ଜଣେ EA ସୁପରଭାଇଜରଙ୍କର ଦାୟିତ୍ଵଗୁଡିକ କ’ଣ ?keyboard_arrow_down
ପଞ୍ଜୀକରଣ କେନ୍ଦ୍ରରେ, ସୁପରଭାଇଜରର ଭୁମିକା ହେଉଛି ଯୋଜନାବଦ୍ଧ ଭାବେ ପରିବହନ ବ୍ୟବସ୍ଥା ଏବଂ ପଞ୍ଜୀକରଣ କେନ୍ଦ୍ରରେ ଅନ୍ୟାନ୍ୟ ଆବଶ୍ୟକତାକୁ ଉପଯୋଗ କରିବା, ପଞ୍ଜୀକରଣ କେନ୍ଦ୍ରରେ UIDAIର ନିୟମାବଳୀ ଅନୁସାରେ ଓ ପଞ୍ଜୀକରଣ କେନ୍ଦ୍ର ସ୍ଥାପନ ଚେକଲିଷ୍ଟ ଅନୁସାରେ ପଞ୍ଜୀକରଣ ସେବା କେନ୍ଦ୍ରକୁ ସ୍ଥାପନ କରିବା | ଆଧାର ପଞ୍ଜୀକରଣ କେନ୍ଦ୍ରରେ ସୁପରଭାଇଜରର ଭୁମିକାକୁ ନିର୍ବାହ କରିବା ସମୟରେ, ନିମ୍ନଲିଖିତଗୁଡିକୁ ସୁନିଶ୍ଚିତ କରନ୍ତି:
- ସ୍ଥାନର ପ୍ରସ୍ତୁତି
- ପଞ୍ଜୀକରଣ ଏଜେନ୍ସୀକୁ ପଞ୍ଜୀକରଣ ସେବା କେନ୍ଦ୍ର ଓ କେନ୍ଦ୍ରଗୁଡିକୁ ସ୍ଥାପନ କରିବା ସକାଷେ ଉତ୍ସାହିତ କରିବା ପାଇଁ UIDAI, ପଞ୍ଜୀକରଣ କେନ୍ଦ୍ର ଚେକଲିଷ୍ଟ ବିକଶିତ କରିଛି | ସୁପର୍ଭାଇଜର୍ ଏଇ ଚେକଲିଷ୍ଟକୁ ବ୍ୟବହାର କରିବେ ଏବଂ ତା’ଙ୍କ ଦାୟିତ୍ଵରେ ଥିବା କେନ୍ଦ୍ର ସମସ୍ତ ଆବଶ୍ୟକତାକୁ ପୂରଣ କରୁଛି ବୋଲି ସୁନିଶ୍ଚିତ କରିବେ | ପ୍ରତ୍ୟେକ ପଞ୍ଜୀକରଣ କେନ୍ଦ୍ର ଆରମ୍ଭ ହେବା ପୂର୍ବରୁ ସେ ଚେକଲିଷ୍ଟକୁ ପ୍ରତ୍ୟେକ ସପ୍ତାହ(ଯେଉଁଟି ଆଗ ହେବ)ରେ ଥରେ ପୂରଣ ଓ ସ୍ଵାକ୍ଷର କରିବେ | ପ୍ରତ୍ୟେକ ପଞ୍ଜୀକରଣ କେନ୍ଦ୍ରରେ ପରବର୍ତ୍ତୀ ପର୍ଯ୍ୟବେକ୍ଷଣ/ଅଡିଟ୍ ସକାଷେ ଏହି ଚେକଲିଷ୍ଟକୁ ରେଜିଷ୍ଟ୍ରାର/UIDAI ଏବଂ ସେମାନଙ୍କ ଦ୍ଵାରା ଘୋଷିତ ପ୍ରଦର୍ଶନ ନିରିକ୍ଷକ/ଏଜେନ୍ସୀ ଦ୍ଵାରା ପରିଚାଳନା କରିବା ଆବଶ୍ୟକ |
- ଆଧାର ପଞ୍ଜୀକରଣ/ନବୀକରଣ ଆରମ୍ଭ କରିବା ପାଇଁ ସୁପରଭାଇଜର୍ ଆଧାର କ୍ଲାଏଣ୍ଟକୁ ଲାପଟପ୍/ଡେସ୍କଟପରେ ଇନଷ୍ଟଲ୍ ଓ ପରୀକ୍ଷା କରିବା, ସମସ୍ତ ଉପକରଣ ଏବଂ ପ୍ରିଣ୍ଟର୍ ତଥା ସ୍କାନର୍ ସଂଯୋଗ ହେବା ସହିତ ସେଗୁଡିକ ଭଲ ଭାବେ କାର୍ଯ୍ୟ କରୁଛନ୍ତି ବୋଲି ସୁନିଶ୍ଚିତ କରିବା, ସମସ୍ତ ଦାୟିତ୍ଵ ଥାଏ |
- ନବୀକରଣ ଆଧାର ପଞ୍ଜୀକରଣ କ୍ଲାଏଣ୍ଟ/ନବୀକରଣ ଇନଷ୍ଟଲ୍ ହୋଇଛି ବୋଲି ସୁନିଶ୍ଚିତ କରିବେ |
- ପଞ୍ଜୀକରଣ କେନ୍ଦ୍ରର ପରିସର ପରିଷ୍କାର ପରିଚ୍ଛନ୍ନ, ସୁସ୍ଥ, ସୁପରିଚାଳିତ ଏବଂ ବିଦ୍ୟୁତ୍/ନିଆଁର ବିପଦରୁ ସୁରକ୍ଷିତ ବୋଲି ସୁନିଶ୍ଚିତ କରିବେ |
- ନିମ୍ନରେ ପ୍ରଦତ୍ତ ପଞ୍ଜୀକରଣ କେନ୍ଦ୍ରର ମୌଳିକ ତଥ୍ୟ ପ୍ରତ୍ୟେକ ପଞ୍ଜୀକରଣ କେନ୍ଦ୍ରରେ ପ୍ରଦର୍ଶିତ ହୋଇଛି ବୋଲି ସୁନିଶ୍ଚିତ କରିବେ(ସ୍ଥାନୀୟ ଭାଷା ଓ ଇଙ୍ଗଲିଶରେ):
- ରେଜିଷ୍ଟ୍ରାରଙ୍କ ନାମ ଓ ଯୋଗାଯୋଗ ନମ୍ବର୍
- ପଞ୍ଜୀକରଣ ଏଜେନ୍ସୀଙ୍କ ନାମ ଓ ଯୋଗାଯୋଗ ନମ୍ବର୍
- ପଞ୍ଜୀକରଣ କେନ୍ଦ୍ରଗୁଡିକରେ EA ସୁପରଭାଇଜରଙ୍କ ନାମ, କୋଡ୍ ଓ ଯୋଗାଯୋଗ ନମ୍ବର୍
- ସୁପରଭାଇଜରଙ୍କ ବିପକ୍ଷରେ ଅଭିଯୋଗ ଆଣିବା ପାଇଁ ଏସ୍କାଲେଶନ୍ ମେଟ୍ରିକ୍ସ
- ପଞ୍ଜୀକରଣ କେନ୍ଦ୍ରର କାର୍ଯ୍ୟ ଦିବସ ଓ ଛୁଟିଦିନ
- UIDAIର ହେଲ୍ପଲାଇନ୍ ନମ୍ବର୍: 1947 ଓ ଇମେଲ୍ ଆଇଡି: This email address is being protected from spambots. You need JavaScript enabled to view it.
- ଆଧାର ପଞ୍ଜୀକରଣ/ନବୀକରଣ ପାଇଁ ଆବଶ୍ୟକ ଦସ୍ତାବିଜଗୁଡିକର ତାଲିକା
- ଆଧାର ସମ୍ପର୍କୀତ ସେବାଗୁଡିକ ପାଇଁ ଥିବା ମୂଲ୍ୟ ସୁଚୀ
- UIDAI ନିୟମାବଳୀ ଅନୁସାରେ ରେଜିଷ୍ଟ୍ରାର୍/UIDAI ଦ୍ଵାରା ପ୍ରଦାନ କରାଯାଇଥିବା ଆଧାର IEC ମ୍ୟାଟେରିଆଲଗୁଡିକ ଠିକ୍ ଭାବେ ପ୍ରଦର୍ଶିତ ହୋଇଛି ବୋଲି ସୁପରଭାଇଜର୍ ମଧ୍ୟ ସୁନିଶ୍ଚିତ କରିବେ |
- ବାସିନ୍ଦାମାନଙ୍କ ପ୍ରତି ଅପରେଟର୍ ଓ ଅନ୍ୟ କର୍ମଚାରୀମାନଙ୍କର ବ୍ୟବହାର ଭଦ୍ରୋଚିତ ବୋଲି ସୁନିଶ୍ଚିତ କରିବେ |
- ଅସନ୍ତୁଷ୍ଟ ବାସିନ୍ଦାଙ୍କୁ ଅପରେଟର୍ ପରିଚାଳନା କରିବାକୁ ଅକ୍ଷମ ହେବା କ୍ଷେତ୍ରରେ ଏବଂ ଅଶାନ୍ତ ପରିସ୍ଥିତିକୁ ପ୍ରତିହତ କରିବା ପାଇଁ ଆଗଭର ହେବା
- ଯେଉଁ ପଞ୍ଜୀକରଣ କେନ୍ଦ୍ରରେ ୟୁନିଫର୍ମ ପ୍ରଦାନ କରାଯାଇଛି ସେଠାରେ କର୍ମଚାରୀମାନେ ୟୁନିଫର୍ମ ପିନ୍ଧିଥିବା ସୁନିଶ୍ଚିତ କରନ୍ତୁ ଯାହାଦ୍ଵାରା ଯଦି ବାସିନ୍ଦାମାନେ କିଛି ଅସୁବିଧାର ସମ୍ମୁଖୀନ ହୁଅନ୍ତି ତେବେ ସେମାନେ ପରିଚ୍ଛଦରୁ କର୍ମଚାରୀମାନଙ୍କୁ ଚିହ୍ନଟ କରିପାରିବେ |
- ରେଜିଷ୍ଟ୍ରାରଙ୍କ ସହ ବୈଧ ଚୁକ୍ତି ନଥାଇ କୌଣସି ସ୍ଥାନରେ ପଞ୍ଜୀକରଣ କାର୍ଯ୍ୟ ହାତକୁ ନେବେ ନାହିଁ |
- ନିଜକୁ ଓ ଅନ୍ୟମାନଙ୍କୁ ନେଇ ସମିତିର ସଭ୍ୟ ହେବା
- ସୁପରଭାଇଜର୍ ନିଶ୍ଚିତରୂପେ ଆବଶ୍ୟକ ଦସ୍ତାବିଜ୍ ସହିତ ନିଜର “ସଭ୍ୟ ପାଇଁ ଫର୍ମ(On boarding Form)”କୁ ଦାଖଲ କରିବେ ଯାହାର ବଦଳରେ ଫର୍ମ ଯାଞ୍ଚ ପାଇଁ ସମ୍ପର୍କୀତ “UIDAI ଆଞ୍ଚଳିକ କାର୍ଯ୍ୟାଳୟରେ” ଦାଖଲ ହେବ |
- ଯାଞ୍ଚ ପରେ ଆଞ୍ଚଳିକ କାର୍ଯ୍ୟାଳୟଗୁଡିକ ସମ୍ବନ୍ଧୀତ ପଞ୍ଜୀକରଣ ଏଜେନ୍ସୀର ସମିତିରେ ସଭ୍ୟ ପାଇଁ ଗ୍ରହଣ/ଅଗ୍ରାହ୍ୟ କରିବେ |
- ତା’ପରେ ପଞ୍ଜୀକରଣ ଏଜେନ୍ସୀ ଆଧାର କ୍ଲାଏଣ୍ଟ ସଫ୍ଟୱେରରେ ବାୟୋମେଟ୍ରିକ୍ ନେବା ସହିତ ସୁପରଭାଇଜରଙ୍କୁ ସଂଯୁକ୍ତ କରିବେ ଏବଂ ପଞ୍ଜୀକରଣ ମେସିନକୁ କାର୍ଯ୍ୟକାରୀ କରିବା ପାଇଁ ଗୋଟିଏ ୟୁଜର୍ ନେମ୍ ଓ ପାସୱର୍ଡ ପ୍ରଦାନ କରିବେ |
- ପଞ୍ଜିକୃତ ୟୁଜର୍ ଅର୍ଥ, ୟୁଜରଙ୍କର ବାୟୋମେଟ୍ରିକ୍ ବିବରଣୀର ଯାଞ୍ଚ UIDAIରେ ସଫଳତାର ସହ ସମ୍ପନ୍ନ ହୋଇଛି ଏବଂ ପଞ୍ଜୀକରଣ ସେବା କେନ୍ଦ୍ରର ସ୍ଥାନୀୟ ତଥ୍ୟଭଣ୍ଡାର(ଡେଟାବେସ)ରେ ଗ଼ଚ୍ଛିତ କରାଯାଇଛି |
- ସୁପରଭାଇଜର୍ ଏହା ମଧ୍ୟ ସୁନିଶ୍ଚିତ କରିବେ ଯେ ସମସ୍ତ ଅପରେଟର୍ ମଧ୍ୟ ସ୍ଥାନୀୟ ପ୍ରମାଣୀକରଣ ପାଇଁ ସେବା କେନ୍ଦ୍ରରେ ସମିତିର ସଭ୍ୟ ହେବେ |
- କେନ୍ଦ୍ରରେ କାର୍ଯ୍ୟଗୁଡିକୁ ପରିଚାଳନା କରିବା
- ଅବଶ୍ୟକସ୍ଥଳେ ସୁପରଭାଇଜରମାନେ ମଧ୍ୟ ଗୋଟିଏ ଅପରେଟର୍ ଭଳି କାର୍ଯ୍ୟ କରିବେ |
- ସମୟ ସମୟରେ UIDAI ଦ୍ଵାରା ପ୍ରଣିତ ହେଉଥିବା ପଞ୍ଜୀକରଣ ଓ ନବୀକରଣ ସମ୍ବନ୍ଧିତ ନବୀକରଣ ନିୟମାବଳୀଗୁଡିକ ଓ ଯୋଜନାଗୁଡିକ ସହ ସୁପରଭାଇଜର୍ ନିଶ୍ଚିତରୂପେ ସୁପରିଚିତ ଥିବେ |
