಕ್ಯಾನು, ಇವುಗಳನ್ನು ಮಾತ್ರ ಸಂಗ್ರಹಿಸುತ್ತದೆ.
• ಪಾರ್ಶ್ವಚಿತ್ರಣ ಮತ್ತು ಜಾಡನ್ನು ಹಿಡಿಯುವ ಮಾಹಿತಿಯನ್ನು ಸಂಗ್ರಹಿಸಲಾಗುವುದಿಲ್ಲ.
  ಅತಿ ಸೂಕ್ಷ್ಮತೆಯಿಂದ ಕೂಡಿದ ಅಂದರೆ ಜಾತಿ, ಮತ, ಸಮುದಾಯ, ವರ್ಗ, ಜನಾಂಗ, ವರಮಾನ ಮತ್ತು ಆರೋಗ್ಯ, ಇವೇ ಮುಂತಾದ ವೈಯಕ್ತಿಕ ಮಾಹಿತಿಯ ಸಂಗ್ರಹಣೆಯನ್ನು ಭಾವಿಗುಪ್ರಾದ ಕಾರ್ಯನೀತಿಯು ಪ್ರತಿಬಂಧಿಸಿದೆ.
• ಮಾಹಿತಿಯ ಬಿಡುಗಡೆ – ಹೌದು ಅಥವಾ ಇಲ್ಲ ಪ್ರತಿಕ್ರಿಯೆ
  ಭಾವಿಗುಪ್ರಾವು ಆಧಾರ್ ದತ್ತಸಂಚಯದಲ್ಲಿ ವೈಯಕ್ತಿಕ ಮಾಹಿತಿಯನ್ನು ಬಹಿರಂಗಪಡಿಸುವುದಿಲ್ಲ – ಒಂದು ಗುರುತನ್ನು ಪರಿಶೀಲಿಸುವುದಕ್ಕಾಗಿ ಕೊಡಲಾಗುವ ಏಕೈಕ ಪ್ರತಿಕ್ರಿಯೆ ಎಂದರೆ ’ಹೌದು’ ಅಥವಾ’ ’ಇಲ್ಲ’ ಎಂಬುದಾಗಿ.
• ಇತರೆ ದತ್ತಸಂಚಯಗಳ ಕಡೆಗೆ ಭಾವಿಗುಪ್ರಾದ ಮಾಹಿತಿಯನ್ನು ಒಮ್ಮುಖಗೊಳಿಸುವಿಕೆ ಮತ್ತು ಸಂಪರ್ಕಿಸುವಿಕೆ
  ವಿಶಿಷ್ಟ ಗುರುತು ದತ್ತಸಂಚಯವನ್ನು ಇತರೆ ಯಾವುದೇ ದತ್ತಸಂಚಯಗಳ ಜೊತೆಗೆ ಅಥವಾ ಇತರೆ ದತ್ತಸಂಚಯಗಳಲ್ಲಿ ಹೊಂದಿರುವ ಮಾಹಿತಿಯ ಜೊತೆಗೆ ಸಂಪರ್ಕಿಸಲಾಗುವುದಿಲ್ಲ. ಅದರ ಏಕೈಕ ಉದ್ದೇಶವೆಂದರೆ ಒಂದು ಸೇವೆಯನ್ನು ಸ್ವೀಕರಿಸುವ ಸ್ಥಳದಲ್ಲಿ ಓರ್ವ ವ್ಯಕ್ತಿಯ ಗುರುತನ್ನು ಪರಿಶೀಲಿಸುವುದು, ಅದರಲ್ಲಿಯೂ ಕೂಡ ಆಧಾರ್ ಸಂಖ್ಯೆಯನ್ನು ಹೊಂದಿರುವವರ ಒಪ್ಪಿಗೆಯೊಂದಿಗೆ ಮಾತ್ರ.
