ಆಧಾರ್ ಗಾಗಿ ನಾನು ಎಲ್ಲಿ ನೋಂದಣಿ ಮಾಡಿಸಿಕೊಳ್ಳಬಹುದು?keyboard_arrow_down
ಆಧಾರ್ ನೋಂದಣಿಗಾಗಿ ನೋಂದಣಿ ಸಂಸ್ಥೆಯಿಂದ ಸ್ಥಾಪಿಸಲ್ಪಟ್ಟಿರುವ ಒಂದು ಆಧಾರ್ ನೋಂದಣಿ ಕೇಂದ್ರಕ್ಕೆ ನೀವು ಭೇಟಿ ಕೊಡುವ ಅಗತ್ಯತೆಯಿರುತ್ತದೆ. “ನೋಂದಣಿ ಕೇಂದ್ರವನ್ನು ಗುರುತಿಸಿ”
“Locate Enrolment Center” ಅಥವಾ
https://appointments.uidai.gov.in/easearch.aspx ಇವುಗಳ ಮೇಲೆ ಕ್ಲಿಕ್ ಮಾಡುವ ಮೂಲಕ ನಿಮಗೆ ಅತೀ ಸಮೀಪದ ನೋಂದಣಿ ಕೇಂದ್ರವನ್ನು ಹುಡುಕಬಹುದು. ಅತೀ ಸಮೀಪದ ನೋಂದಣಿ ಕೇಂದ್ರವನ್ನು ಹುಡುಕುವ ಸಲುವಾಗಿ ನೀವು ರಾಜ್ಯ, ಜಿಲ್ಲೆ ಮತ್ತು ಸ್ಥಳ/ಬಡಾವಣೆಯನ್ನು ಊಡಿಕೆ ಮಾಡುವ ಅಗತ್ಯತೆಯಿರುತ್ತದೆ.
ಆಧಾರ್ ಗಾಗಿ ನೋಂದಣಿ ಮಾಡಿಸುವ ಸಲುವಾಗಿ ಅಗತ್ಯವಿರುವ ದಾಖಲೆಗಳು ಯಾವುವು?keyboard_arrow_down
ಗುರುತಿನ ಸಾಕ್ಷಾಧಾರ, ವಿಳಾಸದ ದಾಖಲೆ ಮುಂತಾದ ಬೆಂಬಲಿತ ದಾಖಲೆಗಳ ಜೊತೆಯಲ್ಲಿ ನೋಂದಣಿ ಕೇಂದ್ರದಲ್ಲಿ ಲಭ್ಯವಿರುವ ಒಂದು ಅರ್ಜಿಯನ್ನು ನೀವು ಭರ್ತಿ ಮಾಡುವ ಅಗತ್ಯತೆಯಿರುತ್ತದೆ. ಭಾವಿಗುಪ್ರಾವು ಬೆಂಬಲಿತ ದಾಖಲೆಗಳ ರಾಷ್ಟ್ರೀಯವಾಗಿ ಊರ್ಜಿತಗೊಂಡಿರುವ ಪಟ್ಟಿಗಾಗಿ 18 ಗುರುತಿನ ಸಾಕ್ಷಾಧಾರಗಳನ್ನು ಮತ್ತು 35 ವಿಳಾಸದ ಸಾಕ್ಷಾಧಾರಗಳನ್ನು ಒಪ್ಪಿಕೊಳ್ಳುತ್ತದೆ. .
ಆಧಾರ್ ನೋಂದಣಿಗಾಗಿ ನಾನು ಮೂಲ ದಾಖಲೆಗಳನ್ನು ತರುವ ಅಗತ್ಯತೆಯಿರುತ್ತದೆಯೇ?keyboard_arrow_down
ಹೌದು, ಆಧಾರ್ ನೋಂದಣಿಗಾಗಿ ಬೆಂಬಲಿತ ದಾಖಲೆಗಳ ಮೂಲ ಪ್ರತಿಗಳನ್ನು ತರುವ ಅಗತ್ಯತೆಯಿರುತ್ತದೆ. ಈ ಮೂಲ ಪ್ರತಿಗಳನ್ನು ಸ್ಕ್ಯಾನು ಮಾಡಲಾಗುವುದು ಮತ್ತು ನೋಂದಣಿಯ ನಂತರ ಹಿಂತಿರುಗಿಸಲಾಗುವುದು.
ಆಧಾರ್ ನೋಂದಣಿಗಾಗಿ ನಾನು ಯಾವುದಾದರೂ ಮೊತ್ತದ ಶುಲ್ಕವನ್ನು ಪಾವತಿಸಬೇಕೆ?keyboard_arrow_down
ಇಲ್ಲ, ಆಧಾರ್ ನೋಂದಣಿಯು ಒಟ್ಟಾರೆಯಾಗಿ ಶುಲ್ಕ ಮುಕ್ತವಾಗಿರುತ್ತದೆ, ಆದ್ದರಿಂದ ನೀವು ನೋಂದಣಿ ಕೇಂದ್ರದಲ್ಲಿ ಯಾವುದೇ ಮೊತ್ತದ ಶುಲ್ಕವನ್ನು ಪಾವತಿಸಬೇಕಾಗಿರುವುದಿಲ್ಲ.
