ಆಧಾರ್ ನೋಂದಣಿ

ನೋಂದಣಿ ಕೇಂದ್ರವನ್ನು ಗುರುತಿಸಿ
ಆಧಾರ್ ನೋಂದಣಿಯು ಉಚಿತವಾಗಿದೆ ಮತ್ತು ನೀವು ನಿಮ್ಮ ಹತ್ತಿರದ ಕೇಂದ್ರದಲ್ಲಿ ನೋಂದಹಿಸಬಹುದು.
ನೋಂದಣಿ ಕೇಂದ್ರವನ್ನು ಗುರುತಿಸಿ
ಆಧಾರ್ ಸ್ಥಿತಿ ಪರಿಶೀಲಿಸಿ
ಇತ್ತೀಚೆಗೆ ಆಧಾರ್ ನೋಂದಣಿಮಾಡಿಸಿದ್ದಲ್ಲಿ? ನಿಮ್ಮ ಆಧಾರ್ ರಚಿತವಾಗಿದೆಯೇ ಎಂದು ಪರಿಶೀಲಿಸಿ. ಅಪ್ಡೇಟ್ ಕೇಂದ್ರದಲ್ಲಿ ಅಪ್ಡೇಟ್ ಮಾಡಿದ್ದಲ್ಲಿ ನೀವು ಅಪ್ಡೇಟ್ ವಿಳಾಸವನ್ನು ಇಲ್ಲಿಯು ಕೂಡ ಪರಿಶೀಲಿಸಬಹುದು.
ಆಧಾರ್ ಸ್ಥಿತಿ ಪರಿಶೀಲಿಸಿ
ಆಧಾರ್ ಡೌನ್ಲೋಡ್
ನಿಮ್ಮ ಆಧಾರ್ ಸಂಖ್ಯೆಯನ್ನು ಅಥವಾ ನೋಂದಣಿ ಐಡಿ ನೀಡುವ ಮೂಲಕ ನಿಮ್ಮ ಆಧಾರ್ ವಿದ್ಯುನ್ಮಾನ ಆವೃತ್ತಿಯನ್ನು ಡೌನ್ಲೋಡ್ ಮಾಡಿ. ಡೌನ್ಲೋಡ್ ಮಾಡಲಾದ ಆಧಾರ್ ಪತ್ರವು ಮೂಲ ಆಧಾರ್ ಪತ್ರದಂತೆ ಮಾನ್ಯವಾಗಿದೆ.
ಆಧಾರ್ ಡೌನ್ಲೋಡ್
Order Aadhaar PVC Card
Get your Aadhaar PVC card at nominal cost. Order now!
Order Aadhaar PVC Card
Order Aadhaar PVC Card
Get your Aadhaar PVC card at nominal cost. Order now!
Check Aadhaar PVC Card Status

ಉಲ್ಲೇಖಗಳು

Aadhaar Update/Correction Form
ಪೋಷಕ / ಬೆಂಬಲ ದಾಖಲೆಗಳ ಪಟ್ಟಿ
ಆಧಾರ್ ಕೇಂದ್ರದಲ್ಲಿ ಯುಐಡಿಎಐ ನ ವಿವಿಧ ಸೇವೆಗಳಿಗೆ ಶುಲ್ಕಗಳು (ಪಿಇಸಿ)
ಡೌನ್ಲೋಡ್ ಮಾಡಲಾದ ಆಧಾರ್ (ಇ-ಆಧಾರ್) ಗುರುತಿನ ಪುರಾವೆಗೆ ಮಾನ್ಯತೆಯಾಗಿದೆ

ಎಫ್ ಎ ಕ್ಯೂಗಳು

E-Aadhaar

ಇ-ಆಧಾರ್ ನಲ್ಲಿ ಅಂಕೀಯ ಸಹಿಗಳನ್ನು ಯಾವ ರೀತಿಯಲ್ಲಿ ದೃಢೀಕರಿಸಲಾಗುತ್ತದೆ? Open or Close

ಅಂಕೀಯ ಸಹಿಯನ್ನು ದೃಢೀಕರಿಸುವ ಸಮಯದಲ್ಲಿ ಗಣಕ ಯಂತ್ರವು ಅಂತರಜಾಲ ಸಂಪರ್ಕವನ್ನು ಹೊಂದಿರತಕ್ಕದ್ದು.

