યુઆઈડીએઆઈ પ્રણાલિમાં વ્યક્તિગત માહિતીનું રક્ષણ

વ્યક્તિગત તેમજ તેમની માહિતીની સુરક્ષા એ યુઆઈડી પ્રોજેક્ટની ડિઝાઈનમાં વારસામાં મળી છે. અડસટ્ટે નંબરની ફાળવણી થવાથી નીચે દર્શાવેલી અન્ય કોઈ લાક્ષણિકતાઓ સંબંધે કોઈ વ્યક્તિની કોઈ માહિતી અપાતી નથી, અને આ હેતુસર જ યુઆઈડી દ્વારા જે-તે નિવાસીના હિતોને સંપૂર્ણપણે જાળવે છે.

• મર્યાદિત માહિતીનું એકત્રીકરણ
  યુઆઈડીએઆઈ ફક્ત પાયાગત ડેટા માહિતી મેળવે છે- નામ, જન્મની તારીખ, જાતિ, સરનામું, માતાપિતા/ વાલીનો (બાળકો માટે જ નામ જરૂરી અન્યથા નહીં) ફોટો, 10 આંગળાની છાપ અને આઈરિસ સ્કેન.
• કોઈ પ્રોફાઈલિંગ અને ટ્રેકિંગ માહિતી એકત્ર કરાતી નથી
  યુઆઈડીએઆઈની નીતિ હેઠળ ધર્મ, જાતિ, સમુદાય, વંશીયપણા, આવક અને આરોગ્ય જેવી સંવેદનશીલ અંગત માહિતી એકત્ર કરવા પર પ્રતિબંધ લગાવાયો છે. આમ કોઈ પણ વ્યક્તિની પ્રોફાઈલ યુઆઈડી સિસ્ટમ હેઠળ તૈયાર કરવી શક્ય નથી.
• માહિતીને જારી કરવી- ફક્ત હા કે ના દ્વારા જવાબ
  યુઆઈડીએઆઈ આધાર ડેટાબેઝમાં અંગત માહિતી જાહેર કરતું નથી- તેમાં ફક્ત હા કે ના દ્વારા જવાબ આપીને ઓળખ પ્રસ્થાપિત કરાય છે.
• મેળવણી અને અન્ય ડેટાબેઝ સાથે યુઆઈડીએઆઈ માહિતીનું લિન્કિંગ
  યુઆઈડી ડેટાબેઝ અન્ય કોઈ ડેટાબેઝ સાથે લિંક થયો નથી અથવા અન્ય ડેટાબેઝમાં તેની કોઈ માહિતી નથી. તેનો એકમાત્ર હેતુ કોઈ સેવાની પ્રાપ્તિના સમયે જે-તે વ્યક્તિની ઓળખ પ્રસ્થાપિત કરવાનો છે, અને તે પણ આધાર ધારકની સંમતિ સાથે. યુઆઈડી ડેટાબેઝનું બંને ભૌતિક અને ઈલેક્ટ્રોનિક માધ્યમે ઉચ્ચ મંજૂરી ધરાવનારી ચુનંદા વ્યક્તિઓ દ્વારા રક્ષણ કરાશે.
  યુઆઈડી સ્ટાફના ઘણા સભ્યોની પણ ત્યાં સુધી પહોંચ નહીં હોય અને શ્રેષ્ઠ એન્ક્રિપ્શન સાથે તેને અત્યંત સુરક્ષિત વોલ્ટમાં સુરક્ષિત રખાશે. તમામ પહોંચની વિગતોને યોગ્ય રીતે લોગ કરાશે.