ಆಧಾರ್ ನೋಂದಣಿಯ ಸಮಯದಲ್ಲಿ ಯಾವ ರೀತಿಯ ಮಾಹಿತಿಯನ್ನು ಸೆರೆಹಿಡಿಯಲಾಗುತ್ತದೆ?keyboard_arrow_down
ಆಧಾರ್ ನೋಂದಣಿಗಾಗಿ ಎರಡು ಮಾದರಿಯ ಮಾಹಿತಿಗಳನ್ನು ಸೆರೆಹಿಡಿಯಲಾಗುವುದು, ಅವೆಂದರೆ ಜನಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಗಳು (ಹೆಸರು, ಲಿಂಗ, ಹುಟ್ಟಿದ ದಿನಾಂಕ, ಮೊಬೈಲು ಸಂಖ್ಯೆ ಮತ್ತು ಇ-ಮೈಲು ವಿಳಾಸ) ಮತ್ತು ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಗಳು (10 ಬೆರಳು ಮುದ್ರಿಕೆಗಳು, ಎರಡೂ ಕಣ್ಣು ಪಾವೆಗಳು ಮತ್ತು ಛಾಯಾಚಿತ್ರ) . ಮೊಬೈಲು ಸಂಖ್ಯೆ ಇ-ಮೈಲು ವಿಳಾಸವು ಐಚ್ಛಿಕವಾಗಿರುತ್ತವೆ.
ಆಧಾರ್ ಗಾಗಿ ನೋಂದಣಿ ಮಾಡಿಸಿಕೊಳ್ಳಲು ಯಾವುದಾದರೂ ಆನ್ ಲೈನ್ ಪದ್ಧತಿಗಳಿವೆಯೇ?keyboard_arrow_down
ಇಲ್ಲ, ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಸಂಗ್ರಹಿಸಲಾಗುವುದರಿಂದ, ಸ್ವತ: ನೀವೇ ನೋಂದಣಿ ಮಾಡಿಸಿಕೊಳ್ಳುವ ಸಲುವಾಗಿ ನೀವು ವೈಯಕ್ತಿಕವಾಗಿ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ನೀಡತಕ್ಕದ್ದು .
ಅಗತ್ಯ ದಾಖಲೆಗಳನ್ನು ಅಂಚೆಯ ಮೂಲಕ ಕಳುಹಿಸುವುದರ ಮೂಲಕ ನಾನು ನನ್ನ ಆಧಾರ್ ಗಾಗಿ ನೋಂದಣಿ ಮಾಡಿಸಿಕೊಳ್ಳಬಹುದೆ?keyboard_arrow_down
ಇಲ್ಲ, ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಸಂಗ್ರಹಿಸಲಾಗುವುದರಿಂದ, ನೀವು ವೈಯಕ್ತಿಕವಾಗಿ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ಕೊಡುವ ಅಗತ್ಯತೆಯಿರುತ್ತದೆ.
ಸ್ವೀಕೃತಿ ಪತ್ರ/ನೋಂದಣಿ ಚೀಟಿಯಲ್ಲಿ ನಮೂದಿಸಲಾಗಿರುವ ಜನಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ವಿವರಗಳು ಸಂಬಂಧಿತ ದಾಖಲೆಗಳ ಜೊತೆ ತಾಳೆ ಹೊಂದದಿದ್ದಲ್ಲಿ ಏನು ಮಾಡಬಹುದು?keyboard_arrow_down
ನೀವು ನಿಮ್ಮ ವಿವರಗಳನ್ನು ನೋಂದಣಿ ಮಾಡಿಸಿದ ದಿನಾಂಕದಿಂದ 96 ಗಂಟೆಗಳ ಒಳಗೆ ಸರಿಪಡಿಸಿಕೊಳ್ಳಬಹುದು. 96 ಗಂಟೆಗಳ ಗವಾಕ್ಷಿಯು/ಅವಧಿಯು ನಿಮ್ಮ ನೋಂದಣಿ ಚೀಟಿ/ಸ್ವೀಕೃತಿ ಚೀಟಿಯಲ್ಲಿ ನಮೂದಿಸಲಾಗಿರುವ ಸಮಯದ ಮುದ್ರೆಯಿಂದ ಪ್ರಾರಂಭಗೊಳ್ಳುತ್ತದೆ.
96 ಗಂಟೆಗಳ ನಂತರ ನಾನು ವಿವರಗಳನ್ನು ಯಾವ ರೀತಿ ಸರಿಪಡಿಸಿಕೊಳ್ಳಬಹುದು?keyboard_arrow_down
ನೀವು 96 ಗಂಟೆಗಳ ಅವಧಿಯ ಒಳಗೆ ನಿಮ್ಮ ವಿವರಗಳನ್ನು ಸರಿಪಡಿಸಿಕೊಳ್ಳಲು ಸಾಧ್ಯವಾಗದಿದ್ದಲ್ಲಿ, ನಿಮ್ಮ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆದ ನಂತರ ನಿಮ್ಮ ವಿವರಗಳನ್ನು ಇಂದಿನದಿನದನ್ನಾಗಿ ಮಾಡಿಸಿಕೊಳ್ಳಬಹುದು.