  ವಿಶಿಷ್ಟ ಗುರುತು ದತ್ತಸಂಚಯವನ್ನು ಉನ್ನತ ಮಟ್ಟದಲ್ಲಿ ಅನುಮೋದಿಸಲಾದ ಕೆಲವು ಆಯ್ದ ವ್ಯಕ್ತಿಗಳಿಂದ ಭೌತಿಕವಾಗಿ ಮತ್ತು ವಿದ್ಯುನ್ಮಾನೀಯವಾಗಿ ರಕ್ಷಿಸಲಾಗುವುದು. ಮಾಹಿತಿಯನ್ನು ಅತ್ಯುತ್ತಮವಾಗಿ ಲಿಪ್ಯಂತರಣಗೊಳಿಸಲಾಗುವುದು ಮತ್ತು ಅಧಿಕ ಮಟ್ಟದ ಭದ್ರತಾ ಮಾಹಿತಿ ಕೊಠಡಿ/ಛಾವಣಿಯಲ್ಲಿ. ಎಲ್ಲಾ ಪ್ರವೇಶ ವಿವರಗಳನ್ನು ಸಮರ್ಪಕವಾಗಿ ದಾಖಲಿಸಲಾಗಿರುವುದು.

ಭಾವಿಗುಪ್ರಾವು, ತಾನು ಸಂಗ್ರಹಿಸಿದ ಮಾಹಿತಿಯ ಭದ್ರತೆ ಮತ್ತು ಗೋಪ್ಯತೆಯನ್ನು ಖಚಿತಪಡಿಸಿಕೊಳ್ಳುವ ಬದ್ಧತೆಯನ್ನು ಹೊಂದಿದೆ. ಮಾಹಿತಿಯನ್ನು ಭಾವಿಗುಪ್ರಾವು ಒದಗಿಸಿರುವ ತಂತ್ರಾಂಶ ಅನ್ವಯದಲ್ಲಿ ಸಂಗ್ರಹಿಸಿಡಲಾಗುವುದು ಹಾಗೂ ಸಾಗಣೆಯಲ್ಲಿ ಸೋರಿಕೆಯನ್ನು ತಡೆಯುವ ಸಲುವಾಗಿ ಲಿಪ್ಯಂತರಣ/ಸಂಕೇತಿಕರಣಗೊಳಿಸಲಾಗುವುದು. ತನ್ನ ಮಾಹಿತಿಯ ಭದ್ರತೆ ಮತ್ತು ಪ್ರಾಮಾಣಿಕತೆಯನ್ನು ಖಚಿತಪಡಿಸಿಕೊಳ್ಳುವ ಸಲುವಾಗಿ ಭಾವಿಗುಪ್ರಾವು ಒಂದು ಸಮಗ್ರ ಭದ್ರತಾ ಕಾರ್ಯನೀತಿಯನ್ನು ಹೊಂದಿದೆ.

ಬಿಲ್ಲಿನಲ್ಲಿ ಈ ಕೆಳಗಿನ ಸಂಭಾವ್ಯ ಅಪರಾಧ ದಂಡನೆಗಳು ಇರುತ್ತವೆ:

• ಜನಸಂಖ್ಯಾಶಾಸ್ತ್ರಕ್ಕೆ ಅಥವಾ ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ತಪ್ಪು ಮಾಹಿತಿಯನ್ನು ನೀಡುವ ಮೂಲಕ ವ್ಯಕ್ತೀಕರಿಸಿದಲ್ಲಿ/ಮತ್ತೊಬ್ಬರಂತೆ ನಟಿಸಿದಲ್ಲಿ ಅದು ದಂಡನೀಯ ಅಪರಾಧ - 3 ವರ್ಷಗಳ ಜೈಲು ಶಿಕ್ಷೆ ಮತ್ತು ರೂ.10,000 ದಂಡ.