- ସୁପରଭାଇଜର୍ ନିଜ ପଞ୍ଜୀକରଣ କେନ୍ଦ୍ରରେ ପଞ୍ଜୀକରଣ କାର୍ଯ୍ୟକୁ ତଦାରଖ କର
ଯାଞ୍ଚକର୍ତ୍ତା କିଏ?keyboard_arrow_down
ଯେତେବେଳେ ଜଣେ ବାସିନ୍ଦା ଗୋଟିଏ ପଞ୍ଜୀକରଣ କେନ୍ଦ୍ରକୁ ଆଧାର ପଞ୍ଜୀକରଣ କରିବା ପାଇଁ ଆସନ୍ତି, ବାସିନ୍ଦା ପ୍ରଦାନ କରିଥିବା ଦସ୍ତାବିଜଗୁଡିକ ଅନୁସାରେ ଜନସାଂଖିକ ତଥ୍ୟଗୁଡିକୁ ପ୍ରବେଶ କରାଯିବ | ବାସିନ୍ଦାଙ୍କ ଦ୍ଵାରା ଦାଖଲ କରାଯାଇଥିବା ଦସ୍ତାବିଜଗୁଡିକର ପ୍ରାମାଣିକତାକୁ ଯଥାବିଧି ଅଧିକାରୀଙ୍କ ଦ୍ଵାରା ଯାଞ୍ଚ କରାଯାଏ, ଯାହାଙ୍କୁ ଦସ୍ତାବିଜ୍ ଯାଞ୍ଚ କରିବା ପାଇଁ ଅଧିକାର ଦିଆଯାଇଥାଏ | ଏପରି ଅଧିକାରୀଙ୍କୁ ଯାଞ୍ଚକର୍ତ୍ତା ଭାବେ କୁହାଯାଇଥାଏ | ପଞ୍ଜୀକରଣ କେନ୍ଦ୍ରରେ ଉପସ୍ଥିତ ଥିବା ଯାଞ୍ଚକର୍ତ୍ତା, ବାସିନ୍ଦା ପୂରଣ କରିଥିବା ପଞ୍ଜୀକରଣ ଫର୍ମର ବିପକ୍ଷରେ ଦାଖଲ ହୋଇଥିବା ଦସ୍ତାବିଜଗୁଡିକୁ ଯାଞ୍ଚ କରନ୍ତି | ଅବସରପ୍ରାପ୍ତ ସରକାରୀ କର୍ମଚାରୀଙ୍କୁ କାର୍ଯ୍ୟ ପ୍ରଦାନ କରାଯାଇଥାଏ ଯେଉଁମାନେ ଏହିପରି ଯାଞ୍ଚ ପ୍ରକ୍ରିୟା ସହିତ ପରିଚିତ ଥିବେ, ଯାହାଙ୍କୁ ରେଜିଷ୍ଟ୍ରାରଙ୍କ ଦ୍ଵାରା ବ୍ୟବହାର କରାଯାଇପାରିବ ଯଦି ସେମାନେ ଦସ୍ତାବିଜ ଯାଞ୍ଚ ପାଇଁ ଅଧିକାରୀ ଭାବେ ସେବା ପ୍ରଦାନ ପାଇଁ ଅକ୍ଷମ ହୁଅନ୍ତି |
- କୌଣସି କାର୍ଯ୍ୟରତ/ଅବସରପ୍ରାପ୍ତ କର୍ମକର୍ତ୍ତା ଉଭୟ ସରକାରୀ (ସସସ୍ତ୍ର ସେନା ଓ CPMF ମଧ୍ୟ) ଏବଂ PSUଗୁଡିକ ଯେପରି ବ୍ୟାଙ୍କ Group ‘C’/ class III କର୍ମକର୍ତ୍ତାଙ୍କ ଠାରୁ ନିମ୍ନ ପାହ୍ୟା ହୋଇନଥିବ, ସେମାନଙ୍କୁ ଯାଞ୍ଚକର୍ତ୍ତା ଭାବେ ନିଯୁକ୍ତ କରାଯାଇପାରେ | ସ୍ଥାନଗୁଡିକ ଯେପରି ବୃହତ ନଗରୀ ଓ ମେଟ୍ରୋଗୁଡିକରେ ଯେଉଁଠି ରେଜିଷ୍ଟ୍ରାର ଏଭଳି ଅବସରପ୍ରାପ୍ତ/କାର୍ଯ୍ୟରତ ସରକାରୀ କର୍ମଚାରୀଙ୍କର ସେବା ପାଇବା ପାଇଁ ଅକ୍ଷମ ହୁଅନ୍ତି, ଗୋଟିଏ ଆଉଟସୋର୍ସଡ ଭେଣ୍ଡର ଠାରୁ UIDAI ଆଞ୍ଚଳିକ କାର୍ଯ୍ୟାଳୟର ସହମତି କ୍ରମେ ଯାଞ୍ଚକର୍ତ୍ତାମାନଙ୍କୁ ନିଯୁକ୍ତ କରାଇବାରେ ସକ୍ଷମ ହୁଅନ୍ତି | ପଞ୍ଜୀକରଣ କେନ୍ଦ୍ରରେ ଥିବା ଯାଞ୍ଚକର୍ତ୍ତା ସମାନ ଭେଣ୍ଡରରୁ ଗ୍ରହଣ କରାଯାଇପାରିବ ନାହିଁ ଯାହାକୁ ପଞ୍ଜୀକରଣ ଏଜେନ୍ସୀ ଭଡାରେ ଦିଆଯାଇଥିବ | ଯାଞ୍ଚକର୍ତ୍ତା କ୍ଷେତ୍ରରେ କାମ କରିବା ପୂର୍ବରୁ ଉପଯୁକ୍ତ ଭାବେ ତାଲିମ୍ ଗ୍ରହଣ କରିଥିବା ରେଜିଷ୍ଟ୍ରାର୍ ସୁନିଶ୍ଚିତ କରିବେ |
- ଆବଶ୍ୟକତାନୁସାରେ ରେଜିଷ୍ଟ୍ରାର୍ ଗୋଟିଏ କେନ୍ଦ୍ରରେ ଏକରୁ ଅଧିକ ଯାଞ୍ଚକର୍ତ୍ତାଙ୍କୁ ନିଯୁକ୍ତ କରିପାରିବେ | ପଞ୍ଜୀକରଣ ଆରମ୍ଭ ପୂର୍ବରୁ ଉପାଧି ଅନୁସାରେ ସମସ୍ତ ଜାଞ୍ଚକର୍ତ୍ତାଙ୍କର ତାଲିକା ରେଜିଷ୍ଟ୍ରାରଙ୍କ ଦ୍ଵାରା ନିଶ୍ଚିତରୂପେ ପ୍ରକାଶ ହେବ ଏବଂ ତାଲିକାକୁ ସମ୍ପର୍କୀତ ଆଞ୍ଚଳିକ କାର୍ଯ୍ୟାଳୟକୁ ପ୍ରେରଣ କରାଯିବ |
ଯାଞ୍ଚକର୍ତ୍ତାଙ୍କର ଦାୟିତ୍ଵଗୁଡିକ କ’ଣ?keyboard_arrow_down
ପଞ୍ଜୀକରଣ ପାଇଁ ବାସିନ୍ଦା ନିଜର ଅସଲ ଦସ୍ତାବିଜଗୁଡିକ/ଆଟେଷ୍ଟେଡ୍ ଫୋଟୋନକଲଗୁଡିକ ସହିତ ପୂରଣ ହୋଇଥିବା ଆଧାର ପଞ୍ଜୀକରଣ/ନବୀକରଣ ଫର୍ମ ସହିତ ଉପସ୍ଥିତ ହେବେ | ଯାଞ୍ଚକର୍ତ୍ତା ନିଶ୍ଚିତ ଭାବେ ସହାୟକ ଦସ୍ତାବିଜରେ ଉଲ୍ଲେଖ ଥିବା ତଥ୍ୟ ସହିତ ଆଧାର ପଞ୍ଜୀକରଣ/ନବୀକରଣ ଫର୍ମରେ ଉଲ୍ଲେଖ ଥିବା ତଥ୍ୟ ସହିତ ଯାଞ୍ଚ କରିବେ | ଯାଞ୍ଚକର୍ତ୍ତା ଏହା ମଧ୍ୟ ଯାଞ୍ଚ କରିବେ ଯେ ପଞ୍ଜୀକରଣ ଫର୍ମରେ ଦିଆଯାଇଥିବା ଦସ୍ତାବିଜର ନାମ ଏବଂ ବାସିନ୍ଦାଙ୍କ ଦ୍ଵାରା ପ୍ରଦାନ କରାଯାଇଥିବା ଦସ୍ତାବିଜର ନାମ ସମାନ ଅଟେ |
- ଯାଞ୍ଚକର୍ତ୍ତା ପଞ୍ଜୀକରଣ କେନ୍ଦ୍ରର କାର୍ଯ୍ୟକାରୀ ସମୟରେ ସର୍ବଦା ଉପଲବ୍ଧ ରହିବା ଆବଶ୍ୟକ ଅଟେ | ରେଜିଷ୍ଟ୍ରାରମାନେ ପଞ୍ଜୀକରଣ ସମୟରେ ଯାଞ୍ଚକର୍ତ୍ତାଙ୍କ ଉପସ୍ଥିତିକୁ ସୁନିଶ୍ଚିତ କରିବେ |
- UIDAI ପଞ୍ଜୀକରଣ ପ୍ରକ୍ରିୟା ଅନୁଯାୟି ପଞ୍ଜୀକରଣ/ନବୀକରଣ ଫର୍ମ ସମ୍ପୂର୍ଣ୍ଣ ଓ ଠିକ୍ ଭାବେ ପୂରଣ ହୋଇଛି ବୋଲି ସୁନିଶ୍ଚିତ କରିବା ଯାଞ୍ଚକର୍ତ୍ତାଙ୍କର ଦାୟିତ୍ଵ ଅଟେ | ବାଧ୍ୟତାମୁଳକ କ୍ଷେତ୍ରଗୁଡିକୁ ଶୁନ୍ୟ ଛାଡି ପାରିବେ ନାହିଁ ଏବଂ ବାସିନ୍ଦା ମାନଙ୍କୁ ବାଧ୍ୟ ନଥିବା କ୍ଷେତ୍ର ଯେପରି ମୋବାଇଲ୍ ନମ୍ବର୍ ଓ ଏମେଲ୍ ଆଡ୍ରେସ୍ କ୍ଷେତ୍ରକୁ ପୂରଣ କରିବା ପାଇଁ ଉତ୍ସାହିତ କରିବା ଆବଶ୍ୟକ |
- ଯାଞ୍ଚକର୍ତ୍ତା ଯାଞ୍ଚ ପରେ ପଞ୍ଜୀକରଣ/ନବୀକରଣ ଫର୍ମରେ ସ୍ଵାକ୍ଷର କରିବା ସହ ମୋହର ମଧ୍ୟ ଦେବେ | ଯଦି ମୋହର ଉପଲବ୍ଧ ନଥାଏ ତେବେ ଯାଞ୍ଚକର୍ତ୍ତା ସ୍ଵାକ୍ଷର କରିବା ସହ ନିଜ ନାମକୁ ଲେଖିବେ | ବାସିନ୍ଦା ତା’ପରେ ପଞ୍ଜୀକରଣ ପାଇଁ ପଞ୍ଜୀକରଣ ଏଜେନ୍ସୀ ଅପରେଟରଙ୍କ ପାଖକୁ ଯିବେ |
- ଯାହାହେଲେ, ଯଦି ବାସିନ୍ଦା ପଞ୍ଜିକୃତ ହୋଇଛନ୍ତି ଏବଂ ଗୋଟିଏ ନିର୍ଦ୍ଦିଷ୍ଟ ଜନସାଂଖିକ କ୍ଷେତ୍ରର ସଂଶୋଧନ ପାଇଁ ଆସିଥା’ନ୍ତି, ବାସିନ୍ଦାଙ୍କୁ ଫର୍ମରେ ସମ୍ପୂର୍ଣ୍ଣ ବିବରଣୀକୁ ପୂରଣ କରିବା ଆବଶ୍ୟକତା ନାହିଁ | ବାସିନ୍ଦା ନିଶ୍ଚିତରୂପେ ତା’ଙ୍କର ଅସଲ ପଞ୍ଜୀକରଣ ସଂଖ୍ୟା, ତାରିଖ ଓ ସମୟ(ଉଭୟ EID ଅଟନ୍ତି), ନିଜ ନାମ ଏବଂ ସଂଶୋଧନ ଆବଶ୍ୟକ ଥିବା କ୍ଷେତ୍ରକୁ ପୂରଣ କରିବେ |
- ଯାଞ୍ଚକର୍ତ୍ତା, ଏହା ଯଦି ଦସ୍ତାବିଜଗୁଡିକରୁ ଗୋଟିଏକୁ ସଂଶୋଧନ କରିବାର ଥାଏ ତେବେ ସେ ଯାଞ୍ଚ କରିବେ | ଯାଞ୍ଚକର୍ତ୍ତା ବାସିନ୍ଦାଙ୍କର ପଞ୍ଜୀକରଣ ହେବା ସମୟରେ ବ୍ୟବହାର ହେଉଥିବା ସମାନ UIDAI ନିୟମାବଳୀଗୁଡିକୁ ବ୍ୟବହାର କରିବେ |
- ଯେଉଁଠି ଆଟେଷ୍ଟେଡ୍ / ପବ୍ଲିକ୍ ନୋଟାରୀ/ଗେଯେଟେଡଙ୍କ ଦ୍ଵାରା ସ୍ଵାକ୍ଷରୀତ ନକଲ ନଥିବା କ୍ଷେତ୍ରରେ ଯାଞ୍ଚକର୍ତ୍ତାଙ୍କ ସ୍ଵାକ୍ଷର/ବୃଦ୍ଧାଙ୍ଗୁଳି ଛାପ ଏବଂ ମୋହର/ନାମ ସହିତ ଦାଖଲ ହୋଇଥାଏ |