ನನ್ನ ಯಾವುದಾದರೂ ಬೆರಳುಗಳು ಅಥವಾ ಕಣ್ಣಿನ ಪಾಪೆಗಳು ಇಲ್ಲವಾದಲ್ಲಿ ನಾನು ಆಧಾರ್ ಗಾಗಿ ನೋಂದಣಿ ಮಾಡಿಸಿಕೊಳ್ಳಬಹುದೆ?keyboard_arrow_down
ಹೌದು, ನಿಮ್ಮ ಯಾವುದಾದರೂ ಅಥವಾ ಎಲ್ಲಾ ಬೆರಳುಗಳೂ/ಕಣ್ಣಿನ ಪಾಪೆಗಳು ಇಲ್ಲವಾದಲ್ಲಿಯೂ ಕೂಡ ಆಧಾರ್ ಗಾಗಿ ನೀವು ನೋಂದಣಿ ಮಾಡಿಸಿಕೊಳ್ಳಬಹುದು. ಅಂತಹ ವಿನಾಯಿತಿಗಳ ನಿರ್ವಹಣೆಗಾಗಿ ಆಧಾರ್ ತಂತ್ರಾಂಶ ಅನ್ವಯವು ಅನುವುಗಳನ್ನು ಹೊಂದಿದೆ.
ಆಧಾರ್ ನೋಂದಣಿಗಾಗಿ ಮೊಬೈಲು ಸಂಖ್ಯೆ ಅಥವಾ ಇ-ಮೈಲ್ ವಿಳಾಸವನ್ನು ನೀಡುವುದು ಕಡ್ಡಾಯವೆ?keyboard_arrow_down
ಇಲ್ಲ. ಆಧಾರ್ ನೋಂದಣಿಗಾಗಿ ಮೊಬೈಲು ಸಂಖ್ಯೆ ಅಥವಾ ಇ-ಮೈಲ್ ವಿಳಾಸವನ್ನು ನೀಡುವುದು ಕಡ್ಡಾಯವಲ್ಲ. ಆದರೆ, ನಿಮ್ಮ ಆಧಾರ್ ಗಾಗಿನ ಅರ್ಜಿಯ ಸ್ಥಿತಿಗತಿಯ ಬಗ್ಗೆ ಇತ್ತೀಚಿನ ಮಾಹಿತಿಯನ್ನು ನೀವು ಪಡೆಯುವ ರೀತಿಯಲ್ಲಿ ಮೊಬೈಲು ಸಂಖ್ಯೆ ಮತ್ತು ಇ-ಮೈಲ್ ವಿಳಾಸವನ್ನು ಒದಗಿಸುವಂತೆ ನಾವು ಯಾವಾಗಲೂ ಶಿಫಾರಸು ಮಾಡುತ್ತೇವೆ.
ಆಧಾರ್ ನೋಂದಣಿಗಾಗಿ ವಯಸ್ಸಿನ ಇತಿಮಿತಿಗಳಿವೆಯೆ?keyboard_arrow_down
ಇಲ್ಲ, ಆಧಾರ್ ನೋಂದಣಿಗಾಗಿ ಯಾವುದೇ ವಯಸ್ಸಿನ ಇತಿಮಿತಿಗಳನ್ನು ವಿವರಿಸಲಾಗಿಲ್ಲ. ಇದೀಗ ತಾನೇ ಹುಟ್ಟಿದ ಶಿಶುವಿಗೆ/ಮಗುವಿಗೆ ಕೂಡ ಆಧಾರ್ ಗಾಗಿ ನೋಂದಣಿಯನ್ನು ಮಾಡಿಸಬಹುದು.
ನನ್ನ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆಯಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?keyboard_arrow_down
ನೋಂದಣಿಯ ದಿನಾಂಕದಿಂದ ಪ್ರಾರಂಭಗೊಂಡು ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆಯಲು 90 ದಿನಗಳವರೆಗೂ ತೆಗೆದುಕೊಳ್ಳುತ್ತದೆ.
ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರತೆಗೆಯಲಾಗಿದೆ ಎಂಬುದು ನನಗೆ ಹೇಗೆ ತಿಳಿಯುತ್ತದೆ?keyboard_arrow_down
ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರ ತೆಗೆದ ಕೂಡಲೇ, ನೋಂದಾಯಿತ ಮೊಬೈಲು ಸಂಖ್ಯೆಯಲ್ಲಿ ನೀವು ಎಸ್ಎಂಎಸ್ ಸಂದೇಶವನ್ನು ಸ್ವೀಕರಿಸುವಿರಿ. ಆಧಾರ್ ನ ಸ್ಥಿತಿಗತಿಯನ್ನು ನೀವು “ಆಧಾರ್ ನ ಸ್ಥಿತಿಗತಿಯನ್ನು ಪರಿಶೀಲಿಸಿ”
“Check Aadhaar Status” ಮೇಲೆ ಕ್ಲಿಕ್ ಮಾಡಿರಿ ಅಥವಾ
https://resident.uidai.gov.in/check-aadhaar.ಗೆ ಭೇಟಿ ಕೊಡಿರಿ
ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರತೆಗೆದನಂತರ ನಾನು ಆಧಾರ್ ಪತ್ರವನ್ನು ಆನ್-ಲೈನ್ ಮೂಲಕ ಡೌನ್ ಲೋಡ್ ಮಾಡಿಕೊಳ್ಳಬಹುದೆ?keyboard_arrow_down
ಹೌದು, ನಿಮ್ಮ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆದನಂತರ, ಯಾವಾಗ ಬೇಕಾದರೂ “ಡೌನ್ ಲೋಡ್ ಆಧಾರ್” “Download Aadhaar” ಮೇಲೆ ಕ್ಲಿಕ್ ಮಾಡುವ ಮೂಲಕ ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳಬಹುದು.
ಆನ್ ಲೈನ್ ಡೌನ್ ಲೋಡ್ ಮಾಡಲಾದ ಆಧಾರ್ ಪತ್ರವು ಮೂಲ ಆಧಾರ್ ಪತ್ರಕ್ಕೆ ಸಮನಾಗಿ ಊರ್ಜಿತತೆಯನ್ನು ಹೊಂದಿರುತ್ತದೆಯೇ?keyboard_arrow_down
ಹೌದು ಆನ್ ಲೈನ್ ಡೌನ್ ಲೋಡ್ ಮಾಡಲಾದ ಆಧಾರ್ ಪತ್ರವು ಮೂಲ ಆಧಾರ್ ಪತ್ರಕ್ಕೆ ಸಮನಾಗಿ ಊರ್ಜಿತತೆಯನ್ನು ಹೊಂದಿರುತ್ತದೆ.
ನಾನು ನನ್ನ ನೋಂದಣಿ ವಿಶಿಷ್ಟ ಗುರುತು ಚೀಟಿ/ಆಧಾರ್ ಪತ್ರವನ್ನು ಕಳೆದುಕೊಂಡಿರುವೆನು, ಅದನ್ನು ಪತ್ತೆಹಚ್ಚಲು ಯಾವುದಾದರೂ ಮಾರ್ಗೋಪಾಯಗಳಿವೆಯೇ?keyboard_arrow_down
ಹೌದು, ನಿಮ್ಮ ಮೊಬೈಲು ಸಂಖ್ಯೆಯನ್ನು ಆಧಾರ್ ನಲ್ಲಿ ನೋಂದಣಿ ಮಾಡಿಸಿದ್ದಲ್ಲಿ, uidai.gov.in website ಅಥವಾ https://resident.uidai.gov.in/lost-uideid. ಜಾಲತಾಣದಲ್ಲಿ ““Retrieve Lost UID/EID” ಮೇಲೆ ಕ್ಲಿಕ್ ಮಾಡುವ ಮೂಲಕ ನಿಮ್ಮ ನೋಂದಣಿ ಸಂಖ್ಯೆಯನ್ನು ಕಂಡುಕೊಳ್ಳಬಹುದು. ನೀವು ಪುನರ್-ಪಡೆದುಕೊಳ್ಳಬಯಸಿರುವ ನೋಂದಣಿ ಗುರುತಿನ ಸಂಖ್ಯೆ (ಇಐಡಿ)/ವಿಶಿಷ್ಟ ಗುರುತಿನ ಸಂಖ್ಯೆ (ಯುಐಡಿ)ಯನ್ನು ಆಯ್ಕೆ ಮಾಡಿಕೊಳ್ಳಿರಿ ಮತ್ತು ಆನಂತರ ನಿಮ್ಮ ಹೆಸರು ಮತ್ತು ಮೊಬೈಲು ಸಂಖ್ಯೆಯನ್ನು (ಆಧಾರ್ ನೋಂದಣಿಯ ಸಮಯದಲ್ಲಿ ನೋಂದಣಿ ಮಾಡಿಸಲಾಗಿರುವ ಸಂಖ್ಯೆ) ಊಡಿಕೆ ಮಾಡಿರಿ. ನೀವು ನಿಮ್ಮ ನೋಂದಣಿ ಗುರುತಿನ ಸಂಖ್ಯೆ (ಇಐಡಿ)/ವಿಶಿಷ್ಟ ಗುರುತಿನ ಸಂಖ್ಯೆ (ಯುಐಡಿ)ಯನ್ನು ನಿಮ್ಮ ಇಮೈಲು/ಮೊಬೈಲು ಸಂಖ್ಯೆಯಲ್ಲಿ ಸ್ವೀಕರಿಸುವಿರಿ. ಆಧಾರ್ ನಲ್ಲಿ ನಿಮ್ಮ ಮೊಬೈಲು ಸಂಖ್ಯೆಯನ್ನು ನೋಂದಣಿ ಮಾಡಿಸಿಲ್ಲವಾದಲ್ಲಿ, ನೀವು ನಿಮ್ಮ ಅತೀ ಸಮೀಪದ ಶಾಶ್ವತ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ಕೊಡಬೇಕಾಗುತ್ತದೆ.