• ಆಧಾರ್ ಸಂಖ್ಯೆಯನ್ನು ಹೊಂದಿರುವವರ ಜನಸಂಖ್ಯಾಶಾಸ್ತ್ರಕ್ಕೆ ಅಥವಾ ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಬದಲಾಯಿಸುವ ಮೂಲಕ ಅಥವಾ ಬದಲಾಯಿಸಲು ಪ್ರಯತ್ನದ ಮೂಲಕ ಆಧಾರ್ ಸಂಖ್ಯೆಯನ್ನು ಹೊಂದಿರುವವರ ಗುರುತನ್ನು ಸ್ವಾಧೀನ/ವಶಪಡಿಸಿಕೊಳ್ಳುವುದು ದಂಡನೀಯ ಅಪರಾಧ - 3 ವರ್ಷಗಳ ಜೈಲು ಶಿಕ್ಷೆ ಮತ್ತು ರೂ.10,000 ದಂಡ.
• ಓರ್ವ ನಿವಾಸಿಯ ಗುರುತಿನ ಮಾಹಿತಿಯನ್ನು ಸಂಗ್ರಹಿಸುವ ಸಲುವಾಗಿ ಅಧಿಕೃತ ಪ್ರತಿನಿಧಿ ಎಂಬುದಾಗಿ ನಟಿಸುವುದು ದಂಡನೀಯ ಅಪರಾಧ - 3 ವರ್ಷಗಳ ಜೈಲು ಶಿಕ್ಷೆ ಮತ್ತು ರೂ.10,000 ದಂಡ ಹಾಗೂ ಅದು ಕಂಪನಿಯಾಗಿದ್ದಲಿ ರೂ.1 ಲಕ್ಷ ದಂಡ.
• ನೋಂದಣಿ ಮತ್ತು ದೃಢೀಕರಣದ ವೇಳೆಯಲ್ಲಿ ಸಂಗ್ರಹಿಸಲಾದ ಮಾಹಿತಿಯನ್ನು ಓರ್ವ ಅನಧಿಕೃತ ವ್ಯಕ್ತಿಗೆ ಉದ್ದೇಶಪೂರ್ವಕವಾಗಿ ರವಾನಿಸುವುದು ದಂಡನೀಯ ಅಪರಾಧ - 3 ವರ್ಷಗಳ ಜೈಲು ಶಿಕ್ಷೆ ಮತ್ತು ರೂ.10,000 ದಂಡ ಹಾಗೂ ಅದು ಕಂಪನಿಯಾಗಿದ್ದಲಿ ರೂ.1 ಲಕ್ಷ ದಂಡ.
• ಕೇಂದ್ರ ಗುರುತುಗಳ ಮಾಹಿತಿ ಭಂಡಾರಕ್ಕೆ (ಸಿಐಡಿಆರ್) ಅನಧಿಕೃತ ಪ್ರವೇಶ ಹಾಗೂ ಮಾಹಿತಿಯನ್ನು ಕದಿಯುವಿಕೆಯು ದಂಡನೀಯ ಅಪರಾಧ - 3 ವರ್ಷಗಳ ಜೈಲು ಶಿಕ್ಷೆ ಮತ್ತು ರೂ.10,000 ದಂಡ ಹಾಗೂ ಅದು ಕಂಪನಿಯಾಗಿದ್ದಲಿ ರೂ.1 ಕೋಟಿ ಮೊತ್ತದಷ್ಟು ದಂಡ.
• ಕೇಂದ್ರ ಗುರುತುಗಳ ಮಾಹಿತಿ ಭಂಡಾರದ (ಸಿಐಡಿಆರ್) ಮಾಹಿತಿಯನ್ನು ಅನಧಿಕೃತವಾಗಿ ತಿದ್ದುವುದು/ತಿರುಚುವುದು ದಂಡನೀಯ ಅಪರಾಧ - 3 ವರ್ಷಗಳ ಜೈಲು ಶಿಕ್ಷೆ ಮತ್ತು ರೂ.10,000 ದಂಡ.
• ತನ್ನ ಸ್ವಂತದ್ದಲ್ಲದ ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಒದಗಿಸುವುದು ದಂಡನೀಯ ಅಪರಾಧ - 3 ವರ್ಷಗಳ ಜೈಲು ಶಿಕ್ಷೆ ಮತ್ತು ರೂ.10,000 ದಂಡ.