’ದೃಢೀಕರಣವು ತಿಳಿದಿರುವುದಿಲ್ಲ’ ಬಿಂಬದ ಮೇಲೆ ಬಲ ಕ್ಲಿಕ್ ಮಾಡಿರಿ ಹಾಗೂ ’ಸಹಿಯನ್ನು ದೃಢೀಕರಿಸಿ’ ಇದರ ಮೇಲೆ ಕ್ಲಿಕ್ ಮಾಡಿರಿ
ನೀವು ಸಹಿಯ ದೃಢೀಕರಣ ಸ್ಥಿತಿಗತಿಯ ವಿಂಡೋ ಅನ್ನು ಪಡೆಯುವಿರಿ, ’ಸಹಿಯ ಗುಣಲಕ್ಷಣಗಳ ಮೇಲೆ ಕ್ಲಿಕ್ ಮಾಡಿರಿ.
’ಪ್ರಮಾಣಪತ್ರವನ್ನು ತೋರಿಸು’ ಇದರ ಮೇಲೆ ಕ್ಲಿಕ್ ಮಾಡಿರಿ
'NIC sub-CA for NIC 2011, ಎಂಬುದಾಗಿ ಕರೆಯಲ್ಪಡುವ ಒಂದು ಪ್ರಮಾಣೀಕರಣ ಮಾರ್ಗವು ಇದೆಯೇ ಎಂಬುದನ್ನು ಪರಿಶೀಲಿಸಿರಿ. ಇದು, ದಾಖಲೆಗೆ ಸಹಿ ಮಾಡುವ ವೇಳೆಯಲ್ಲಿ ಬಳಸಿಕೊಳ್ಳಲಾದ ಅಂಕೀಯ ಪ್ರಮಾಣಪತ್ರದ ಮಾಲೀಕರನ್ನಾಗಿ 'NIC sub-CA for NIC 2011, ರಾಷ್ಟ್ರೀಯ ಮಾಹಿತಿ ಕೇಂದ್ರವನ್ನು ಗುರುತಿಸುತ್ತದೆ.
'NIC sub-CA for NIC 2011, ರಾಷ್ಟ್ರೀಯ ಮಾಹಿತಿ ಕೇಂದ್ರ ಎಂಬುದಾಗಿ ಕರೆಯಲ್ಪಡುವ ಪ್ರಮಾಣೀಕರಣ ಮಾರ್ಗವನ್ನು ಗುರುತಿಸಿ, ’ಟ್ರಸ್ಟ್’ ಟ್ಯಾಬ್ ಅನ್ನು ಕ್ಲಿಕ್ ಮಾಡಿ ಹಾಗೂ ತದನಂತರ ‘ವಿಶ್ವಾಸಾರ್ಹತೆಯ ಗುರುತಿಸುವಿಕೆಗಳಿಗೆ ಸೇರಿಸಿರಿ’
ತದನಂತರದಲ್ಲಿ ಬರುವ ಯಾವುದೇ ಭದ್ರತಾ ಪ್ರಶ್ನೆಗೆ ’ಒಕೆ’ ಎಂಬುದಾಗಿ ಉತ್ತರಿಸಿರಿ.
‘ಈ ಪ್ರಮಾಣಪತ್ರವನ್ನು ಒಂದು ವಿಶ್ವಾಸಾರ್ಹತೆ ಮೂಲವಾಗಿ ಬಳಸಿ’ ಇದಕ್ಕಾಗಿ (✔) ಕ್ಷೇತ್ರವನ್ನು ಪರಿಶೀಲಿಸಿರಿ ಹಾಗೂ ಈ ವಿಂಡೊ ಮತ್ತು ಮುಂದಿನ ವಿಂಡೋವನ್ನು ಮುಚ್ಚುವುದಕ್ಕಾಗಿ ’ಒಕೆ’ಯನ್ನುಎರಡು ಸಲ ಕ್ಲಿಕ್ ಮಾಡಿರಿ.
ದೃಢೀಕರಣವನ್ನು ಕಾರ್ಯಗತಗೊಳಿಸುವುದಕ್ಕಾಗಿ ’ದೃಢೀಕರಣ ಸಹಿ’ಯ ಮೇಲೆ ಕ್ಲಿಕ್ ಮಾಡಿರಿ.

ಟಿಪ್ಪಣಿ - 'NIC sub-CA for NIC 2011, ರಾಷ್ಟ್ರೀಯ ಮಾಹಿತಿ ಕೇಂದ್ರ’ ವನ್ನು ವಿಶ್ವಾಸಾರ್ಹ ಗುರುತು ಎಂಬುದಾಗಿ, ಸಿಸಿಎಯಿಂದ ಅಂಕೀಯ ಸಹಿಗಳೊಂದಿಗೆ ಯಾವುದೇ ತದನಂತರದ ದಾಖಲೆಗಳನ್ನು ತೆರೆದಾಗ ಸ್ವಯಂಚಾಲಿತವಾಗಿ ದೃಢೀಕರಿಸಲಾಗುವುದು.