ನಾನು ಆಧಾರ್ ಗಾಗಿ ಅನೇಕ ಸಲ ನೋಂದಣಿ ಮಾಡಿಸಿರುವೆನು, ಆದರೆ ನನ್ನ ಆಧಾರ್ ಪತ್ರವನ್ನು ಸ್ವೀಕರಿಸಿರುವುದಿಲ್ಲ. ಈ ನಿಟ್ಟಿನಲ್ಲಿ ನಾನು ಏನು ಮಾಡಬೇಕು?keyboard_arrow_down
ನಿಮ್ಮ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆದಿರುವ ಆದರೆ ಅಂಚೆಯ ಮೂಲಕ ಆಧಾರ್ ಪತ್ರವನ್ನು ನೀವು ಸ್ವೀಕರಿಸಿರದಿರುವ ಸಂಭವವಿರುತ್ತದೆ. ಆಧಾರ್ ನ ಸ್ಥಿತಿಗತಿಯನ್ನು ನೀವು “ಆಧಾರ್ ನ ಸ್ಥಿತಿಗತಿಯನ್ನು ಪರಿಶೀಲಿಸಿ”
Check Aadhaar Status” ಮೇಲೆ ಕ್ಲಿಕ್ ಮಾಡುವ ಮೂಲಕ ಅಥವಾ
https://resident.uidai.gov.in/check-aadhaarಗೆ ಭೇಟಿ ಕೊಡುವ ಮೂಲಕ ಅಥವಾ ಅತೀ ಸಮೀಪದ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ಕೊಡುವ ಮೂಲಕ ನಿಮ್ಮ ಆಧಾರ್ ಸ್ಥಿತಿಗತಿಯನ್ನು ಪರಿಶೀಲಿಸಿರಿ ಎಂಬುದಾಗಿ ನಾವು ಈ ಮೂಲಕ ಶಿಫಾರಸು ಮಾಡುತ್ತಿದ್ದೇವೆ.
ನನ್ನ ಆಧಾರ್ ಅನ್ನು ತಿರಸ್ಕರಿಸಲಾಗಿದೆ ಎಂಬುದಾಗಿ ನನ್ನ ಮೊಬೈಲಿನಲ್ಲಿ ಎಸ್ಎಂಎಸ್ ಸಂದೇಶವನ್ನು ಸ್ವೀಕರಿಸಿರುವೆನು, ಈ ನಿಟ್ಟಿನಲ್ಲಿ ನಾನು ಏನು ಮಾಡಬೇಕು?keyboard_arrow_down
ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರತೆಗೆಯುವುದು ವಿವಿಧ ಗುಣಮಟ್ಟದ ಪರೀಕ್ಷಣೆಗಳನ್ನು ಒಳಗೊಂಡಿರುತ್ತದೆ, ಆದ್ದರಿಂದ ಗುಣಮಟ್ಟ ಅಥವಾ ಇತರೆ ತಾಂತ್ರಿಕ ಕಾರಣಗಳಿಂದ ನಿಮ್ಮ ಆಧಾರ್ ತಿರಸ್ಕೃತಗೊಂಡಿರುವ ಸಂಭಾವ್ಯತೆಯಿರುತ್ತದೆ. ನಿಮ್ಮ ಆಧಾರ್ ತಿರಸ್ಕೃತಗೊಂಡಿದೆ ಎಂಬುದಾಗಿ ನೀವು ಎಸ್ಎಂಎಸ್ ಸಂದೇಶವನ್ನು ಸ್ವೀಕರಿಸಿದ್ದಲ್ಲಿ, ನೀವು ಪುನ: ನೋಂದಣಿಯನ್ನು ಮಾಡಿಸಬೇಕಾಗಿ ಈ ಮೂಲಕ ಶಿಫಾರಸು ಮಾಡಲಾಗುತ್ತಿದೆ.