- ଯାଞ୍ଚକର୍ତ୍ତା ନିଶ୍ଚିତରୂପେ ପ୍ରତିଦିନ ପଞ୍ଜୀକରଣ କେନ୍ଦ୍ରରେ ଉପସ୍ଥିତ ରହିବା ସହିତ ପଞ୍ଜୀକରଣ କେନ୍ଦ୍ରର ପ୍ରଦର୍ଶନକୁ ନିରିକ୍ଷଣ କରିପାରିବେ ଏବଂ ପଞ୍ଜୀକରଣ କେନ୍ଦ୍ରରେ ହେଉଥିବା ବ୍ୟତିକ୍ରମ ଓ ଅବୈଧ କର୍ମ ବିଷୟରେ ଯଥାଶୀଘ୍ର UIDAI ଓ ରେଜିଷ୍ଟ୍ରାରଙ୍କୁ ଅବଗତ କରାଇବେ |
ଯାଞ୍ଚ ପାଇଁ UIDAIର ନିୟମାବଳୀଗୁଡିକ କ’ଣ ଯାହାକୁ ଯାଞ୍ଚକର୍ତ୍ତା ଯାଞ୍ଚ କଲା ସମୟରେ ମନେରଖିବେ?keyboard_arrow_down
- ଯାଞ୍ଚ ପାଇଁ ବାସିନ୍ଦାଙ୍କର ଅସଲ ଦସ୍ତାବିଜଗୁଡିକ ଥିବା ସୁନିଶ୍ଚିତ କରନ୍ତୁ | ଅସଲ ଦସ୍ତାବିଜ୍ ଉପଲବ୍ଧ ନଥିବା କ୍ଷେତ୍ରରେ ଆଟେଷ୍ଟେଡ୍ ନକଲଗୁଡିକ / ଗୋଟିଏ ପବ୍ଲିକ୍ ନୋଟାରୀ / ଗେଯେଟେଡ୍ ଅଧିକାରୀଙ୍କ ଦ୍ଵାରା ସ୍ଵାକ୍ଷରିତ ଦସ୍ତାବିଜକୁ ଗ୍ରହଣ କରାଯିବ |
- ଆଧାର ପଞ୍ଜୀକରଣ/ନବୀକରଣ ପାଇଁ ବାସିନ୍ଦାଙ୍କ ଦ୍ଵାରା ପ୍ରଦାନ କରାଯାଇଥିବା ଦସ୍ତାବିଜଗୁଡିକ କେବଳ ଗ୍ରହଣୀୟ ଦସ୍ତାବିଜ୍ ତାଲିକାରେ ଥିବା ଆବଶ୍ୟକ ଅଟେ |
- ବ୍ୟକ୍ତିଗତ ପ୍ରମାଣ ଠିକଣାଗତ ପ୍ରମାଣ ପାଇଁ ଅଧିକାରୀ/ଅନୁଷ୍ଠାନ(କେବଳ ସେଗୁଡିକ ଯାହା UIDAIର ବୈଧ ଦସ୍ତାବିଜର ତାଲିକା ଦ୍ଵାରା ପ୍ରମାଣିତ ହେଉଥିବ) ଦ୍ଵାରା ଜାରି ହେଉଥିବା ପ୍ରମାଣ ପତ୍ରର ଆପେଣ୍ଡିକ୍ସ A/B ଅନୁସାରେ ହେବ |
- ଯାଞ୍ଚକର୍ତ୍ତା ଯାଞ୍ଚ ପାଇଁ ମନା କରିପାରନ୍ତି ଯଦି ଦସ୍ତାବିଜଗୁଡିକ ଜାଲ୍/ବଦଳ ହେବାର ସେମାନେ ସଂଦେହ କରନ୍ତି | କିଛି କ୍ଷେତ୍ରରେ ଯେଉଁଠି ଯାଞ୍ଚକର୍ତ୍ତା ପ୍ରଦାନ କରାଯାଇଥିବା ଦସ୍ତାବିଜର ଜାଞ୍ଚ ପାଇଁ ମନା କରିବେ, ପଞ୍ଜୀକରଣ ଫର୍ମରେ ଯାଞ୍ଚକର୍ତ୍ତା ସଂକ୍ଷେପରେ କାରଣକୁ ରେକର୍ଡ କରିପାରିବେ |
- ଯାଞ୍ଚକର୍ତ୍ତା କାରଣ ସହିତ ମନାକରିବା କ୍ଷେତ୍ରରେ କିମ୍ବା କୌଣସି କାରଣକୁ ରେକର୍ଡିଙ୍ଗ ନକରି ବାସିନ୍ଦାଙ୍କୁ ଫେରାଇଦିଅନ୍ତି, ତେବେ ବାସିନ୍ଦା ବ୍ଲକ୍ ସ୍ତରରେ ଅଭିଯୋଗ ଦୁରୀକରଣ ପାଇଁ ରେଜିଷ୍ଟ୍ରାରଙ୍କ ଦ୍ଵାରା ସୃଷ୍ଟି ହୋଇଥିବା ପଦାଧିକାରୀଙ୍କ ସହଯୋଗ ଲୋଡିପାରିବେ |
- PoI, DoB, PoA, PoR ବିପକ୍ଷରେ, ନାମ, ଜନ୍ମ ତାରିଖ, ଠିକଣା, ଓ ସମ୍ପର୍କର ବିବରଣୀର କ୍ରମାନୁସାରେ ଯାଞ୍ଚ
- ନାମ
- PoI, ବାସିନ୍ଦାଙ୍କ ନାମ ଓ ଫୋଟୋଗ୍ରାଫ ଥିବା ଗୋଟିଏ ଦସ୍ତାବିଜ୍ ଆବଶ୍ୟକ | ଉଭୟ ଥିବା ସହାୟକ ଦସ୍ତାବିଜ୍ ସହ ଯାଞ୍ଚ କରନ୍ତୁ |
- ଯଦି ଦାଖଲ ହୋଇଥିବା କୌଣସି PoI ଦସ୍ତାବିଜରେ ବାସିନ୍ଦାଙ୍କ ଫୋଟୋଗ୍ରାଫ୍ ନଥାଏ ତେବେ ଏହାକୁ ଗୋଟିଏ ବୈଧ PoI ଭବେ ଗ୍ରହଣ କରାଯିବ ନାହିଁ | ଅନ୍ତର୍ଭୁକ୍ତ ହେବା ସହ ଅପମାନରୁ ବଞ୍ଚିବା ପାଇଁ ପୁରୁଣା ଫୋଟୋଗ୍ରାଫ୍ ଥିବା ଦସ୍ତାବିଜକୁ ଗ୍ରହଣ କରାଯିବ |
- ଦସ୍ତାବିଜରେ ଥିବା ନାମକୁ ବାସିନ୍ଦାଙ୍କୁ ତା’ଙ୍କ ନାମ ପଚାରି ସୁନିଶ୍ଚିତ କରନ୍ତୁ | ଏହା ବାସିନ୍ଦା ନିଜର ଦସ୍ତାବିଜ୍ ପ୍ରଦାନ କରିଛନ୍ତି ବୋଲି ସୁନିଶ୍ଚିତ ହେବ |
- ବ୍ୟକ୍ତିଙ୍କ ନାମ ସମ୍ପୂର୍ଣ୍ଣ ରୂପେ ପ୍ରବେଶ କରନ୍ତୁ | ଏଥିରେ ଉପନାମ କିମ୍ବା ଅଭିବାଦକ ଶବ୍ଦ ଯେପରି Mr., Miss, Mrs., Major, Retd., Dr. ପ୍ରଭୃତି ରହିବ ନାହିଁ |
- ବ୍ୟକ୍ତିଙ୍କର ନାମକୁ ଯତ୍ନ ଓ ସଠିକତାର ସହ ଲେଖିବା ଅତ୍ୟନ୍ତ ଜରୁରୀ ଅଟେ | ଉଦାହରଣସ୍ଵରୂ, ବାସିନ୍ଦା ତାଙ୍କ ନାମ V. Vijayan ବୋଲି କହିପାରନ୍ତି କିନ୍ତୁ ତାଙ୍କ ପୁରା ନାମ VenkatramanVijayan ହୋଇପାରେ ଏବଂ ସେହିପରି R. K. Srivastava ଙ୍କ ପୁରାନାମ ପ୍ରକୃତରେ Ramesh Kumar Srivastava ହୋଇପାରେ | ସେହିପରି ଜଣେ ମହିଳା ଏନରୋଲୀ ତାଙ୍କ ନାମ K. S. K. Durga ବୋଲି କହିପାରନ୍ତି ଯେତେବେଳେ କି ତାଙ୍କର ପୁରା ନାମ Kalluri Surya Kanaka Durga ହୋ ଇପାରେ | ସେମାନଙ୍କ ସଂକ୍ଷିପ୍ତ ସ୍ଵାକ୍ଷରରୁ ପ୍ରସାରିତ କରିବା ସହ ପ୍ରଦାନ କରିଥିବା ପ୍ରାମାଣୀକ ଦସ୍ତାବିଜରେ ତାହାକୁ ଯାଞ୍ଚ କରିବେ |
- ଘୋଷିତ ନାମ ଏବଂ ଦସ୍ତାବିଜ(PoI) ରେ ଥିବା ନାମରେ ଭିନ୍ନତା ଥିବା କ୍ଷେତ୍ରରେ ଏବଂ ଗୋଟିଏର ଦସ୍ତାବିଜରେ ବନାନ୍ କିମ୍ବା/ଏବଂ ପ୍ରଥମ ନାମ , ମଝି ନାମ ଓ ଶେଷ ନାମର କ୍ରମରେ ଭିନ୍ନତା ଥିବା କ୍ଷେତ୍ରରେ, ବାସିନ୍ଦା ଘୋଷିତ କରିଥିବା ନାମକୁ ରେକର୍ଡ କରାଯାଇପାରେ |
- ଯଦି ଏନରୋଲୀଙ୍କ ଦ୍ଵାରା ପ୍ରଦାନ କରାଯାଇଥିବା ଦୁଇଟି ଦସ୍ତାବିଜରେ ସମାନ ନାମରେ ଭିନ୍ନତା ଥାଏ (ଯେପରି ସଂକ୍ଷିପ୍ତ ସ୍ଵାକ୍ଷର ଏବଂ ପୁରା ନାମ ସହିତ), ଏନରୋଲୀଙ୍କ ପୁରାନାମକୁ ରେକର୍ଡ କରାଯିବ |
- ବେଳେବେଳେ ନବଜାତ ଓ ପିଲାମାନଙ୍କର ନାମକରଣ ହୋଇନଥାଏ | ପିଲା ପାଇଁ ଚାହୁଁଥିବା ନାମକୁ ପ୍ରଦାନ କରିବା ପାଇଁ ଏନରୋଲୀଙ୍କୁ ଅନୁରୋଧ କରନ୍ତୁ ଏବଂ UID ପ୍ରଦାନ କରିବା କ୍ଷେତ୍ରରେ ନାମକୁ ଗ୍ରହଣ କରିବା କେତେ ଜରୁରୀ ତାହା ବର୍ଣ୍ଣନା କରନ୍ତୁ | PoI ପାଇଁ ସହାୟକ ଦସ୍ତାବିଜ୍ ଉପଲବ୍ଧ ନଥିବା କ୍ଷେତ୍ରରେ ପରିଚୟକର୍ତ୍ତାଙ୍କ ସହାୟତାରେ ନାମକୁ ରେକର୍ଡ କରିପାରିବେ |
- ଜନ୍ମ ତାରିଖ(DOB):
- ବାସିନ୍ଦାଙ୍କ ଜନ୍ମ ତାରିଖ ନିର୍ଦ୍ଦିଷ୍ଟ କ୍ଷେତ୍ରରେ ନିଶ୍ଚିତରୂପେ ଦିନ, ମାସ ଓ ବର୍ଷକୁ ସୂଚିତ କରିବ |
- ଯଦି ବାସିନ୍ଦା ଜନ୍ମ ତାରିଖ ସମ୍ବନ୍ଧିତ ପ୍ରାମାଣିକ ଦସ୍ତାବିଜ୍ ପ୍ରଦାନ କରନ୍ତି ତେବେ ଜନ୍ମ ତାରିଖ “Verified” ବୋଲି ଗ୍ରହଣ କରାଯିବ | ଯେତେବେଳେ ବସିନ୍ଦା କୌଣସି ଦସ୍ତାବିଜ୍ ବିନା DoBକୁ ଘୋଷଣ କରନ୍ତି ସେତେବେଳେ ଜନ୍ମ ତାରିଖକୁ “Declared” ଭାବେ ଗ୍ରହଣ କରାଯାଏ |
- ଯେତେବେଳେ ବାସିନ୍ଦା ପ୍ରକୃତ ଜନ୍ମ ତାରିଖ ପ୍ରଦାନ କରିବା ପାଇଁ ଅକ୍ଷମ ହୁଅନ୍ତି ଏବଂ ବାସିନ୍ଦାଙ୍କ ଦ୍ଵାରା କେବଳ ବୟସ ପ୍ରଦାନ କରାଯାଇଥାଏ କିମ୍ବା ଯାଞ୍ଚକର୍ତ୍ତାଙ୍କ ଦ୍ଵାରା ଆନୁମାନିକ ଭାବେ ପ୍ରଦାନ କରାଯାଏ ତେବେ କେବଳ ବୟସକୁ ରେକର୍ଡ କରାଯାଏ | ଏହି କ୍ଷେତ୍ରରେ ସଫ୍ଟୱେର୍ ଅଟୋମାଟିକାଲୀ ଜନ୍ମ ବର୍ଷକୁ ଗଣନା କରିଥାଏ |