ಇ-ಆಧಾರ್ ಗೆ ಸಂಕೇತಪದ (ಪಾಸ್ ವರ್ಡ್) ಯಾವುದು? Open or Close

ದೊಡ್ಡ ಅಕ್ಷರಗಳಲ್ಲಿರುವ ಹೆಸರಿನ ಮೊದಲ 4 ಅಕ್ಷರಗಳು ಮತ್ತು ಹುಟ್ಟಿದ ವರ್ಷದ (YYYY) ಸಂಯೋಜನೆಯನ್ನು ಸಂಕೇತಪದವನ್ನಾಗಿ ಬಳಸಬಹುದು.

ಉದಾಹರಣೆಗೆ

ಉದಾಹರಣೆ 1
ಹೆಸರು: SURESH KUMAR
ಹುಟ್ಟಿದ ವರ್ಷ: 1990
ಸಂಕೇತಪದ: SURE1990

ಉದಾಹರಣೆ 2
ಹೆಸರು: SAI KUMAR
ಹುಟ್ಟಿದ ವರ್ಷ: 1990
ಸಂಕೇತಪದ: SAIK1990

ಉದಾಹರಣೆ 3
ಹೆಸರು: P. KUMAR
ಹುಟ್ಟಿದ ವರ್ಷ: 1990
ಸಂಕೇತಪದ: P.KU1990

ಉದಾಹರಣೆ 4
ಹೆಸರು: RIA
ಹುಟ್ಟಿದ ವರ್ಷ: 1990
ಸಂಕೇತಪದ: RIA1990

ಇ-ಆಧಾರ್ ಅನ್ನು ತೆರೆಯಲು ಯಾವ ಬೆಂಬಲಿತ ತಂತ್ರಾಂಶ ಅನ್ವಯದ ಅಗತ್ಯತೆಯಿರುತ್ತದೆ? Open or Close

ನಿವಾಸಿಯು ಇ-ಆಧಾರ್ ಅನ್ನು ವೀಕ್ಷಿಸುವ ಸಲುವಾಗಿ ’ಅಡೋಬ್ ರೀಡರ್’ನ ಅಗತ್ಯತೆಯಿರುತ್ತದೆ. ನಿಮ್ಮ ತಂತ್ರಾಂಶ ಅನ್ವಯದಲ್ಲಿ ಅಳವಡಿಸಲಾಗಿರುವ ’ಅಡೋಬ್ ರೀಡರ್’ನ್ನು ನೀವು ಹೊಂದಿರುವಿರಿ. ತಂತ್ರಾಂಶ ಅನ್ವಯದಲ್ಲಿ ಅಡೋಬ್ ರೀಡರನ್ನು ಅಳವಡಿಸುವ ಸಲುವಾಗಿ https://get.adobe.com/reader/ಗೆ ಭೇಟಿ ನೀಡಿರಿ.

ನಿವಾಸಿಯು ಇ-ಆಧಾರ್ ಅನ್ನು ಯಾವ ರೀತಿ ಡೌನ್ ಲೋಡ್ ಮಾಡಿಕೊಳ್ಳಬಹುದು? Open or Close

ನಿವಾಸಿಯು ಈ ಕೆಳಗಿನ ಮಾರ್ಗಗಳನ್ನು ಅನುಸರಿಸುವ ಮೂಲಕ ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳಬಹುದು.