ಆಧಾರ್ ನೋಂದಣಿಗಾಗಿ ಅಗತ್ಯವಿರುವ ದಾಖಲೆಗಳನ್ನು ನಾನು ಹೊಂದಿರುವುದಿಲ್ಲ, ಆದಾಗ್ಯೂ ನಾನು ನೋಂದಣಿ ಮಾಡಿಸಬಹುದೆ?keyboard_arrow_down
ಹೌದು, ಒಂದು ಕುಟುಂಬದಲ್ಲಿ ಯಾರಾದರೂ ಅಗತ್ಯ ದಾಖಲೆಗಳನ್ನು ಹೊಂದಿಲ್ಲವಾದಲ್ಲಿ, ಹಾಗಿದ್ದೂ ನಿವಾಸಿಯು ಆತನ/ಆಕೆಯ ಹೆಸರು ಕುಟುಂಬದ ಅರ್ಹತೆಯ ದಾಖಲೆಯಲ್ಲಿ ಇದ್ದಲ್ಲಿ ನಿವಾಸಿಯು ನೋಂದಣಿ ಮಾಡಿಸಿಕೊಳ್ಳಬಹುದು. ಇಂತಹ ಪ್ರಕರಣದಲ್ಲಿ, ಅರ್ಹತೆಯ ದಾಖಲೆಯಲ್ಲಿನ ಕುಟುಂಬದ ಮುಖ್ಯಸ್ಥರು ಊರ್ಜಿತ ಗುರುತಿನ ಸಾಕ್ಷಾಧಾರ ಮತ್ತು ವಿಳಾಸದ ಸಾಕ್ಷಾಧಾರಗಳೊಂದಿಗೆ ಮೊದಲು ನೋಂದಣಿ ಮಾಡಿಸಿಕೊಳ್ಳತಕ್ಕದ್ದು ಮತ್ತು ತದನಂತರ ಕುಟುಂಬದ ಮುಖ್ಯಸ್ಥರ ಗುರುತಿನ ಸಾಕ್ಷಾಧಾರ ಮತ್ತು ವಿಳಾಸದ ಸಾಕ್ಷಾಧಾರಗಳ ಆಧಾರದ ಮೇರೆಗೆ ಕುಟುಂಬದ ಇತರೆ ಸದಸ್ಯರು ನೋಂದಣಿ ಮಾಡಿಸಿಕೊಳ್ಳತಕ್ಕದ್ದು. ಭಾವಿಗುಪ್ರಾವು ಸಂಬಂಧದ ಸಾಕ್ಷಾಧಾರವನ್ನಾಗಿ 8 ದಾಖಲೆ ಮಾದರಿಗಳನ್ನು ಒಪ್ಪಿಕೊಳ್ಳುತ್ತದೆ. ರಾಷ್ಟ್ರೀಯವಾಗಿ ಊರ್ಜಿತವಾಗಿರುವ ದಾಖಲೆಗಳ ಪಟ್ಟಿಗಾಗಿ ಇಲ್ಲಿ ಕ್ಲಿಕ್ ಮಾಡಿರಿ.
ಆತನ/ಆಕೆಯ ನೋಂದಣಿಯು ತಿರಸ್ಕೃತಗೊಳ್ಳುವುದಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳುವಲ್ಲಿ ನಿವಾಸಿಯ ಜವಾಬ್ದಾರಿಗಳು ಯಾವುವು?keyboard_arrow_down
ನಿವಾಸಿಯು ಆತನ/ಆಕೆಯ ವಿವರಗಳನ್ನು ಆಂಗ್ಲ ಭಾಷೆಯಲ್ಲಿ ಮಾತ್ರವಲ್ಲದೆಯೇ ಸ್ಥಳೀಯ ಭಾಷೆಯಲ್ಲಿ ಆತನ/ಆಕೆಯ ಎದುರು ಲಭ್ಯವಿರುವ ಗಣಕಯಂತ್ರ ಪರದೆಯ ಮೇಲೆ ಗಮನಿಸುವ ಮೂಲಕ ಸಮೀಕ್ಷಿಸತಕ್ಕದ್ದು. ಹೆಸರು, ಲಿಂಗ, ಹುಟ್ಟಿದ ದಿನಾಂಕ, ವಿಳಾಸ, ಇತ್ಯಾದಿಗಳು ಸರಿಯಾಗಿವೆ ಎಂಬುದನ್ನು ಖಚಿತಪಡಿಸಿಕೊಳ್ಳತಕ್ಕದ್ದು. ಮಿ. ಮಿಸೆಸ್/ಕರ್ನಲ್/ಡಾ. ಇತ್ಯಾದಿ ಪದವಿಸೂಚಕ/ಅಧಿಕಾರ ಸೂಚಕಗಳನ್ನು ಹೆಸರಿನ ಮುಂದೆ ಅಥವಾ ಹಿಂದೆ ಸೇರಿಸಲಾಗಿದೆ ಎಂಬುದನ್ನೂ ಸಹ ಖಚಿತಪಡಿಸಿಕೊಳ್ಳತಕ್ಕದ್ದು. ಉಪನಾಮದ ಮೊದಲ ಅಕ್ಷರಗಳನ್ನು ಮಾತ್ರ ನೀಡುವ ಬದಲು ಸಂಪೂರ್ಣ ಹೆಸರನ್ನು ನೀಡತಕ್ಕದ್ದು, ಉದಾಹರಣೆಗೆ ಬಿ.ಕೆ. ಶರ್ಮ ಎಂಬುದನ್ನು ಬ್ರಿಜ್ ಕುಮಾರ್ ಶರ್ಮ ಎಂಬುದಾಗಿ ಬರೆಯತಕ್ಕದ್ದು. ನಿರ್ವಾಹಕರು ಸೆರೆ ಹಿಡಿದ ಛಾಯಾಚಿತ್ರವು ಸರಿಯಾಗಿದೆ ಮತ್ತು ಗುರುತಿಸಬಹುದಾಗಿದೆ ಎಂಬುದನ್ನು ಸಮೀಕ್ಷಿಸತಕ್ಕದ್ದು.