- ଯାଞ୍ଚକର୍ତ୍ତା ପଞ୍ଜୀକରଣ/ନବୀକରଣ ଫର୍ମରେ ପ୍ରବେଶକୁ ଯାଞ୍ଚ କରିବେ ଏବଂ ସୁନିଶ୍ଚିତ କରିବେ ଯେ ବାସିନ୍ଦା ଠିକ୍ ଭାବେ ଜନ୍ମ ତାରିଖକୁ “verified”/”declared” ସୂଚିତ କରିଛନ୍ତି କିମ୍ବା ନିଜର ବୟସକୁ ପୂରଣ କରିଛନ୍ତି |
- ବାସସ୍ଥାନ ଠିକଣା:
- PoA ନାମ ଓ ଠିକଣାକୁ ଧାରଣ କରିଛି ବୋଲି ଯାଞ୍ଚ କରନ୍ତୁ | ଯାଞ୍ଚକର୍ତ୍ତା ସୁନିଶ୍ଚିତ କରିବେ ଯେ PoA ଦସ୍ତାବିଜରେ ଥିବା ନାମ PoI ଦସ୍ତାବିଜରେ ଥିବା ନାମ ସହିତ ମେଳ ହେଉଥିବ | PoI ଓ PoA ଦସ୍ତାବିଜରେ ଥିବା ନାମର ଭିନ୍ନତାକୁ ଗ୍ରହଣ କରାଯିବ ଯଦି ବନାନରେ କିମ୍ବା/ଏବଂ ପ୍ରଥମ, ମଝି ଓ ଶେଷ ନାମର କ୍ରମରେ ଭିନ୍ନତା ଥାଏ |
- ଛୋଟ ପିଲା ଏବଂ ବୃଦ୍ଧ ଲୋକଙ୍କ ପାଇଁ “care of” ବ୍ୟବହାର କରାଯାଏ ଯଦି କେହି କ୍ରମାନୁସାରେ ମାତାପିତା ଏବଂ ସନ୍ତାନ ମାନଙ୍କ ସହ ରହୁଥିବେ | ଯଦି ଉପଲବ୍ଧ ନଥିବ ତେବେ ଏହି ଆଡ୍ରେସ୍ ଲାଇନକୁ ଖାଲି ଛାଡିଦେବେ |
- ଠିକଣାକୁ ବୃଦ୍ଧି କରିବା ପାଇଁ ଅନୁମତି ଅଛି | ବାସିନ୍ଦା ଛୋଟ ଫିଲ୍ଡଗୁଡିକ ସଂଯୋଗ କରିବା ପାଇଁ ଅନୁମତି ଅଛି ଯେପରି ଘର ନଂ., ଲେନ୍ ନଂ., ଗଳି ନାମ, ଟାଇପୋଗ୍ରାଫିକ୍ ତୃଟିକୁ ସଂଶୋଧନ କରିବେ, ଛୋଟ ପରିବର୍ତ୍ତନ/ ପିନକୋଡ୍ ସଂଶୋଧନ ପ୍ରଭୃତିକୁ PoAରେ ଥିବା ଠିକଣାରେ କରିପାରିବେ ଯେପର୍ଯ୍ୟନ୍ତ ଏହି ସଂଯୋଗ/ରୂପାନ୍ତର PoA ଦସ୍ତାବିଜରେ ଥିବା ମୂଳ ଠିକଣାକୁ ପରିବର୍ତ୍ତନ କରିବ ନାହିଁ |
- ଯଦି ଅନୁରୋଧ କରାଯାଇଥିବା ଠିକଣା ଗୁରୁତ୍ଵପୂର୍ଣ୍ଣ ଥାଏ ଏବଂ PoAରେ ଥିବା ମୂଳ ଠିକଣାକୁ ପରିବର୍ତ୍ତନ କରିବାକୁ ହୁଏ ତେବେ ବାସିନ୍ଦାଙ୍କୁ ଗୋଟିଏ PoAର ବିକଳ୍ପ ଦେବାକୁ ହେବ କିମ୍ବା ଏକ ପରିଚୟକର୍ତ୍ତାଙ୍କ ମାଧ୍ୟମରେ ପଞ୍ଜୀକରଣ କରିବାକୁ ହେବ |
- ସମ୍ପର୍କର ବିବରଣୀ:
- 5 ବର୍ଷରୁ କମ୍ ବୟସ ପିଲାମାନଙ୍କ ପାଇଁ ମାତାପିତାଙ୍କ ମଧ୍ୟରୁ ଜଣଙ୍କର କିମ୍ବା ଅଭିଭାବକଙ୍କ “Name” ଓ “Aadhaar Number” ବାଧ୍ୟତାମୁଳକ ଅଟେ | ପିଲାମାନଙ୍କୁ(କିମ୍ବା ସେମାନେ ଏକାସଂଗେ ପଞ୍ଜୀକରଣ କରିପାରିବେ) ପଞ୍ଜୀକରଣ କରିବା ସମୟରେ ମାତାପିତା/ଅଭିଭାବକ ସେମାନଙ୍କ ଆଧାର ପ୍ରଦାନ କରିବା ଆବଶ୍ୟକ ଅଟେ |
- ସାବାଳକଙ୍କ କ୍ଷେତ୍ରରେ ମାତାପିତା କିମ୍ବା ସାଥୀଙ୍କର ତଥ୍ୟର ଯାଞ୍ଚ ଆବଶ୍ୟକତା ନାହିଁ | ସେଗୁଡିକୁ କେବଳ ଆଭ୍ୟନ୍ତରୀଣ ଉଦ୍ଦେଶ୍ୟରେ ରେକର୍ଡ କରାଯାଏ |
- ପରିବାର ମୁଖ୍ୟ(HoF):
- PoR ଦସ୍ତାବିଜ୍ ପରିବାରର ମୁଖ୍ୟ ଓ ପରିବାରର ସଦସ୍ୟଙ୍କ ମଧ୍ୟରେ ସମ୍ବନ୍ଧ ସ୍ଥାପନକୁ ଯାଞ୍ଚ କରିବ | ସମ୍ପର୍କ ଦସ୍ତାବିଜ(PoR)କୁ ଆଧାର କରି, କେବଳ ସେହି ସଦସ୍ୟମାନେ ପଞ୍ଜୀକରଣ କରିପାରିବେ ଯାହାର ନାମ ସମ୍ପର୍କ ଦସ୍ତାବିଜରେ ରେକର୍ଡ ଅଛି |
- ପରିବାରର ସଦସ୍ୟ ପଞ୍ଜୀକରଣ ପାଇଁ ଗଲା ସମୟରେ ପରିବାରର ମୁଖ୍ୟ ସର୍ବଦା ତା’ଙ୍କ ସହିତ ଯିବେ |
- HoF ଆଧାରିତ ଯାଞ୍ଚରେ ଯାଞ୍ଚକର୍ତ୍ତା ନିଶ୍ଚିତରୂପେ ପଞ୍ଜୀକରଣ/ନବୀକରଣ ଫର୍ମରେ HoF ବିବରଣୀକୁ ଯାଞ୍ଚ କରିବେ | ଫର୍ମରେ ଥିବା HoFଙ୍କ ନାମ ଓ ଆଧାର ଅଂଖ୍ୟାକୁ ଆଧାର ପତ୍ର ସହିତ ଯାଞ୍ଚ କରିବେ |
- HoF ଆଧାରିତ ପଞ୍ଜୀକରଣରେ ଫର୍ମରେ ଉଲ୍ଲେଖ ଥିବା ସମ୍ପର୍କର ବିବରଣୀ କେବଳ HoFଙ୍କର ବୋଲି ସୁନିଶ୍ଚିତ କରନ୍ତୁ |
- ମୋବାଇଲ୍ ନମ୍ବର୍, ଇମେଲ୍ ଆଡ୍ରେସ୍:
ଯଦି ଏନରୋଲୀଙ୍କର ମୋବାଇଲ୍ ନମ୍ବର୍ ଓ ଇମେଲ୍ ଆଡ୍ରେସ୍ ଥାଏ ଏବଂ ତାହା ପ୍ରଦାନ କରିବା ପାଇଁ ଇଚ୍ଛୁକ ଥା’ନ୍ତି, ତେବେ ଏହି ଅପଶନାଲ୍ ଫିଲ୍ଡଗୁଡିକୁ ପୂରଣ କରିପାରିବେ | ଯାଞ୍ଚକର୍ତ୍ତା ବାସିନ୍ଦାଙ୍କୁ ଏହି ଫିଲ୍ଡଗୁଡିକର ଗୁରୁତ୍ଵ ଉପରେ ବର୍ଣ୍ଣନା କରିବେ | UIDAI, ଏହି ତଥ୍ୟକୁ ଯଦି ଆବଶ୍ୟକ ହୁଏ ଯେପରି ଫେରସ୍ତ ହୋଇଥିବା ପତ୍ର, ବ୍ୟବହାର କରି ବାସିନ୍ଦାଙ୍କ ସହ ଯୋଗାଯୋଗରେ ରହିବ |
ବିନା ଦସ୍ତାବିଜରେ କିପରି ବାସିନ୍ଦାମାନେ ଆଧାରରେ ପଞ୍ଜୀକରଣ କରିପାରିବେ?keyboard_arrow_down
- ପଞ୍ଜୀକରଣ ସମୟରେ ମୁଖ୍ୟ ଜନସାଂଖିକ ତଥ୍ୟ ଠିକ୍ ଭାବେ ଯାଞ୍ଚ ହେବା ଆବଶ୍ୟକ | ବାସିନ୍ଦା ଅନୁମୋଦିତ ବ୍ୟକ୍ତିଗତ ପ୍ରମାଣ(PoI) ଓ ଠିକଣାଗତ ପ୍ରମାଣ(PoA) ଭାବେ ଯେକୌଣସି ଦସ୍ତାବିଜକୁ ଆଣିପାରିବେ |
- ଯଦି ଜଣେ ବାସିନ୍ଦା ବ୍ୟକ୍ତିଗତ ପ୍ରମାଣ କିମ୍ବା ଠିକଣାଗତ ପ୍ରମାଣ ପ୍ରଦାନ କରିବାରେ ଅକ୍ଷମ ଅଟନ୍ତି, ସେମାନେ ଗୋଟିଏ ପୂର୍ବ-ପଦବି ଧାରୀ “ପରିଚୟକର୍ତ୍ତା(Introducer)”ଙ୍କ ମାଧ୍ୟମରେ ପଞ୍ଜୀକରଣ କରିପାରିବେ ଯିଏ ରେଜିଷ୍ଟ୍ରାର୍ କିମ୍ବା ଆଞ୍ଚଳିକ କାର୍ଯ୍ୟାଳୟ ଦ୍ଵାରା ଚିହ୍ନଟ ଓ ବିଜ୍ଞପିତ ଅଟନ୍ତି |
- ପରିଚୟକର୍ତ୍ତା ଜଣେ ବ୍ୟକ୍ତି ଯିଏ ରେଜିଷ୍ଟ୍ରାରଙ୍କ ଦ୍ଵାରା, PoA/PoI ନଥିବା ବ୍ୟକ୍ତିଙ୍କୁ ପରିଚିତ କରିବା ପାଇଁ ଅଧିକାର ପ୍ରାପ୍ତ | ଏହି ପରିଚୟ ବାସିନ୍ଦାଙ୍କୁ ଗୋଟିଏ ଚାରିତ୍ରିକ ପ୍ରମାଣ ପତ୍ର ଦେବା ପାଇଁ ପର୍ଯ୍ୟାପ୍ତ ନୁହେଁ |
ପରିଚୟକର୍ତ୍ତା କିଏ?keyboard_arrow_down
- ପରିଚୟକର୍ତ୍ତା ହେଉଚନ୍ତି ବ୍ୟକ୍ତିବିଶେଷ (ଉଦାହରଣ ରେଜିଷ୍ଟ୍ରାରଙ୍କ କର୍ମଚାରୀ, ନିର୍ବାଚିତ ସ୍ଥାନୀୟ ସଭ୍ୟ, ସ୍ଥାନୀୟ ପରିଚାଳନା ସମିତିର ସଭ୍ୟ, ଡାକବାଲା, ପ୍ରଭାବକର୍ତ୍ତା ଯେପରି ଶିକ୍ଷକବୃନ୍ଦ, ସ୍ଵାସ୍ଥ୍ୟକର୍ମୀ ଓ ଡାକ୍ତର, ଆଙ୍ଗନବାଡି / ASHA କର୍ମୀ, ସ୍ଥାନୀୟ NGOର ପ୍ରତିନିଧି ପ୍ରଭୃତି)ରେଜିଷ୍ଟ୍ରାରଙ୍କ ଦ୍ଵାରା ଚିହ୍ନଟ ହୋଇଥା’ନ୍ତି ଏବଂ UIDAIର CIDRରେ ପରିଚୟକର୍ତ୍ତା ଭାବେ “Introducers” ପଞ୍ଜିକୃତ ହୋଇଥାନ୍ତି |
- ନିର୍ଦ୍ଦିଷ୍ଟ କ୍ଷେତ୍ରରେ, UIDAI ଆଞ୍ଚଳିକ କର୍ଯ୍ୟାଳୟ ରେଜିଷ୍ଟ୍ରାରମାନଙ୍କ ସୁବିଧା ସକାଷେ ନିଜେ ଗୋଟିଏ ପରିଚୟକର୍ତ୍ତାଙ୍କର ଗୋଷ୍ଠୀ ଚିହ୍ନଟ କରିବା ପାଇଁ ଆରମ୍ଭିକ ପନ୍ଥା ନେଇପାରେ |
- ପରିଚୟକର୍ତ୍ତାଙ୍କ ବୟସ ନିଶ୍ଚିତରୂପେ 18 ବର୍ଷରୁ ଊର୍ଦ୍ଧ୍ଵ ହେବ ଏବଂ ଅପରାଧୀ ହୋଇନଥିବେ |