યુઆઈડીએઆઈ એકત્ર કરાયેલા ડેટાની સુરક્ષા અને ગોપનીયતા જાળવવા ફરજબદ્ધ છે. આ ડેટાને યુઆઈડીએઆઈ દ્વારા અપાયેલા સોફ્ટવેર પર એકત્રિત કરીને એન્ક્રિપ્ટ કરાશે જેથી પરિવહન દરમિયાન લીક ન થાય. માહિતી તાલીમબદ્ધ અને પ્રમાણિત નોંધણીકર્તા દ્વારા એકત્રિત કરાય છે, જેમની એકત્રિત કરાતા ડેટા સુધી કોઈ પહોંચ હોતી નથી. યુઆઈડીએઆઈ એક સર્વગ્રાહી સુરક્ષા નીતિ ધરાવે છે જેથી તેના ડેટાની સુરક્ષા અને અખંડતા જાળવી શકાય. તે આના વિશે વધુ વિગતો પ્રકાશિત કરશે, જેમાં માહિતી સુરક્ષા પ્લાન અને સીઆઈડીઆર માટેની નીતિઓ તેમજ યુઆઈડીએઆઈ અને તેની કોન્ટ્રાક્ટેડ એજન્સીઓ દ્વારા કાયદાના અનુસરણના ઓડિટિંગ માટેની પ્રણાલિનો પણ સમાવેશ થશે.
આ ઉપરાંત ચુસ્ત સુરક્ષા અને સંગ્રહના પ્રોટોકોલ્સ અમલમાં રહેશે. કોઈ પણ સુરક્ષા ભંગ માટે કઠોર દંડ લદાશે અને તેમાં ઓળખની માહિતી જાહેર કરવા પરના દંડનો પણ સમાવેશ કરાશે. હેકિંગ સહિત સીઆઈડીઆર સુધી અનધિકૃત પહોંચ માટે પણ દંડનીય પરિણામો ભોગવવાના રહેશે તેમજ સીઆઈડીઆરના ડેટા સાથે ચેડાંની પણ સજા થશે.

આ ખરડાની સંભવિત ફોજદારી સજા નીચે મુજબ છે:

• ખોટી જનસાંખ્યિક કે બાયોમેટ્રિક માહિતી પૂરી પાડવી એ ગુનો છે- જે બદલ 3 વર્ષની કેદ અને રૂ. 10,000નો દંડ.
• આધાર નંબર ધારકની જનસાંખ્યિક અને બાયોમેટ્રિક વિગતને બદલવાનો પ્રયાસ કરવો અથવા બદલીને આધાર ક્રમાંક ધારકની ઓળખ સાથે ચેડાં કરવા એ ગુનો બને છે - જે બદલ 3 વર્ષની કેદ અને રૂ. 10,000નો દંડ.
• કોઈ અધિકૃત એજન્સીનો સ્વાંગ રચીને કોઈ નિવાસીની ઓળખને લગતી માહિતી એકત્ર કરવી એ ગુનો બને છે- કોઈ વ્યક્તિ માટે 3 વર્ષની કેદ અને રૂ. 10,000નો દંડ અને કંપની માટે રૂ. 1 લાખ.
• નોંધણી અને પ્રમાણભૂતતા દરમિયાન એકત્ર કરાયેલી માહિતીને જાણીજોઈને કોઈ અનધિકૃત વ્યક્તિને ટ્રાન્સમીટ કરવી એ ગુનો છે- કોઈ વ્યક્તિ માટે 3 વર્ષની કેદ અને રૂ. 10,000નો દંડ અને કંપની માટે રૂ. 1 લાખ.
• સેન્ટ્રલ આઈડેન્ટિટી ડેટા રિપોઝિટરી (સીઆઈડીઆર) સુધી અનધિકૃત પહોંચ અને હેકિંગ એ ગુનો છે- 3 વર્ષની કેદ અને રૂ. 1 કરોડનો દંડ.
• સેન્ટ્રલ આઈડેન્ટિટી ડેટા રિપોઝિટરીમાં ચેડાં કરવા એ ગુનો છે- જે બદલ 3 વર્ષની કેદ અને રૂ. 10,000નો દંડ
•  કોઈનો પોતાનો ન હોય તેવા બાયોમેટ્રિક્સને પૂરો પાડવો એ ગુનો છે- જે બદલ 3 વર્ષની કેદ અને રૂ. 10,000નો દંડ.