ಅವರುಗಳು ಪ್ರತ್ಯೇಕ ಗುರುತಿನ ಸಾಕ್ಷಾಧಾರಗಳನ್ನು ಅಥವಾ ವಿಳಾಸದ ಸಾಕ್ಷಾಧಾರಗಳನ್ನು ಹೊಂದಿಲ್ಲವಾದಲ್ಲಿ ದಾಖಲೆಯಲ್ಲಿ ಪಟ್ಟಿ ಮಾಡಲಾಗಿರುವ ಕುಟುಂಬದ ಸದಸ್ಯರಿಗೆ ಪಡಿತರ ಚೀಟಿ, ರಾಉಖಾ ಅಧಿನಿಯಮದ ಕಾರ್ಡು, ಇತ್ಯಾದಿಗಳನ್ನು ಗುರುತು/ವಿಳಾಸದ ಒಂದು ಊರkeyboard_arrow_down
ಹೌದು, ದಾಖಲೆಗಳಲ್ಲಿ ಕಂಡುಬರುವ ಛಾಯಾಚಿತ್ರದ ಕುಟುಂಬದ ಮುಖ್ಯಸ್ತರು ಹಾಜರಿದ್ದು ಮತ್ತು ಕುಟುಂಬದ ಸದಸ್ಯರ ಗುರುತು ಮತ್ತು ವಿಳಾಸವನ್ನು ಪರಿಶೀಲಿಸುವರೋ ಮತ್ತು ನೋಂದಣಿ ಅಧಿಕಾರಿಯವರು/ರಿಜಿಸ್ಟ್ರಾರ್ ರವರು ಅನುಮತಿ ನೀಡಿರುವ ಪರಿಚಯವನ್ನು ಮಾಡುವವರು ದಾಖಲೆಯ ಪ್ರತಿಯ ಮೇಲೆ ಸ್ವೀಕೃತಿಯ ಸಾಕ್ಷಾಧಾರ ಎಂಬುದಾಗಿ ಮೇಲು ಋಜು ಮಾಡುವರೋ ಅಲ್ಲಿಯವರೆಗೆ ಕುಟುಂಬ ಅರ್ಹತೆ ದಾಖಲೆಗಳನ್ನು ಗುರುತಿನ/ವಿಳಾಸದ ಸಾಕ್ಷಾಧಾರವನ್ನಾಗಿ ಒಪ್ಪಿಕೊಳ್ಳಲಾಗುವುದು.
ಕುಟುಂಬದ ನೋಂದಣಿಗಳಿಗಾಗಿ ಅನುಸರಿಸಬೇಕಾದ ಪ್ರಕ್ರಿಯೆಗಳನ್ನು ಭಾವಿಗುಪ್ರಾವು ವಿವರಿಸಿದೆಯೆ?keyboard_arrow_down
ಹೌದು, ಕುಟುಂಬದ ಮುಖ್ಯಸ್ಥರು ತಪ್ಪದೇ ಗುರುತಿನ ಸಾಕ್ಷಾಧಾರ/ವಿಳಾಸದ ಸಾಕ್ಷಾಧಾರಗಳನ್ನು ಪರಿಶೀಲನೆಗಾಗಿ ತರತಕ್ಕದ್ದು ಮತ್ತು ಕುಟುಂಬದ ಅರ್ಹತೆಯ ದಾಖಲೆಯ ಆಧಾರದ ಮೇರೆಗೆ ಮಾತ್ರ ಅದರಲ್ಲಿ ದಾಖಲಿಸಲಾಗಿರುವ ಹೆಸರುಗಳು ಮತ್ತು ಇತರೆ ವಿವರಗಳನ್ನು ಆಧರಿಸಿ ನೋಂದಣಿಯನ್ನು ಮಾಡಬಹುದು. ಕುಟುಂಬದ ನೋಂದಣಿಗಾಗಿ, ಕುಟುಂಬದ ಸದಸ್ಯರು ಸಾದ್ಯವಾದಷ್ಟು ಮಟ್ಟಿಗೆ ಒಟ್ಟಾಗಿ ಬರುವುದು ಅಪೇಕ್ಷಣೀಯ. ಒಂದು ವೇಳೆ ಎಲ್ಲಾ ಸದಸ್ಯರು ಒಂದೇ ದಿನ ಒಟ್ಟಾಗಿ ಬರಲು ಸಾಧ್ಯವಾಗದಿದ್ದಲ್ಲಿ ಕುಟುಂಬದ ಮುಖ್ಯಸ್ಥರು ಕುಟುಂಬದ ಸದಸ್ಯರ ಪೈಕಿ ಆತನು/ಆಕೆಯು ಬಂದಾಗಲೆಲ್ಲಾ ಅವರ ಜೊತೆಗೆ ಬರತಕ್ಕದ್ದು.