ನೋಂದಣಿ ಸಂಖ್ಯೆಯನ್ನು ಬಳಸುವ ಮೂಲಕ: ನಿವಾಸಿಯು 28 ಅಂಕೆಗಳ ನೋಂದಣಿ ಸಂಖ್ಯೆಯನ್ನು ಸಂಪೂರ್ಣ ಹೆಸರು ಮತ್ತು ಪಿನ್ ಕೋಡಿನೊಂದಿಗೆ ಉಪಯೋಗಿಸುವ ಮೂಲಕ ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳಬಹುದು. ಈ ಡೌನ್ ಲೋಡ್ ಪ್ರಕ್ರಿಯೆಯಲ್ಲಿ, ಒಂದು ಸಲದ ಸಂಕೇತ ಪದವನ್ನು (ಒಟಿಪಿ) ನೋಂದಣಿ ಮಾಡಲಾಗಿರುವ ಮೊಬೈಲು ಸಂಖ್ಯೆಗೆ ಸ್ವೀಕರಿಸಲಾಗುವುದು. ನಿವಾಸಿಯು, ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳುವ ಸಲುವಾಗಿ ಒಂದು ಸಲದ ಸಂಕೇತಪದಕ್ಕೆ ಬದಲಾಗಿ ಟಿಒಟಿಪಿಯನ್ನೂ ಸಹ ಉಪಯೋಗಿಸಿಕೊಳ್ಳಬಹುದು. ಎಂ-ಮೊಬೈಲ್ ಅನ್ವಯವನ್ನು ಬಳಸುವ ಮೂಲಕ ಟಿಒಟಿಪಿಯನ್ನು ತಂತ್ರಾಂಶ ಅನ್ವಯದಿಂದ ಪಡೆದುಕೊಳ್ಳಬಹುದು.
ಆಧಾರ್ ಸಂಖ್ಯೆಯನ್ನು ಬಳಸುವ ಮೂಲಕ: ನಿವಾಸಿಯು 12 ಅಂಕಿಗಳ ಆಧಾರ್ ಸಂಖ್ಯೆಯನ್ನು ಸಂಪೂರ್ಣ ಹೆಸರು ಮತ್ತು ಪಿನ್ ಕೋಡ್ ನೊಂದಿಗೆ ಬಳಸಿಕೊಳ್ಳುವ ಮೂಲಕ ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳಬಹುದು. ಈ ಡೌನ್ ಲೋಡ್ ಪ್ರಕ್ರಿಯೆಯಲ್ಲಿ, ಒಂದು ಸಲದ ಸಂಕೇತ ಪದವನ್ನು (ಒಟಿಪಿ) ನೋಂದಣಿ ಮಾಡಲಾಗಿರುವ ಮೊಬೈಲು ಸಂಖ್ಯೆಗೆ ಸ್ವೀಕರಿಸಲಾಗುವುದು. ನಿವಾಸಿಯು, ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳುವ ಸಲುವಾಗಿ ಒಂದು ಸಲದ ಸಂಕೇತ ಪದಕ್ಕೆ ಬದಲಾಗಿ ಟಿಒಟಿಪಿಯನ್ನೂ ಸಹ ಉಪಯೋಗಿಸಿಕೊಳ್ಳಬಹುದು. ಎಂ-ಮೊಬೈಲ್ ಅನ್ವಯವನ್ನು ಬಳಸುವ ಮೂಲಕ ಟಿಒಟಿಪಿಯನ್ನು ತಂತ್ರಾಂಶ ಅನ್ವಯದಿಂದ ಪಡೆದುಕೊಳ್ಳಬಹುದು.

ನಿವಾಸಿಯು ಇ-ಆಧಾರ್ ಅನ್ನು ಎಲ್ಲಿಂದ ಡೌನ್ ಲೋಡ್ ಮಾಡಿಕೊಳ್ಳಬಹುದು? Open or Close

ನಿವಾಸಿಯು, ಭಾವಿಗುಪ್ರಾದ ಜಾಲತಾಣಗಳು - https://uidai.gov.in/ ಅಥವಾ https://eaadhaar.uidai.gov.inಗೆ ಭೇಟಿ ನೀಡುವ ಮೂಲಕ ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳಬಹುದು.

ಇ-ಆಧಾರ್, ಆಧಾರ್ ನ ಭೌತಿಕ ಪ್ರತಿಯಷ್ಟೇ ಸಮನಾಗಿ ಊರ್ಜಿತವಾಗಿರುತ್ತದೆಯೆ? Open or Close

As per Aadhaar Act, e-Aadhaar is equally valid like Physical Copy of Aadhaar for all purposes. For UIDAI circular on validity of e Aadhaar, please visit https://uidai.gov.in/images/uidai_om_on_e_aadhaar_validity.pdf

ಇ-ಆಧಾರ್ ಅಂದರೆ ಏನು? Open or Close

ಇ-ಆಧಾರ್, ಸಂಕೇತಪದದಿಂದ ಸಂರಕ್ಷಿಸಲ್ಪಟ್ಟಿರುವ ಆಧಾರ್ ನ ವಿದ್ಯುನ್ಮಾನ ಪ್ರತಿಯಾಗಿರುತ್ತದೆ, ಅದಕ್ಕೆ ಭಾವಿಗುಪ್ರಾದ ಸಕ್ಷಮ ಅಧಿಕಾರಿಯವರು ಅಂಕೀಯವಾಗಿ (ಡಿಜಿಟಲಿ) ಸಹಿ ಮಾಡಿರುತ್ತಾರೆ.

ಮಕ್ಕಳ ನೋಂದಣಿ

How will children be captured in the database? Open or Close

5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳಿಗೆ ಯಾವುದೇ ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಸೆರೆಹಿಡಿಯುವುದಿಲ್ಲ. ವಿಶಿಷ್ಟ ಗುರುತನ್ನು ಜನಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯ ಆಧಾರದ ಮೇರೆಗೆ ಸಂಸ್ಕರಿಸಲಾಗುವುದು ಮತ್ತು ಮುಖದ ಛಾಯಾಚಿತ್ರವನ್ನು ಮಕ್ಕಳ ತಾಯಿತಂದೆಯರ ವಿಶಿಷ್ಟ ಗುರುತಿನೊಂದಿಗೆ ಸಂಪರ್ಕಿಸಲಾಗುವುದು. ಈ ಮಕ್ಕಳು ತಮ್ಮ ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಅಂದರೆ 10 ಬೆರಳುಗಳು, ಕಣ್ಣಿನ ಪಾಪೆ ಮತ್ತು ಮುಖದ ಛಾಯಾಚಿತ್ರವನ್ನು ಅವರುಗಳು 5 ವರ್ಷಗಳ ವಯಸ್ಸನ್ನು ಪೂರ್ಣಗೊಳಿಸಿದಾಗ ಮತ್ತು 15 ವರ್ಷಗಳನ್ನು ಪೂರ್ಣಗೊಳಿಸಿದಾಗ ಇಂದಿನದಿನದನ್ನಾಗಿ ಮಾಡಿಕೊಳ್ಳುವ ಅಗತ್ಯತೆಯಿರುತ್ತದೆ. ಈ ನಿಟ್ಟಿನಲ್ಲಿ ಮೂಲ ಆಧಾರ್ ಪತ್ರದಲ್ಲಿ ಮಾಹಿತಿಯನ್ನು ತಿಳಿಸಲಾಗಿರುವುದು.