- ପରିଚୟକର୍ତ୍ତା ଗୋଟିଏ ରେଜିଷ୍ଟ୍ରାରଙ୍କ ସହ ସମ୍ପର୍କରେ ରହିବେ | ସେହି ପରିଚୟକର୍ତ୍ତା ଏପରି ଅଧିକ ରେଜିଷ୍ଟ୍ରାରଙ୍କ ଦ୍ଵାରା ବ୍ୟବହାର କରାଯାଇପାରିବେ ଯେତେବେଳ ପର୍ଯ୍ୟନ୍ତ ସେମାନେ ସମ୍ପର୍କୀତ ରେଜିଷ୍ଟ୍ରାରଙ୍କ ଦ୍ଵାରା ଚିହ୍ନଟ ହୋଇଥିବେ ଏବଂ ନିର୍ଦ୍ଦିଷ୍ଟ ରେଜିଷ୍ଟ୍ରାରଙ୍କ ପାଇଁ UIDAIର CIDRରେ “Introducers” ଭାବେ ପଞ୍ଜିକୃତ ହୋଇଥିବେ | ତେଣୁ, ପରିଚୟକର୍ତ୍ତା ରେଜିଷ୍ଟ୍ରାରଙ୍କ ଅଧିକାର କ୍ଷେତ୍ର ମଧ୍ୟରେ ଲୋକମାନଙ୍କୁ ପରିଚୟ କରାଇପାରିବେ | ଏହାକୁ ଜଣେ ରେଜିଷ୍ଟ୍ରାର ପ୍ରଶାସନିକ ସୀମା(ରାଜ୍ୟ, ଜିଲ୍ଲା ସ୍ତରୀୟ) ସାହାଯ୍ୟରେ ପରିଚୟକର୍ତ୍ତାଙ୍କର କାର୍ଯ୍ୟକୁ ସୀମିତ କରିପାରିବେ |
ପରିଚୟକର୍ତ୍ତାଙ୍କର ଦାୟିତ୍ଵଗୁଡିକ କ’ଣ?keyboard_arrow_down
- ଥରେ ରେଜିଷ୍ଟ୍ରାର ସ୍ଥାନ ଅନୁସାରେ ପରିଚୟକର୍ତ୍ତା୍ମାନଙ୍କୁ ଚିହ୍ନଟ କରିସାରିବା ପରେ (ଜିଲ୍ଲା/ରାଜ୍ୟ ଯେଉଁଠି ପରିଚୟକର୍ତ୍ତା କାମ କରିବା ପାଇଁ ଅଧିକାର ପ୍ରାପ୍ତ), ସେ ପରିଚୟକର୍ତ୍ତାମାନଙ୍କୁ ବିଜ୍ଞପିତ କରିବେ |
- ପରିଚୟକର୍ତ୍ତାମାନେ ରେଜିଷ୍ଟ୍ରାର୍ ଓ UIDAI ଦ୍ଵାରା ଆୟୋଜିତ ଆଧାର ସଚେତନତା କର୍ମଶାଳାରେ ନିଶ୍ଚିତ ଭାବେ ଯୋଗ ଦେବା ସହ ଆଧାରର କାର୍ଯ୍ୟକ୍ରମ ସହ ପରିଚିତ ହେବେ ଏବଂ ପରିଚୟକର୍ତ୍ତାର ଦାୟିତ୍ଵ ଓ କାର୍ଯ୍ୟକ୍ଷମତାକୁ ବୁଝିପାରିବେ |
- ଯଦି ଜଣେ ଚିହ୍ନଟ ପରିଚୟକର୍ତ୍ତା ଗୋଟିଏ ପରିଚୟକର୍ତ୍ତା ଭାବେ କାମ କରିବା ପାଇଁ ପ୍ରସ୍ତୁତ ଅଛି, ସେ ଗୋଟିଏ ଲିଖିତ ଆକାରରେ ଦେବେ ଯେ ଆଧାରର ପଞ୍ଜୀକରଣ ପାଇଁ ପରିଚୟକର୍ତ୍ତା ଭାବେ କାମ କରିବେ ଏବଂ ୟୁନିକ୍ ଆଇଡେଣ୍ଟିଫିକେଶନ୍ ଅଥୋରିଟୀ ଅଫ ଇଣ୍ଡିଆ(UIDAI) ଓ ରେଜିଷ୍ଟ୍ରାରଙ୍କ ଦ୍ଵାରା ପ୍ରଣିତ ପରିଚୟକର୍ତ୍ତାଙ୍କ ପାଇଁ ଥିବା ସମସ୍ତ ନିୟମାବଳୀ ଓ କାର୍ଯ୍ୟଧାରାକୁ ଅନୁସରଣ କରିବେ |
- ପରିଚୟକର୍ତ୍ତା ପଞ୍ଜୀକରଣ କରିବା ସହ ସେମାନଙ୍କ ଆଧାର ସଂଖ୍ୟା ପ୍ରାପ୍ତ କରିବା ଆବଶ୍ୟକ ଏବଂ କାର୍ଯ୍ୟକ୍ଷେତ୍ରରେ ବାସିନ୍ଦାମାନଙ୍କୁ ପରିଚିତ କରିବା ପୂର୍ବରୁ ସମ୍ବନ୍ଧିତ ଫର୍ମରେ ସ୍ଵାକ୍ଷର କରିବା ଆବଶ୍ୟକ |
- ରେଜିଷ୍ଟ୍ରାର୍ ସେମାନଙ୍କୁ UIDAIରେ ପରିଚୟକର୍ତ୍ତା ଭାବେ ପଞ୍ଜିକୃତ କରିଛନ୍ତି ବୋଲି ସୁନିଶ୍ଚିତ କରିବା ଆବଶ୍ୟକ |
- ପରିଚୟକର୍ତ୍ତାମାନେ, ସେମାନଙ୍କୁ ପ୍ରଦାନ କରାଯାଇଥିବା କ୍ଷେତ୍ର ମଧ୍ୟରେ ପଞ୍ଜୀକରଣ ସୂଚୀ, ପଞ୍ଜୀକରଣ କେନ୍ଦ୍ରର ଅବସ୍ଥିତି ଏବଂ ପଞ୍ଜୀକରଣ କେନ୍ଦ୍ରଗୁଡିକର କାମ କରିବା ସମୟ ସହିତ ପରିଚିତ ରହିବେ |
- ସେମାନଙ୍କର ଯୋଗାଯୋଗ ତଥ୍ୟ ଠିକ୍ ଭାବେ ପଞ୍ଜୀକରଣ କେନ୍ଦ୍ରରେ ପ୍ରଦର୍ଶିତ ହୋଇଛି ବୋଲି ସୁନିଶ୍ଚିତ କରନ୍ତୁ | ପ୍ରଦର୍ଶିତ ନଥିବା/ଭୁଲ୍ ତଥ୍ୟ ଥିବା କ୍ଷେତ୍ରରେ, ପଞ୍ଜୀକରଣ କେନ୍ଦ୍ରର ସୁପଭାଇଜରଙ୍କ ତଥ୍ୟକୁ ପ୍ରଦର୍ଶନ/ସଂଶୋଧନ କରିବା ପାଇଁ କହିପାରିବେ |
- ପରିଚୟକର୍ତ୍ତା ବାସିନ୍ଦାମାନଙ୍କ ପାଖରେ ସହଜରେ ପହଞ୍ଚିବା ଆବଶ୍ୟକ ଅଟେ |
- ପରିଚୟକର୍ତ୍ତା ପଞ୍ଜୀକରଣ ଫର୍ମରେ ବାସିନ୍ଦାଙ୍କର ନାମ ଓ ଠିକଣା ଠିକ୍ ଓ ସମ୍ପୂର୍ଣ୍ଣ ଥିବା ଯାଞ୍ଚ କରିବେ | ପରିଚୟକର୍ତ୍ତା ନିଜର ବିବରଣୀକୁ ମଧ୍ୟ ଫର୍ମରେ ଯାଞ୍ଚ କରିବେ ଏବଂ ତା’ପରେ ପଞ୍ଜୀକରଣ ଫର୍ମରେ ଉଦ୍ଦିଷ୍ଟ ଥିବା ସ୍ଥାନରେ ସ୍ଵାକ୍ଷର/ବୃଦ୍ଧାଙ୍ଗୁଳି ଛାପ ପ୍ରଦାନ କରିବେ |
- ପରିଚୟକର୍ତ୍ତାମାନେ ECର କାର୍ଯ୍ୟକାରୀ ସମୟରେ ବାସିନ୍ଦାମାନଙ୍କୁ ପରିଚିତ କରାଇବା ପାଇଁ ଉପଲବ୍ଧ ରହିବେ | ସେମାନେ କାର୍ଯ୍ୟକାରୀ ସମୟରେ ଉପଲବ୍ଧ ନଥିବା ସ୍ଥଳେ, ଦିନର ଶେଷରେ ପଞ୍ଜୀକରଣ କେନ୍ଦ୍ରକୁ ଯାଇ ସେମାନଙ୍କ ପରିଚୟ ହେତୁ ସ୍ଥଗିତ ଥିବା ବାସିନ୍ଦାମାନଙ୍କର ତାଲିକାକୁ ଯାଞ୍ଚ କରିପାରିବେ |
- ପରିଚୟକର୍ତ୍ତା ଯତ୍ନ ସହକାରେ ବାସିନ୍ଦାଙ୍କର ନାମ ଓ ଠିକଣା ଯାଞ୍ଚ କରନ୍ତୁ ଏବଂ ସେମାନଙ୍କର ଅନୁମୋଦନ/ଅଗ୍ରାହ୍ୟ ପ୍ରଦାନ କରିବେ |
- ପରିଚୟକର୍ତ୍ତା ଗୋଟିଏ ବାସିନ୍ଦାଙ୍କର ପଞ୍ଜୀକରଣ କରିବା ପାଇଁ ନିଜର ବାୟୋମେଟ୍ରିକକୁ ଆଧାର କ୍ଲାଏଣ୍ଟରେ ପ୍ରଦାନ କରିବେ |
- ପରିଚୟକର୍ତ୍ତା ତାହାକୁ ପ୍ରିଣ୍ଟ କରିବା ପାଇଁ ଆବଶ୍ୟକ ସ୍ଥଳେ ସ୍ଵାକ୍ଷର/ବୃଦ୍ଧାଙ୍ଗୁଳୀ ଛାପ ମଧ୍ୟ ପ୍ରଦାନ କରିବେ |
- ପରିଚୟକର୍ତ୍ତା ପରିଚୟ କରାଉଥିବା ବାସିନ୍ଦାଙ୍କର ପରିଚୟ ଓ ଠିକଣାକୁ ସୁନିଶ୍ଚିତ କରିବେ |
- ପରିଚୟକର୍ତ୍ତା ନିଶ୍ଚିତରୂପେ ବାସିନ୍ଦାମାନଙ୍କୁ ପରିଚିତ କରାଇବେ ଯାହାର ବ୍ୟକ୍ତିଗତ କିମ୍ବା ଠିକଣାଗତ ପ୍ରମାଣ ପତ୍ର ନଥିବ |
- ଯିଏ ତାଙ୍କ ପାଖକୁ ଆସିବ ପରିଚୟକର୍ତ୍ତା ପ୍ରତ୍ୟେକଙ୍କୁ ପରିଚିତ କରିବା ପାଇଁ ବାଧ୍ୟ ନୁହଁନ୍ତି |
- ପରିଚୟକର୍ତ୍ତା ବାସିନ୍ଦାଙ୍କୁ ପରିଚିତ କରିବା ଉଦ୍ଦେଶ୍ୟରେ କୌଣସି ଶୁଳ୍କ ଗ୍ରହଣ କରିପାରିବେ ନାହିଁ | ଯାହାହେଲେ, ରେଜିଷ୍ଟ୍ରାର ସେମାନଙ୍କ କାମ ପାଇଁ ସମ୍ମାନୀତ କରିପାରନ୍ତି |
ଜଣେ ପରିଚୟକର୍ତ୍ତାଙ୍କର ଦାୟିତ୍ଵର ପରିସୀମାଗୁଡିକ କ’ଣ ଅଟେ?keyboard_arrow_down
- ପରିଚୟକର୍ତ୍ତା ଜଣେ ବ୍ୟକ୍ତିଙ୍କୁ ଅନ୍ୟ ଜଣଙ୍କର(ଜୀବିତ କିମ୍ବା ମୃତ)ଛଳନା କରିବାର କଦାପି ଦୁରଭିସନ୍ଧି ରଖିବେ ନାହିଁ |
- ପରିଚୟକର୍ତ୍ତା ନିଶ୍ଚିତରୂପେ ଜଣେ ଆଧାର ଧାରକଙ୍କୁ ଜାଣିଶୁଣି ଅନ୍ୟ ଜଣଙ୍କର ଜନସାଂଖିକ ତଥ୍ୟକୁ ପରିବର୍ତ୍ତନ କରିବା ହେତୁ ସାହାଯ୍ୟ କରିବେ ନାହିଁ କିମ୍ବା ଭୁଲ୍ ବାୟୋମେଟ୍ରିକ୍ ତଥ୍ୟ ପ୍ରଦାନର ଦୁରଭିସନ୍ଧି କଦାପି ରଖିବେ ନାହିଁ |
- ନିୟମାବଳୀଗୁଡିକର ଅବମାନନା କରିଲେ ପରିଚୟକର୍ତ୍ତାଙ୍କ ବିପକ୍ଷରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ |
ଆଧାରରେ ମୁଁ ମୋର ବିବରଣୀଗୁଡିକୁ ନବୀକରଣ କରିପାରିବି କି?keyboard_arrow_down
ହଁ, ଆପଣ ସବୁସମୟରେ ଆଧାରରେ ନିଜର ବିବରଣୀଗୁଡିକୁ ନବୀକରଣ କରିପାରିବେ |
ଆଧାରରେ ମୁଁ କେଉଁ ଫିଲ୍ଡଗୁଡିକୁ ନବୀକରଣ କରିପାରିବି?keyboard_arrow_down