ವಿಳಾಸದ ಸಾಕ್ಷಾಧಾರದಲ್ಲಿ ಸೂಚಿಸಲಾಗಿರುವ ವಿಳಾಸವು ಅಂಚೆ ವಿತರಣೆಗೆ ಅಸಮರ್ಪಕವೆಂಬುದಾಗಿ ಕಂಡುಬಂದಲ್ಲಿ ಇರುವ ಆಯ್ಕೆ ಯಾವುದು? ನಿವಾಸಿಗಳಿಂದ ಹೆಚ್ಚುವರಿ ಮಾಹಿತಿಯನ್ನು ಒಪ್ಪಿಕೊಳ್ಳಬಹುದೆ?keyboard_arrow_down
ಹೌದು, ಮನೆ ಸಂಖ್ಯೆ, ಮಾರ್ಗದ ಸಂಖ್ಯೆ ಬೀದಿಯ ಹೆಸರು, ಬೆರಳಚ್ಚಿನ ತಪ್ಪುಗಳನ್ನು ಸರಿಪಡಿಸುವುದು, ಅಪ್ರಧಾನ ಬದಲಾವಣೆಗಳು, ಪಿನ್ ಕೋಡಿಗೆ ತಿದ್ದುಪಡಿ, ಇತ್ಯಾದಿ ಅಪ್ರಧಾನ ಕ್ಷೇತ್ರಗಳನ್ನು ವಿಳಾಸದ ಸಾಕ್ಷಾಧಾರದಲ್ಲಿನ ವಿಳಾಸಕ್ಕೆ ಸೇರಿಸಲು, ಈ ಸೇರ್ಪಡೆಗಳು/ಮಾರ್ಪಾಡುಗಳು ವಿಳಾಸದ ಸಾಕ್ಷಾಧಾರದಲ್ಲಿ ನಮೂದಿಸಲಾಗಿರುವ ಮೂಲ ವಿಳಾಸವನ್ನು ಬದಲಾಯಿಸದವರೆಗೆ ನಿವಾಸಿಗೆ ಅನುವು ಮಾಡಿಕೊಡಬಹುದು. ಕೋರಲಾಗಿರುವ ಬದಲಾವಣೆಗಳು ಗಮನಾರ್ಹವಾಗಿದ್ದಲ್ಲಿ ಮತ್ತು ವಿಳಾಸದ ಸಾಕ್ಷಾಧಾರದಲ್ಲಿ ಪಟ್ಟಿ ಮಾಡಲಾಗಿರುವ ಮೂಲ ವಿಳಾಸವನ್ನು ಬದಲಾಯಿಸಿದಲ್ಲಿ, ನಿವಾಸಿಯು ಬದಲಿ ವಿಳಾಸದ ಸಾಕ್ಷಾಧಾರವನ್ನು ಒದಗಿಸುವ ಅಥವಾ ಪರಿಚಯಿಸುವವರ ಮೂಲಕ ನೋಂದಣಿ ಮಾಡಿಸುವ ಅಗತ್ಯತೆಯಿರುತ್ತದೆ.
ಓರ್ವ ನಿವಾಸಿಗೆ ವಿವಿಧ ವಿಳಾಸ ಸಾಕ್ಷಾಧಾರಗಳು ಲಭ್ಯವಿದ್ದಲ್ಲಿ (ಉದಾಹರಣೆಗೆ ಹಾಲಿ/ಪ್ರಸಕ್ತ ಮತ್ತು ಹುಟ್ಟಿದ ಊರು), ಯಾವ ಸಾಕ್ಷಾಧಾರವನ್ನು ಭಾವಿಗುಪ್ರಾವು ಒಪ್ಪಿಕೊಳ್ಳುತ್ತದೆ ಮತ್ತು ಅದು ಯಾವ ವಿಳಾಸಕ್ಕೆ ಆಧಾರ್ ಪತ್ರವನ್ನು ಕಳುಹಿಸುತ್ತದೆ?keyboard_arrow_down
ಆಧಾರ್ ಪತ್ರವನ್ನು ಯಾವ ವಿಳಾಸಕ್ಕೆ ಕಳುಹಿಸಲು ಆತನು/ಆಕೆಯು ಇಚ್ಚಿಸುತ್ತಾರೆ ಎಂಬುದನ್ನು ಖಚಿತಪಡಿಸುವಂತೆ ಭಾವಿಗುಪ್ರಾವು ನಿವಾಸಿಯನ್ನು ಕೋರುವುದು. ನಿವಾಸಿಯ ಆಯ್ಕೆಯಂತೆ, ಭಾವಿಗುಪ್ರಾವು ಬೆಂಬಲಿತ ದಾಖಲೆಗಳ ಅನುಸಾರ ವಿವರಗಳನ್ನು ಸೆರೆಹಿಡಿಯುವುದು.