ಆಧಾರ್ ನೋಂದಣಿ ಪ್ರಕ್ರಿಯೆ

ನಾನು ಆಧಾರ್ ಗಾಗಿ ಅನೇಕ ಸಲ ನೋಂದಣಿ ಮಾಡಿಸಿರುವೆನು, ಆದರೆ ನನ್ನ ಆಧಾರ್ ಪತ್ರವನ್ನು ಸ್ವೀಕರಿಸಿರುವುದಿಲ್ಲ. ಈ ನಿಟ್ಟಿನಲ್ಲಿ ನಾನು ಏನು ಮಾಡಬೇಕು? Open or Close

ನಿಮ್ಮ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆದಿರುವ ಆದರೆ ಅಂಚೆಯ ಮೂಲಕ ಆಧಾರ್ ಪತ್ರವನ್ನು ನೀವು ಸ್ವೀಕರಿಸಿರದಿರುವ ಸಂಭವವಿರುತ್ತದೆ. ಆಧಾರ್ ನ ಸ್ಥಿತಿಗತಿಯನ್ನು ನೀವು “ಆಧಾರ್ ನ ಸ್ಥಿತಿಗತಿಯನ್ನು ಪರಿಶೀಲಿಸಿ” Check Aadhaar Status” ಮೇಲೆ ಕ್ಲಿಕ್ ಮಾಡುವ ಮೂಲಕ ಅಥವಾ https://resident.uidai.gov.in/check-aadhaarಗೆ ಭೇಟಿ ಕೊಡುವ ಮೂಲಕ ಅಥವಾ ಅತೀ ಸಮೀಪದ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ಕೊಡುವ ಮೂಲಕ ನಿಮ್ಮ ಆಧಾರ್ ಸ್ಥಿತಿಗತಿಯನ್ನು ಪರಿಶೀಲಿಸಿರಿ ಎಂಬುದಾಗಿ ನಾವು ಈ ಮೂಲಕ ಶಿಫಾರಸು ಮಾಡುತ್ತಿದ್ದೇವೆ.

ಓರ್ವ ನಿವಾಸಿಗೆ ವಿವಿಧ ವಿಳಾಸ ಸಾಕ್ಷಾಧಾರಗಳು ಲಭ್ಯವಿದ್ದಲ್ಲಿ (ಉದಾಹರಣೆಗೆ ಹಾಲಿ/ಪ್ರಸಕ್ತ ಮತ್ತು ಹುಟ್ಟಿದ ಊರು), ಯಾವ ಸಾಕ್ಷಾಧಾರವನ್ನು ಭಾವಿಗುಪ್ರಾವು ಒಪ್ಪಿಕೊಳ್ಳುತ್ತದೆ ಮತ್ತು ಅದು ಯಾವ ವಿಳಾಸಕ್ಕೆ ಆಧಾರ್ ಪತ್ರವನ್ನು ಕಳುಹಿಸುತ್ತದೆ? Open or Close

ಆಧಾರ್ ಪತ್ರವನ್ನು ಯಾವ ವಿಳಾಸಕ್ಕೆ ಕಳುಹಿಸಲು ಆತನು/ಆಕೆಯು ಇಚ್ಚಿಸುತ್ತಾರೆ ಎಂಬುದನ್ನು ಖಚಿತಪಡಿಸುವಂತೆ ಭಾವಿಗುಪ್ರಾವು ನಿವಾಸಿಯನ್ನು ಕೋರುವುದು. ನಿವಾಸಿಯ ಆಯ್ಕೆಯಂತೆ, ಭಾವಿಗುಪ್ರಾವು ಬೆಂಬಲಿತ ದಾಖಲೆಗಳ ಅನುಸಾರ ವಿವರಗಳನ್ನು ಸೆರೆಹಿಡಿಯುವುದು.