ଆପଣ ଆଧାରରେ, ଜନସାଂଖିକ ବିବରଣୀଗୁଡିକୁ(ନାମ, ଠିକଣା, ଜନ୍ମ ତାରିଖ, ଲିଙ୍ଗ, ମୋବାଇଲ୍ ନମ୍ବର୍, ଇମେଲ୍) ସହିତ ବାୟୋମେଟ୍ରିକ୍ସଗୁଡିକୁ(ହାତଆଙ୍ଗୁଠିଗୁଡିକର ଛାପ, ଆଇରିସ୍(ଆଖିଡୋଳା) ଓ ଫୋଟୋଗ୍ରାଫ)କୁ ନବୀକରଣ କରିପାରିବେ |
ଆଧାରରେ ବିବରଣୀଗୁଡିକୁ ନବୀକରଣ କରିବା ପାଇଁ କେଉଁ ଦସ୍ତାବିଜଗୁଡିକ ଆବଶ୍ୟକ?keyboard_arrow_down
ସାରା ଦେଶରେ ବୈଧ ଥିବା ଦସ୍ତାବିଜର ତାଲିକା ପାଇଁ ଦୟାକରି ଏଠାରେ
list of supporting documents କ୍ଲିକ୍ କରନ୍ତୁ | ତାଲିକାରେ, 18ଟି ବ୍ୟକ୍ତିଗତ ପ୍ରମାଣ(PoI), 35ଟି ଠିକଣାଗତ ପ୍ରମାଣ(PoA), 9ଟି ସମ୍ପର୍କର ପ୍ରମାଣ(PoR) ଏବଂ 9ଟି ଜନ୍ମ ତାରିଖର ପ୍ରମାଣ ଅନ୍ତର୍ଭୁକ୍ତ ଅଛି |
ଆଧାର ର ଜନସାଂଖିକ କିମ୍ବା ବାୟୋମେଟ୍ରିକ୍ ନବୀକରଣ ପାଇଁ ଶୁଳ୍କ ଆଵଶ୍ୟକ କି?keyboard_arrow_down
ହଁ, ଆଧାରରେ ଜନସାଂଖିକ କିମ୍ବା ବାୟୋମେଟ୍ରିକ୍ ନବୀକରଣ କରିବା ପାଇଁ ଆପଣଙ୍କୁ ସେବା ପ୍ରଦାନକାରୀଙ୍କୁ ପ୍ରତ୍ୟେକ ଥର ବିବରଣୀର ଅଦ୍ୟତନ ପାଇଁ Rs. 25/- ପ୍ରଦାନ କରିବାକୁ ହେବ | UIDAIର ଅନୁମୋଦିତ ଶୁଳ୍କ ଢାଞ୍ଚା ପାଇଁ uidai.gov.inରେ ଥିବା Charges for Various UIDAI Services at Aadhaar Kendra (PEC) ଉପରେ ମଧ୍ୟ କ୍ଲିକ୍ କରିପାରିବେ |
ଆଧାରରେ କିପରି ମୁଁ ମୋର ବିବରଣୀକୁ ନବୀକରଣ କରିପାରିବି?keyboard_arrow_down
ଆପଣଙ୍କ ବିବରଣୀକୁ ନବୀକରଣ କରିବା ପାଇଁ ତିନୋଟି ମାର୍ଗ ଅଛି:-
- ସ୍ଥାୟୀ ପଞ୍ଜୀକରଣ କେନ୍ଦ୍ରକୁ ଯାଇ କରିପାରିବେ uidai.gov.inରେ ଥିବା “Locate Enrolment Center” ଉପରେ କ୍ଲିକ୍ କରି ନିକଟସ୍ଥ ପଞ୍ଜୀକରଣ କେନ୍ଦ୍ର ପାଇଁ ସର୍ଚ କରିପାରିବେ |
- ଅନଲାଇନରେ ସ୍ଵୟଂ ସେବାନବୀକରଣ ପୋର୍ଟାଲ(SSUP) କୁ ବ୍ୟବହାର କରିପାରିବେ | uidai.gov.in ରେ ଥିବା “Update Aadhaar Details (Online)” ଉପରେ କ୍ଲିକ୍ କରନ୍ତୁ |
- ଡାକ ମାଧ୍ୟମରେ,ଆବେଦନ ଫର୍ମ ସହିତ ସ୍ଵ-ଅନୁପ୍ରମାଣିତ ସହାୟକ ଦସ୍ତାବିଜଗୁଡିକ ସହ UIDAIକୁ ପ୍ରେରଣ କରନ୍ତୁ | uidai.gov.inରେ ଥିବା “Update Request by Post” ଉପରେ କ୍ଲିକ୍ କରନ୍ତୁ |
କୌଣସି ପ୍ରକାରର ଅଦ୍ୟତନ କରିବା ପାଇଁ ଅନୁରୋଧ କରିବା ସମୟରେ, ଆଧାର ସହିତ ମୋ ମୋବାଇଲ୍ ନମ୍ବର୍ ପଞ୍ଜିକୃତ ହୋଇଥିବା ଜରୁରୀ ଅଟେ କି?keyboard_arrow_down
ଯଦି ଆପଣ ଅଦ୍ୟତନ ପାଇଁ ଅନଲାଇନ୍ ସ୍ଵୟଂ ସେବା ନବୀକରଣ ପୋର୍ଟାଲକୁ ବ୍ୟବହାର କରୁଥା’ନ୍ତି, ତେବେ ଆପଣଙ୍କ ମୋବାଇଲ୍ ନମ୍ବର୍ ଆଧାର ସହିତ ପଞ୍ଜିକୃତ ହୋଇଥିବା ଆବଶ୍ୟକ ଅଟେ ନଚେତ୍ ଆପଣ ନିକଟସ୍ଥ ସ୍ଥାୟୀ ପଞ୍ଜୀକରଣ କେନ୍ଦ୍ରକୁ ସହାୟକ ଦସ୍ତାବିଜ୍ ସହ ଯାଇପାରିବେ କିମ୍ବା ଡାକ ମାଧ୍ୟମରେ ଆବେଦନ ଫର୍ମ ସହିତ ସହାୟକ ଦସ୍ତାବିଜଗୁଡିକ ସହ ଅଦ୍ୟତନର ଅନୁରୋଧକୁ ପ୍ରେରଣ କରିପାରିବେ |
ଅଦ୍ୟତନ ପାଇଁ ସ୍ଥାୟୀ ପଞ୍ଜୀକରଣ କେନ୍ଦ୍ରକୁ ଯାଇ କେଉଁ ବିବରଣୀଗୁଡିକୁ ମୁଁ ନବୀକରଣ ଭାବେ ପ୍ରାପ୍ତ କରିପାରିବି?keyboard_arrow_down
ଆପଣ ସ୍ଥାୟୀ ପଞ୍ଜୀକରଣ କେନ୍ଦ୍ରକୁ ଯାଇ, ଉଭୟ ଜନସାଂଖିକ(ନାମ, ଠିକଣା, ଜନ୍ମ ତାରିଖ, ଲିଙ୍ଗ, ମୋବାଇଲ୍ ଓ ଇମେଲ୍) ଏବଂ ବାୟୋମେଟ୍ରିକଗୁଡିକ(ହାତ ଆଙ୍ଗୁଠିଗୁଡିକର ଛାପ, ଆଇରିସ୍(ଆଖିଡୋଳା) ଓ ଫୋଟୋଗ୍ରାଫ) ପ୍ରାପ୍ତ କରିପାରିବେ |
ଅଦ୍ୟତନ ପାଇଁ ଅନଲାଇନ୍ ସ୍ଵୟଂ ସେବା ନବୀକରଣ ପୋର୍ଟାଲ(SSUP)କୁ ବ୍ୟବହାର କରିବା କ୍ଷେତ୍ରରେ, ମୁଁ କେଉଁ ବିବରଣୀଗୁଡିକୁ ନବୀକରଣ ଭାବେ ପ୍ରାପ୍ତ କରିପାରିବି?keyboard_arrow_down
ଯଦି ଆପଣ ଅନଲାଇନ୍ ସ୍ଵୟଂ ସେବା ନବୀକରଣ ପୋର୍ଟାଲକୁ ବ୍ୟବହାର କରୁଥା’ନ୍ତି ତେବେ ଆପଣଙ୍କ ଜନସାଂଖିକ ବିବରଣୀଗୁଡିକୁ(ନାମ, ଠିକଣା, ଜନ୍ମ ତାରିଖ, ଲିଙ୍ଗ, ମୋବାଇଲ୍ ଓ ଇମେଲ୍)କୁ ନବୀକରଣ କରିପାରିବେ | ଏହି ସେବାକୁ ବ୍ୟବହାର କରିବା ସମୟରେ ଦୟାକରି ସୁନିଶ୍ଚିତ କରନ୍ତୁ ଯେ, ଆପଣଙ୍କ ମୋବାଇଲ୍ ନମ୍ବର୍ ଆଧାରରେ ପଞ୍ଜିକୃତ ହୋଇଛି |
ଡାକ ଦ୍ଵାରା ଅଦ୍ୟତନ କରୁଥିବା କ୍ଷେତ୍ରରେ, ମୁଁ କେଉଁ ବିବରଣୀଗୁଡିକୁ ନବୀକରଣ ଭାବେ ପ୍ରାପ୍ତ କରିପାରିବି?keyboard_arrow_down
ଯଦି ଆପଣ ନବୀକରଣ ପାଇଁ ଡାକ ମାଧ୍ୟମକୁ ବ୍ୟବହାର କରୁଥା’ନ୍ତି ତେବେ, ଆପଣ ଆପଣଙ୍କ ଜନସାଂଖିକ ବିବରଣୀଗୁଡିକୁ(ନାମ, ଠିକଣା, ଜନ୍ମ ତାରିଖ, ଲିଙ୍ଗ, ମୋବାଇଲ୍ ଓ ଇମେଲ୍)କୁ ନବୀକରଣ କରିପାରିବେ |
ଅଦ୍ୟତନ କରିବା ପାଇଁ ମୁଁ ଅସଲ ଦସ୍ତାବିଜଗୁଡିକୁ ପଞ୍ଜୀକରଣ କେନ୍ଦ୍ରକୁ ନେବା ଆବଶ୍ୟକ କି?keyboard_arrow_down
ହଁ, ଅଦ୍ୟତନ ପାଇଁ ପଞ୍ଜୀକରଣ କେନ୍ଦ୍ରକୁ ଅସଲ ଦସ୍ତାବିଜକୁ ଆଣିବା ଆବଶ୍ୟକ ଅଟେ | ଅସଲ ଦସ୍ତାବିକଗୁଡିକୁ ସ୍କାନ୍ କରାଯିବ ଏବଂ ଅଦ୍ୟତନ ପରେ ଆପଣଙ୍କୁ ଫେରାଇଦିଆଯିବ |
ଅନଲାଇନ୍ ସ୍ଵୟଂ ସେବା ନବୀକରଣ ପୋର୍ଟାଲ(SSUP) କ୍ଷେତ୍ରରେ, ମୁଁ କିପରି ସହାୟକ ଦସ୍ତାବୁଜଗୁଡିକୁ ଦାଖଲ କରିପାରିବି?keyboard_arrow_down
ଅଦ୍ୟତନ ମାର୍ଗ ଭାବେ ଅନଲାଇନ୍ ସ୍ଵୟଂ ସେବା ନବୀକରଣ ପୋର୍ଟାଲ୍(SSUP)କୁ ବ୍ୟବହାର କରିବା କ୍ଷେତ୍ରରେ, ଆପଣ ଅସଲ ଦସ୍ତାବିଜଗୁଡିକର ସ୍କାନକୁ ଅପଲୋଡ୍ କରିବା ଆବଶ୍ୟକ ଅଟେ |
ଡାକ ମାଧ୍ୟମରେ ନବୀକରଣ କରିବା ପାଇଁ ପଠାଇବାକୁ ଥିବା ଦସ୍ତାବିଜଗୁଡିକର ନକଲକୁ ସ୍ଵ-ଅନୁପ୍ରମାଣିତ କରିବା ଆବଶ୍ୟକ ଅଟେ କି?keyboard_arrow_down
ହଁ, ଡାକ ମାଧ୍ୟମରେ କରିବାକୁ ନବୀକରଣ କ୍ଷେତ୍ରରେ, ସହାୟକ ଦସ୍ତାବିଜଗୁଡିକୁ ସ୍ଵ-ଅନୁପ୍ରମାଣିତ କରିବା ଆବଶ୍ୟକ ଅଟେ |
ଅଦ୍ୟତନ କଲା ପରେ ମୋର ଆଧାର ସଂଖ୍ୟା ପରିବର୍ତ୍ତନ ହୋଇଯିବ କି?keyboard_arrow_down
ନା, ନବୀକରଣ କଲା ପରେ ମଧ୍ୟ, ଆପଣଙ୍କ ଆଧାର ସଂଖ୍ୟା ପୂର୍ବପରି ସମାନ ରହିବ |