ವಿಳಾಸದ ಸಾಕ್ಷಾಧಾರದಲ್ಲಿ ಸೂಚಿಸಲಾಗಿರುವ ವಿಳಾಸವು ಅಂಚೆ ವಿತರಣೆಗೆ ಅಸಮರ್ಪಕವೆಂಬುದಾಗಿ ಕಂಡುಬಂದಲ್ಲಿ ಇರುವ ಆಯ್ಕೆ ಯಾವುದು? ನಿವಾಸಿಗಳಿಂದ ಹೆಚ್ಚುವರಿ ಮಾಹಿತಿಯನ್ನು ಒಪ್ಪಿಕೊಳ್ಳಬಹುದೆ? Open or Close

ಹೌದು, ಮನೆ ಸಂಖ್ಯೆ, ಮಾರ್ಗದ ಸಂಖ್ಯೆ ಬೀದಿಯ ಹೆಸರು, ಬೆರಳಚ್ಚಿನ ತಪ್ಪುಗಳನ್ನು ಸರಿಪಡಿಸುವುದು, ಅಪ್ರಧಾನ ಬದಲಾವಣೆಗಳು, ಪಿನ್ ಕೋಡಿಗೆ ತಿದ್ದುಪಡಿ, ಇತ್ಯಾದಿ ಅಪ್ರಧಾನ ಕ್ಷೇತ್ರಗಳನ್ನು ವಿಳಾಸದ ಸಾಕ್ಷಾಧಾರದಲ್ಲಿನ ವಿಳಾಸಕ್ಕೆ ಸೇರಿಸಲು, ಈ ಸೇರ್ಪಡೆಗಳು/ಮಾರ್ಪಾಡುಗಳು ವಿಳಾಸದ ಸಾಕ್ಷಾಧಾರದಲ್ಲಿ ನಮೂದಿಸಲಾಗಿರುವ ಮೂಲ ವಿಳಾಸವನ್ನು ಬದಲಾಯಿಸದವರೆಗೆ ನಿವಾಸಿಗೆ ಅನುವು ಮಾಡಿಕೊಡಬಹುದು. ಕೋರಲಾಗಿರುವ ಬದಲಾವಣೆಗಳು ಗಮನಾರ್ಹವಾಗಿದ್ದಲ್ಲಿ ಮತ್ತು ವಿಳಾಸದ ಸಾಕ್ಷಾಧಾರದಲ್ಲಿ ಪಟ್ಟಿ ಮಾಡಲಾಗಿರುವ ಮೂಲ ವಿಳಾಸವನ್ನು ಬದಲಾಯಿಸಿದಲ್ಲಿ, ನಿವಾಸಿಯು ಬದಲಿ ವಿಳಾಸದ ಸಾಕ್ಷಾಧಾರವನ್ನು ಒದಗಿಸುವ ಅಥವಾ ಪರಿಚಯಿಸುವವರ ಮೂಲಕ ನೋಂದಣಿ ಮಾಡಿಸುವ ಅಗತ್ಯತೆಯಿರುತ್ತದೆ.

ಕುಟುಂಬದ ನೋಂದಣಿಗಳಿಗಾಗಿ ಅನುಸರಿಸಬೇಕಾದ ಪ್ರಕ್ರಿಯೆಗಳನ್ನು ಭಾವಿಗುಪ್ರಾವು ವಿವರಿಸಿದೆಯೆ? Open or Close

ಹೌದು, ಕುಟುಂಬದ ಮುಖ್ಯಸ್ಥರು ತಪ್ಪದೇ ಗುರುತಿನ ಸಾಕ್ಷಾಧಾರ/ವಿಳಾಸದ ಸಾಕ್ಷಾಧಾರಗಳನ್ನು ಪರಿಶೀಲನೆಗಾಗಿ ತರತಕ್ಕದ್ದು ಮತ್ತು ಕುಟುಂಬದ ಅರ್ಹತೆಯ ದಾಖಲೆಯ ಆಧಾರದ ಮೇರೆಗೆ ಮಾತ್ರ ಅದರಲ್ಲಿ ದಾಖಲಿಸಲಾಗಿರುವ ಹೆಸರುಗಳು ಮತ್ತು ಇತರೆ ವಿವರಗಳನ್ನು ಆಧರಿಸಿ ನೋಂದಣಿಯನ್ನು ಮಾಡಬಹುದು. ಕುಟುಂಬದ ನೋಂದಣಿಗಾಗಿ, ಕುಟುಂಬದ ಸದಸ್ಯರು ಸಾದ್ಯವಾದಷ್ಟು ಮಟ್ಟಿಗೆ ಒಟ್ಟಾಗಿ ಬರುವುದು ಅಪೇಕ್ಷಣೀಯ. ಒಂದು ವೇಳೆ ಎಲ್ಲಾ ಸದಸ್ಯರು ಒಂದೇ ದಿನ ಒಟ್ಟಾಗಿ ಬರಲು ಸಾಧ್ಯವಾಗದಿದ್ದಲ್ಲಿ ಕುಟುಂಬದ ಮುಖ್ಯಸ್ಥರು ಕುಟುಂಬದ ಸದಸ್ಯರ ಪೈಕಿ ಆತನು/ಆಕೆಯು ಬಂದಾಗಲೆಲ್ಲಾ ಅವರ ಜೊತೆಗೆ ಬರತಕ್ಕದ್ದು.

ಅವರುಗಳು ಪ್ರತ್ಯೇಕ ಗುರುತಿನ ಸಾಕ್ಷಾಧಾರಗಳನ್ನು ಅಥವಾ ವಿಳಾಸದ ಸಾಕ್ಷಾಧಾರಗಳನ್ನು ಹೊಂದಿಲ್ಲವಾದಲ್ಲಿ ದಾಖಲೆಯಲ್ಲಿ ಪಟ್ಟಿ ಮಾಡಲಾಗಿರುವ ಕುಟುಂಬದ ಸದಸ್ಯರಿಗೆ ಪಡಿತರ ಚೀಟಿ, ರಾಉಖಾ ಅಧಿನಿಯಮದ ಕಾರ್ಡು, ಇತ್ಯಾದಿಗಳನ್ನು ಗುರುತು/ವಿಳಾಸದ ಒಂದು ಊರ Open or Close

ಹೌದು, ದಾಖಲೆಗಳಲ್ಲಿ ಕಂಡುಬರುವ ಛಾಯಾಚಿತ್ರದ ಕುಟುಂಬದ ಮುಖ್ಯಸ್ತರು ಹಾಜರಿದ್ದು ಮತ್ತು ಕುಟುಂಬದ ಸದಸ್ಯರ ಗುರುತು ಮತ್ತು ವಿಳಾಸವನ್ನು ಪರಿಶೀಲಿಸುವರೋ ಮತ್ತು ನೋಂದಣಿ ಅಧಿಕಾರಿಯವರು/ರಿಜಿಸ್ಟ್ರಾರ್ ರವರು ಅನುಮತಿ ನೀಡಿರುವ ಪರಿಚಯವನ್ನು ಮಾಡುವವರು ದಾಖಲೆಯ ಪ್ರತಿಯ ಮೇಲೆ ಸ್ವೀಕೃತಿಯ ಸಾಕ್ಷಾಧಾರ ಎಂಬುದಾಗಿ ಮೇಲು ಋಜು ಮಾಡುವರೋ ಅಲ್ಲಿಯವರೆಗೆ ಕುಟುಂಬ ಅರ್ಹತೆ ದಾಖಲೆಗಳನ್ನು ಗುರುತಿನ/ವಿಳಾಸದ ಸಾಕ್ಷಾಧಾರವನ್ನಾಗಿ ಒಪ್ಪಿಕೊಳ್ಳಲಾಗುವುದು.

ಆತನ/ಆಕೆಯ ನೋಂದಣಿಯು ತಿರಸ್ಕೃತಗೊಳ್ಳುವುದಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳುವಲ್ಲಿ ನಿವಾಸಿಯ ಜವಾಬ್ದಾರಿಗಳು ಯಾವುವು? Open or Close

ನಿವಾಸಿಯು ಆತನ/ಆಕೆಯ ವಿವರಗಳನ್ನು ಆಂಗ್ಲ ಭಾಷೆಯಲ್ಲಿ ಮಾತ್ರವಲ್ಲದೆಯೇ ಸ್ಥಳೀಯ ಭಾಷೆಯಲ್ಲಿ ಆತನ/ಆಕೆಯ ಎದುರು ಲಭ್ಯವಿರುವ ಗಣಕಯಂತ್ರ ಪರದೆಯ ಮೇಲೆ ಗಮನಿಸುವ ಮೂಲಕ ಸಮೀಕ್ಷಿಸತಕ್ಕದ್ದು. ಹೆಸರು, ಲಿಂಗ, ಹುಟ್ಟಿದ ದಿನಾಂಕ, ವಿಳಾಸ, ಇತ್ಯಾದಿಗಳು ಸರಿಯಾಗಿವೆ ಎಂಬುದನ್ನು ಖಚಿತಪಡಿಸಿಕೊಳ್ಳತಕ್ಕದ್ದು. ಮಿ. ಮಿಸೆಸ್/ಕರ್ನಲ್/ಡಾ. ಇತ್ಯಾದಿ ಪದವಿಸೂಚಕ/ಅಧಿಕಾರ ಸೂಚಕಗಳನ್ನು ಹೆಸರಿನ ಮುಂದೆ ಅಥವಾ ಹಿಂದೆ ಸೇರಿಸಲಾಗಿದೆ ಎಂಬುದನ್ನೂ ಸಹ ಖಚಿತಪಡಿಸಿಕೊಳ್ಳತಕ್ಕದ್ದು. ಉಪನಾಮದ ಮೊದಲ ಅಕ್ಷರಗಳನ್ನು ಮಾತ್ರ ನೀಡುವ ಬದಲು ಸಂಪೂರ್ಣ ಹೆಸರನ್ನು ನೀಡತಕ್ಕದ್ದು, ಉದಾಹರಣೆಗೆ ಬಿ.ಕೆ. ಶರ್ಮ ಎಂಬುದನ್ನು ಬ್ರಿಜ್ ಕುಮಾರ್ ಶರ್ಮ ಎಂಬುದಾಗಿ ಬರೆಯತಕ್ಕದ್ದು. ನಿರ್ವಾಹಕರು ಸೆರೆ ಹಿಡಿದ ಛಾಯಾಚಿತ್ರವು ಸರಿಯಾಗಿದೆ ಮತ್ತು ಗುರುತಿಸಬಹುದಾಗಿದೆ ಎಂಬುದನ್ನು ಸಮೀಕ್ಷಿಸತಕ್ಕದ್ದು.