ଯେଉଁଠି ମୋର ପଞ୍ଜୀକରଣ ହୋଇଥିଲା, ଅଦ୍ୟତନ ପାଇଁ ଠିକ୍ ସେହି ପଞ୍ଜୀକରଣ କେନ୍ଦ୍ରକୁ ମୋତେ ଯିବାକୁ ହେବ କି?keyboard_arrow_down
ନା, ଅଦ୍ୟତନ ପାଇଁ ଆପଣ ଯେକୌଣସି ସ୍ଥାୟୀ ପଞ୍ଜୀକରଣ କେନ୍ଦ୍ରକୁ ଯାଇ ପାରିବେ |
ଆଧାରରେ ମୁଁ ମୋର ମୋବାଇଲ୍ ନମ୍ବରକୁ ପଞ୍ଜିକୃତ କରିଛି କିନ୍ତୁ ଏହାକୁ ମୋର ଦ୍ଵିତୀୟ ନମ୍ବର୍ ସହିତ ପ୍ରତିସ୍ଥାପିତ କରିବାକୁ ଚାହୁଁଛି | ମୁଁ ଏହାକୁ ଅନଲାଇନରେ ନବୀକରଣ କରିପାରିବି କି?keyboard_arrow_down
ହଁ, ଆପଣ ଆପଣଙ୍କ ପଞ୍ଜିକୃତ ମୋବାଇଲ୍ ନମ୍ବର୍ ଥିବା କ୍ଷେତ୍ରରେ ଏବଂ ତାହାକୁ ମଧ୍ୟ ଧାରଣ କରିଥିବା ହେତୁ, ଆପଣ ଆମର ସ୍ଵୟଂ ସେବା ନବୀକରଣ ପୋର୍ଟାଲ୍ ମାଧ୍ୟମରେ ଏହକୁ ଦ୍ଵିତୀୟ ନମ୍ବର୍ ସହିତ ନବୀକରଣ/ପ୍ରତିସ୍ଥାପନ କରିପାରିବେ | ଆପଣଙ୍କୁ ବର୍ତ୍ତମାନ ପଞ୍ଜିକୃତ ଥିବା ମୋବାଇଲ୍ ନମ୍ବରରେ ପ୍ରାପ୍ତ ହୋଇଥିବା ୱାନ୍ ଟାଇମ୍ ପାସୱର୍ଡ(OTP) ଯାହା SSUP ଦ୍ଵାରା ପ୍ରେରିତ, ତାହାକୁ ପ୍ରବେଶ କରନ୍ତୁ |
ଆଧାର ସହିତ ପଞ୍ଜୀକରଣ ହୋଇଥିବା ମୋବାଇଲ୍ ନମ୍ବର୍ ମୁଁ ହଜାଇ ଦେଇଛି/ନମ୍ବରଟି ମୋ ପାଖରେ ନାହିଁ | ମୁଁ କିପରି ମୋର ନବୀକରଣ ଅନୁରୋଧକୁ ଦାଖଲ କରିବି?keyboard_arrow_down
ଆଧାରରେ ପଞ୍ଜିକୃତ ହୋଇଥିବା ମୋବାଇଲ୍ ନମ୍ବର୍ ହଜିଯାଇଥିବା/ବର୍ତ୍ତମାନ ନଥିବା କ୍ଷେତ୍ରରେ, ଆପଣଙ୍କୁ ନିକଟସ୍ଥ ଆଧାର ନବୀକରଣ କେନ୍ଦ୍ରକୁ ନିଜେ ଯିବା ସହିତ ମୋବାଇଲ୍ ନମ୍ବରକୁ ନବୀକରଣ କରିବାକୁ ହେବ | ଏହି କ୍ଷେତ୍ରରେ ମୋବାଇଲ୍ ନମ୍ବରକୁ ଡାକ କିମ୍ବା ଅନଲାଇନରେ ନବୀକରଣ କରିପାରିବେ ନାହିଁ |
ଫର୍ମକୁ ଇଙ୍ଗିଲିଶ୍ କିମ୍ବା ସ୍ଥାନୀୟ ଭାଷାରେ ପୂରଣ କରିବାକୁ ହେବ କି?keyboard_arrow_down
ହଁ, ଉଭୟ SSUP କିମ୍ବା ଡାକ ମାଧ୍ୟମରେ ନବୀକରଣର ଅନୁରୋଧ କରିବା କ୍ଷେତ୍ରରେ ଫର୍ମକୁ ଇଙ୍ଗଲିଶ୍ କିମ୍ବା ସ୍ଥାନୀୟ ଭାଷାରେ ପୂରଣ କରନ୍ତୁ | ଆଧାର ପାଇଁ ପଞ୍ଜୀକରଣ କରିବା ସମୟରେ ଆପଣ ବ୍ୟବହାର କରିଥିବା ସ୍ଥାନୀୟ ଭାଷାକୁ ବ୍ୟବହାର କରନ୍ତୁ ଏବଂ ଯାହା ଆପଣଙ୍କ ଆଧାର ଲେଟରରେ ଦୃଶ୍ୟମାନ ହେଉଥିବ |
ଡାକ ମାଧ୍ୟମରେ ନବୀକରଣ ପାଇଁ ଅନୁରୋଧ ପଠାଇବା ପାଇଁ କୌଣସି ଆବେଦନ ଫର୍ମ ଅଛି କି ଯାହା ବ୍ୟବହାର କରାଯାଇପାରିବ?keyboard_arrow_down
ହଁ, UIDAI ୱେବସାଇଟରେ ଉପଲବ୍ଧ ଥିବା ଷ୍ଟାଣ୍ଡାର୍ଡ “Aadhaar Data Update/Correction Form”କୁ ବ୍ୟବହାର କରନ୍ତୁ | uidai.gov.inରେ ଥିବା “Update Request by Post” ଉପରେ କ୍ଲିକ୍ କରନ୍ତୁ
ଡାକ ମାଧ୍ୟମରେ କେଉଁଠାକୁ ମୋର ଅନୁରୋଧକୁ ପ୍ରେରଣ କରିବି?keyboard_arrow_down
ଆବେଦନ ଫର୍ମ ସହିତ ସହାୟକ ଦସ୍ତାବିଜଗୁଡିକୁ UIDAIକୁ ପଠାଇବା ଆବଶ୍ୟକ ଅଟେ | ଲଫାପା ଉପରେ “Aadhaar Update/Correction”କୁ ସୂଚିତ କରନ୍ତୁ | ଲଫାପାକୁ ଠିକ୍ ଭାବେ ବନ୍ଦ କରନ୍ତୁ | ନବୀକରଣ ଅନୁରୋଧକୁ ନିମ୍ନଲିଖିତ ଠିକଣାଗୁଡିକରେ ରେଜିଷ୍ଟର୍ଡ ଡାକ ମାଧ୍ୟମରେ ପ୍ରେରଣ କରିପାରିବେ
ଠିକଣା
UIDAI
ପୋ. ବ. ନଂ. ୯୯
ବଞ୍ଜାରା ହିଲସ
ହାଇଦରାବାଦ- ୫୦୦୦୩୪
ଇଣ୍ଡିଆ
ଡାକ/ଅନଲାଇନ୍ ପୋର୍ଟାଲ୍ ମାଧ୍ୟମରେ ନବୀକରଣ ଅନୁରୋଧକୁ ଦାଖଲ କରିବା ସମୟରେ ମୋବାଇଲ୍ ନମ୍ବର୍ ପ୍ରଦାନ କରିବା ବାଧ୍ୟତାମୂଳକ ଅଟେ କି?keyboard_arrow_down
ହଁ, ମୋବାଇଲ୍ ନମ୍ବର୍ ପ୍ରଦାନ କରିବା ବାଧ୍ୟତାମୁଳକ ଅଟେ କାରଣ ଯାଞ୍ଚ କରିବା ସମୟରେ ଆବେଦନକର୍ତ୍ତାଙ୍କୁ କଲ୍ କରିବା ପାଇଁ ବ୍ୟବହାର କରାଯାଇପାରେ | ବାସିନ୍ଦାଙ୍କୁ ସେହି ମୋବାଇଲ୍ ନମ୍ବରରେ ଗୋଟିଏ SMS ପ୍ରେରଣ କରି ଆବେଦନର ଷ୍ଟେଟସ୍ ବିଷୟରେ ଅବଗତ କରାଯାଇଥାଏ | ଡାକ/ଅନଲାଇନ୍ ମାଧ୍ୟମରେ ନବୀକରଣ ପାଇଁ ଥିବା, ମୋବାଇଲ୍ ନମ୍ବର୍ ବିନା ଆବେଦନଗୁଡିକୁ ଅଗ୍ରାହ୍ୟ କରିଦିଆଯାଏ |
ଅନୁରୋଧକୁ ପ୍ରେରଣ କରିବା ସମୟରେ, କେବଳ ଗୋଟିଏ ନିର୍ଦ୍ଦିଷ୍ଟ ଫିଲ୍ଡରେ ପରିବର୍ତ୍ତନ ହେବା ସ୍ଥଳେ ମୋତେ ସମଗ୍ର ଫିଲ୍ଡକୁ ପୂରଣ କରିବାକୁ ହେବ କି?keyboard_arrow_down
ହଁ, ନିର୍ଦ୍ଦିଷ୍ଟ ଫିଲ୍ଡ କିମ୍ବା ଫିଲ୍ଡଗୁଡିକରେ ନବୀକରଣ/ସଂଶୋଧନ ହେବା ସ୍ଥଳେ ଆପଣଙ୍କୁ ସମ୍ପୂର୍ଣ୍ଣକୁ ନିଶ୍ଚିତରୂପେ ପୂରଣ କରିବାକୁ ହେବ | ଯେକୌଣସି ଫିଲ୍ଡଗୁଡିକରେ ନବୀକରଣ/ସଂଶୋଧନ କରିବା ପାଇଁ ମୋବାଇଲ୍ ନମ୍ବର୍ ବାଧ୍ୟତାମୁଳକ ଅଟେ | କିନ୍ତୁ ଇମେଲ୍ ID ପ୍ରଦାନ କରିବା ବାଧ୍ୟତାମୁଳକ ନୁହେଁ | ଅଧିକନ୍ତୁ, ନବୀକରଣ ହେବାକୁ ଥିବା ଫିଲ୍ଡଗୁଡିକ, ଫର୍ମରେ ପ୍ରାଞ୍ଜଳ ଭାବେ ସୂଚିତ ହେବା ଆବଶ୍ୟକ ଅଟେ |
ଅନୁରୋଧର ଦାଖଲ ହେବା ସୁଚନାର ଅଦ୍ୟତନ ପାଇଁ ପ୍ରତିଶୃତି ପ୍ରଦାନ କରେ କି?keyboard_arrow_down
ନବୀକରଣ ପାଇଁ ଦାଖଲ ହୋଇଥିବା ସୁଚନା ଆଧାର ତଥ୍ୟର ନବୀକରଣ ହେବା ପାଇଁ ପ୍ରତିଶୃତିବଦ୍ଧ ନୁହେଁ | ଦାଖଲ ହୋଇଥିବା ତଥ୍ୟ ଯାଞ୍ଚ ଓ ବୈଧତା ପାଇଁ ଉଦ୍ଦିଷ୍ଟ ଅଟେ | ଭୁଲ ତଥ୍ୟ ପ୍ରଦାନ କରିବା/ତଥ୍ୟ ଲୁଚାଇବା ଦ୍ଵାରା ଆବଦନକୁ ଅଗ୍ରାହ୍ୟ କରାଯାଇପାରେ |
ଆଧାରରେ ମୁଁ ବାୟୋମେଟ୍ରିକଗୁଡିକୁ(ହାତ ଆଙ୍ଗୁଳିଗୁଡିକର ଛାପ/ଆଇରିସ୍(ଆଖିଡୋଳା)/ଫୋଟୋଗ୍ରାଫ୍)ନବୀକରଣ କରିପାରିବି କି?keyboard_arrow_down
ହଁ, ଆପଣ ଆପଣଙ୍କ ବାୟୋମେଟ୍ରିକଗୁଡିକୁ (ହାତଆଙ୍ଗୁଳିଗୁଡିକର ଛାପ/ଆଇରିସ୍(ଆଖିଡୋଳା)/ଫୋଟୋଗ୍ରାଫ୍)ଆଧାରରେ ନବୀକରଣ କରିପାରିବେ | ବାୟୋମେଟ୍ରିକ୍ ନବୀକରଣଗୁଡିକ ପାଇଁ, ଆପଣଙ୍କୁ ନିକଟସ୍ଥ ସ୍ତାୟୀ ପଞ୍ଜୀକରଣ କେନ୍ଦ୍ରକୁ ଯିବା ଆବଶ୍ୟକ ଅଟେ |
ଅନଲାଇନ୍ କିମ୍ବା ଡାକ ମାଧ୍ୟମରେ ବାୟୋମେଟ୍ରିକଗୁଡିକୁ ନବୀକରଣ କରିବା ପାଇଁ କିଛି ମାର୍ଗ ଅଛି କି?keyboard_arrow_down
ନା, ସମସ୍ତ ବାୟୋମେଟ୍ରିକ୍ ନବୀକରଣଗୁଡିକ, ଫୋଟୋଗ୍ରାଫ୍ ପାଇଁ ମଧ୍ୟ ଆପଣଙ୍କୁ ନିକଟସ୍ଥ ଆଧାରର ସ୍ଥାୟୀ ପଞ୍ଜୀକରଣ କେନ୍ଦ୍ରକୁ ନିଜେ ଯିବାକୁ ହେବ |
ଆଧାରରେ ଅଦ୍ୟତନ ହେବା ପାଇଁ ଏହା କେତେ ସମୟ ନେଇଥାଏ?keyboard_arrow_down
ଆନୁରୋଧ ପରେ ଆଧାରରେ ଅଦ୍ୟତନ ହେବା ପାଇଁ, ଏହା ପାଖାପାଖି 90 ଦିନ ସମୟ ନେଇଥାଏ |
ଅଦ୍ୟତନ ପରେ ମୁଁ ପୁନର୍ବାର ଗୋଟିଏ ଆଧାର ପତ୍ର ପ୍ରାପ୍ତ କରିବି କି?keyboard_arrow_down
ନାମ, ଠିକଣା, ଜନ୍ମ ତାରିଖ ଓ ଲିଙ୍ଗର ନବୀକରଣ ହେବା କ୍ଷେତ୍ରରେ, ପ୍ରଦତ୍ତ ଠିକଣାରେ ନବୀକରଣଗୁଡିକ ସହିତ ଆଧାର ପତ୍ର ପ୍ରେରଣ କରାଯିବ | ମୋବାଇଲ୍ ନମ୍ବର୍/ଇମେଲ୍ IDର ନବୀକରଣ ହେବା କ୍ଷେତ୍ରରେ, ପ୍ରଦତ୍ତ ମୋବାଇଲ୍ ନମ୍ବର୍/ଇମେଲ୍ IDରେ ଗୋଟିଏ ବିଜ୍ଞପ୍ତି ପଠାଯିବ |
ନବୀକରଣ ପରେ ମୁଁ ମୋର ଆଧାର ଲେଟରକୁ ଅନଲାଇନରୁ ଡାଉନଲୋଡ୍ କରିପାରିବି କି?keyboard_arrow_down
ହଁ, ଥରେ ଆପଣଙ୍କ ଅନୁରୋଧ ଅନୁମୋଦିତ ହେଲା ପରେ, ଆପଣଙ୍କ ଇ-ଆଧାରକୁ ଅନଲାଇନରୁ ଡାଉନଲୋଡ୍ କରିପାରିବେ | ଆପଣ uidai.gov.in ଉପରେ ଥିବା “Download Aadhaar” ଉପରେ କ୍ଲିକ୍ କରି, ଆପଣଙ୍କ ଇ-ଆଧାରକୁ ଡାଉନଲୋଡ୍ କରିପାରିବେ |
କେଉଁଠାରେ ମୁଁ ଆଧାର ପାଇଁ ପଞ୍ଜୀକରଣ କରିପାରିବି?keyboard_arrow_down
ଆଧାରର ପଞ୍ଜୀକରଣ ପାଇଁ ପଞ୍ଜୀକରଣ ଏଜେନ୍ସୀ ଦ୍ଵାରା ପ୍ରତିଷ୍ଠା କରାଯାଇଥିବା ଆଧାର ପଞ୍ଜୀକରଣ କେନ୍ଦ୍ରକୁ ଆପଣଙ୍କୁ ଯିବାକୁ ହେବ |
“Locate Enrolment Center” ଉପରେ କ୍ଲିକ୍ କରି କିମ୍ବା
https://appointments.uidai.gov.in/easearch.aspx କୁ ଯାଇ ମଧ୍ୟ ନିକଟସ୍ଥ ପଞ୍ଜୀକରଣ କେନ୍ଦ୍ରକୁ ସର୍ଚ କରିପାରିବେ | ନିକଟସ୍ଥ ପଞ୍ଜୀକରଣ କେନ୍ଦ୍ର ପ୍ରାପ୍ତ କରିବା ପାଇଁ ଆପଣଙ୍କୁ ରାଜ୍ୟ, ଜିଲ୍ଲା, ଲୋକାଲିଟୀକୁ ପ୍ରବେଶ କରିବାକୁ ହେବ |
ଆଧାରରେ ପଞ୍ଜୀକରଣ କରିବା ପାଇଁ କେଉଁ ଦସ୍ତାବିଜଗୁଡିକ ଆବଶ୍ୟକ ଅଟେ?keyboard_arrow_down
ଆପଣଙ୍କୁ ପଞ୍ଜୀକରଣ କେନ୍ଦ୍ରରେ ଉପଲବ୍ଧ ଥିବା ଗୋଟିଏ ଆବେଦନ ଫର୍ମକୁ, ସହାୟକ ଦସ୍ତାବିଜଗୁଡିକ ଯେପରି ବ୍ୟକ୍ତିଗତ ପ୍ରମାଣ ପତ୍ର (PoI) ଓ ଠିକଣାର ପ୍ରମାଣ ପତ୍ର (PoA) ସହ ପୂରଣ କରିବା ଆବଶ୍ୟକ | UIDAI 18ଟି PoI ଏବଂ 35ଟି PoA ଦସ୍ତାବିଜଗୁଡିକୁ ଗ୍ରହଣ କରିଥାଏ | ସାରା ଦେଶରେ ବୈଧ ଥିବା ସହାୟକ ଦସ୍ତାବିଜଗୁଡିକର ତାଲିକା ପାଇଁ, ଦୟାକରି ଏଠାରେ
click hereକ୍ଲିକ୍ କରନ୍ତୁ |
ଆଧାରର ପଞ୍ଜୀକରଣ ପାଇଁ ଅସଲ ଦସ୍ତାବିଜଗୁଡିକ ଆଣିବା ଆବଶ୍ୟକ ଅଟେ କି?keyboard_arrow_down
ହଁ, ଆଧାରରେ ପଞ୍ଜୀକରଣ ପାଇଁ ଆପଣଙ୍କୁ ସହାୟକ ଦସ୍ତାବିଜର ଅସଲ ଗୁଡିକୁ ଆଣିବା ଆବଶ୍ୟକ ଅଟେ | ଏହି ଅସଲଗୁଡିକୁ ସ୍କାନ୍ କରାଯିବ ଏବଂ ପଞ୍ଜୀକରଣ ପରେ ଆପଣଙ୍କୁ ଫେରାଇଦିଆଯିବ |
ଆଧାରର ପଞ୍ଜୀକରଣ ପାଇଁ ମୋତେ କିଛି ପାଉଣା ଦେବାକୁ ପଡିବ କି?keyboard_arrow_down
ନାହିଁ, ଆଧାର ପଞ୍ଜୀକରଣ ସମ୍ପୂର୍ଣ୍ଣ ନିଶୂଳ୍କ ଅଟେ ତେଣୁ ଆପଣଙ୍କୁ ପଞ୍ଜୀକରଣ କେନ୍ଦ୍ରରେ କିଛି ବି ଦେବାକୁ ପଡିବ ନାହିଁ |
ଆଧାର ପଞ୍ଜୀକରଣ କରିବା ସମୟରେ କେଉଁ ପ୍ରକାରର ତଥ୍ୟକୁ ଗ୍ରହଣ କରାଯାଇଥାଏ?keyboard_arrow_down
ଆଧାର ପଞ୍ଜୀକରଣ ପାଇଁ ଦୁଇ ପ୍ରକାରର ତଥ୍ୟକୁ ଗ୍ରହଣ କରାଯାଇଥାଏ ଜନସାଂଖିକ(ନାମ, ଲିଙ୍ଗ, ଜନ୍ମ ତାରିଖ(DoB), ଠିକଣା, ମୋବାଇଲ୍ ନମ୍ବର୍ ଏବଂ ଇମେଲ୍ ଆଇଡି) ଏବଂ ବାୟୋମେଟ୍ରିକ୍(ଦଶଟି ହାତଆଙ୍ଗୁଠି ଛାପ, ଉଭୟ ଆଇରିସ୍(ଆଖିଡୋଳା) ଏବଂ ଫୋଟୋଗ୍ରାଫ୍) | ମୋବାଇଲ୍ ନମ୍ବର୍ ଓ ଇମେଲ୍ ଆଇଡି ବାଧ୍ୟତାମୁଳକ ନୁହେଁ |
ଆଧାରରେ ପଞ୍ଜୀକରଣ କରିବା ପାଇଁ କୌଣସି ଅନଲାଇନ୍ ବ୍ୟବସ୍ଥା ଅଛି କି?keyboard_arrow_down
ନା, ପଞ୍ଜୀକରଣ କରିବା ପାଇଁ ଆପଣଙ୍କୁ ନିଜେ ପଞ୍ଜୀକରଣ କେନ୍ଦ୍ରକୁ ଯିବାକୁ ହେବ ଯେହେତୁ ଆପଣଙ୍କ ବାୟୋମେଟ୍ରିକଗୁଡିକୁ ନେବାକୁ ପଡିଥାଏ |
ଆବଶ୍ୟକ ଦସ୍ତାବିଜଗୁଡିକୁ ଡାକରେ ପ୍ରେରଣ କରି, ମୁଁ ଆଧାର ପାଇଁ ପଞ୍ଜୀକରଣ କରିପାରିବି କି?keyboard_arrow_down
ନା, ପଞ୍ଜୀକରଣ କରିବା ପାଇଁ ଆପଣଙ୍କୁ ନିଜେ ପଞ୍ଜୀକରଣ କେନ୍ଦ୍ରକୁ ଯିବାକୁ ହେବ ଯେହେତୁ ଆପଣଙ୍କ ବାୟୋମେଟ୍ରିକଗୁଡିକୁ ନେବାକୁ ପଡିଥାଏ |
ଯଦି ମୋର ସ୍ଵୀକୃତିପ୍ରାପ୍ତ/ପଞ୍ଜୀକରଣ ଚିରିକୁଟି ଉପରେ ଉଲ୍ଲେଖ ଥିବା ଜନସାଂଖିକ ବିବରଣୀ, ସହାୟକ ଦସ୍ତାବିଜ ସହ ମେଳ ନହୁଏ ତେବେ ମୁଁ କ’ଣ କରିବି?keyboard_arrow_down
ଅପଣଙ୍କର ପଞ୍ଜୀକରଣ ହେବାର 96 ଘଣ୍ଟା ମଧ୍ୟରେ, ନିଜର ସମ୍ପୂର୍ଣ୍ଣ ବିବରଣୀକୁ ସଂଶୋଧନ କରିପାରିବେ | 96 ଘଂଣ୍ଟାର ୱିଣ୍ଡୋ, ଆପଣଙ୍କ ସ୍ଵୀକୃତିପ୍ରାପ୍ତ/ପଞ୍ଜୀକରଣ ସ୍ଲିପରେ ଉଲ୍ଲେଖ ଥିବା ସମୟର ମୋହରରୁ ଆରମ୍ଭ ହୋଇଥାଏ |
96 ଘଣ୍ଟା ପରେ କିପରି ମୁଁ ବିବରଣୀଗୁଡିକୁ ସଂଶୋଧନ କରିପାରିବି?keyboard_arrow_down
ଯଦି ଆପଣ 96 ଘଣ୍ଟା ୱିଣ୍ଡୋରେ ଆପଣଙ୍କ ବିବରଣୀଗୁଡିକୁ ସଂଶୋଧନ କରିବା ପାଇଁ ସକ୍ଷମ ହେବେ ନାହିଁ ତେବେ ଥରେ ଆଧାର ସୃଷ୍ଟି ହେବା ପରେ ବିବରଣୀଗୁଡିକୁ ନବୀକରଣ କରିପାରିବେ |
ଯଦି ମୋର କୌଣସି ଏକ ଆଙ୍ଗୁଠି କିମ୍ବା ଆଇରିସ୍(ଆଖିଡୋଳା) ଛାଡିଯାଇଥାଏ ତେବେ ଆଧାର ପାଇଁ ମୋର ପଞ୍ଜୀକରଣ ହୋଇପାରିବି କି?keyboard_arrow_down
ହଁ, ଯଦି କୌଣସି କିମ୍ବା ସମସ୍ତ ଆଙ୍ଗୁଳି/ଆଇରିସ୍(ଆଖିଡୋଳା)ଗୁଡିକ ଛାଡିଯାଇଥା’ନ୍ତି ତେବେ ମଧ୍ୟ ଆପଣ ଆଧାର ପାଇଁ ପଞ୍ଜୀକରଣ କରିପାରିବେ | ଏହି ଭଳି ବିଶିଷ୍ଟତାଗୁଡିକୁ ନିୟନ୍ତ୍ରଣ କରିବା ପାଇଁ ଆଧାର ସଫ୍ଟୱେରରେ ବ୍ୟବସ୍ଥା ଅଛି |
ଆଧାରରେ ପଞ୍ଜୀକରଣ କରିବା ପାଇଁ ମୋବାଇଲ୍ ନମ୍ବର୍ କିମ୍ବା ଇମେଲ୍ ପ୍ରଦାନ କରିବା ବାଧ୍ୟତାମୁଳକ ଅଟେ କି?keyboard_arrow_down
ନା, ଆଧାରରେ ପଞ୍ଜୀକରଣ କରିବା ପାଇଁ ମୋବାଇଲ୍ ନମ୍ବର୍ କିମ୍ବା ଇମେଲ୍ ପ୍ରଦାନ କରିବା ବାଧ୍ୟତାମୁଳକ ନୁହେଁ | କିନ୍ତୁ ସର୍ବଦା ଏହା ପରାମର୍ଶ ଦିଆଯାଏ ଯେ ଆଧାର ଆବେଦନର ଷ୍ଟେଟସର ନବୀକରଣ ପ୍ରାପ୍ତ କରିବା ପାଇଁ ମୋବାଇଲ୍ ନମ୍ବର୍ ଏବଂ ଇମେଲ୍ ପ୍ରଦାନ କରିବା ଉତ୍ତମ ଅଟେ |