ಆಧಾರ್ ನೋಂದಣಿಗಾಗಿ ಅಗತ್ಯವಿರುವ ದಾಖಲೆಗಳನ್ನು ನಾನು ಹೊಂದಿರುವುದಿಲ್ಲ, ಆದಾಗ್ಯೂ ನಾನು ನೋಂದಣಿ ಮಾಡಿಸಬಹುದೆ? Open or Close

ಹೌದು, ಒಂದು ಕುಟುಂಬದಲ್ಲಿ ಯಾರಾದರೂ ಅಗತ್ಯ ದಾಖಲೆಗಳನ್ನು ಹೊಂದಿಲ್ಲವಾದಲ್ಲಿ, ಹಾಗಿದ್ದೂ ನಿವಾಸಿಯು ಆತನ/ಆಕೆಯ ಹೆಸರು ಕುಟುಂಬದ ಅರ್ಹತೆಯ ದಾಖಲೆಯಲ್ಲಿ ಇದ್ದಲ್ಲಿ ನಿವಾಸಿಯು ನೋಂದಣಿ ಮಾಡಿಸಿಕೊಳ್ಳಬಹುದು. ಇಂತಹ ಪ್ರಕರಣದಲ್ಲಿ, ಅರ್ಹತೆಯ ದಾಖಲೆಯಲ್ಲಿನ ಕುಟುಂಬದ ಮುಖ್ಯಸ್ಥರು ಊರ್ಜಿತ ಗುರುತಿನ ಸಾಕ್ಷಾಧಾರ ಮತ್ತು ವಿಳಾಸದ ಸಾಕ್ಷಾಧಾರಗಳೊಂದಿಗೆ ಮೊದಲು ನೋಂದಣಿ ಮಾಡಿಸಿಕೊಳ್ಳತಕ್ಕದ್ದು ಮತ್ತು ತದನಂತರ ಕುಟುಂಬದ ಮುಖ್ಯಸ್ಥರ ಗುರುತಿನ ಸಾಕ್ಷಾಧಾರ ಮತ್ತು ವಿಳಾಸದ ಸಾಕ್ಷಾಧಾರಗಳ ಆಧಾರದ ಮೇರೆಗೆ ಕುಟುಂಬದ ಇತರೆ ಸದಸ್ಯರು ನೋಂದಣಿ ಮಾಡಿಸಿಕೊಳ್ಳತಕ್ಕದ್ದು. ಭಾವಿಗುಪ್ರಾವು ಸಂಬಂಧದ ಸಾಕ್ಷಾಧಾರವನ್ನಾಗಿ 8 ದಾಖಲೆ ಮಾದರಿಗಳನ್ನು ಒಪ್ಪಿಕೊಳ್ಳುತ್ತದೆ. ರಾಷ್ಟ್ರೀಯವಾಗಿ ಊರ್ಜಿತವಾಗಿರುವ ದಾಖಲೆಗಳ ಪಟ್ಟಿಗಾಗಿ ಇಲ್ಲಿ ಕ್ಲಿಕ್ ಮಾಡಿರಿ.

ನನ್ನ ಆಧಾರ್ ಅನ್ನು ತಿರಸ್ಕರಿಸಲಾಗಿದೆ ಎಂಬುದಾಗಿ ನನ್ನ ಮೊಬೈಲಿನಲ್ಲಿ ಎಸ್ಎಂಎಸ್ ಸಂದೇಶವನ್ನು ಸ್ವೀಕರಿಸಿರುವೆನು, ಈ ನಿಟ್ಟಿನಲ್ಲಿ ನಾನು ಏನು ಮಾಡಬೇಕು? Open or Close

ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರತೆಗೆಯುವುದು ವಿವಿಧ ಗುಣಮಟ್ಟದ ಪರೀಕ್ಷಣೆಗಳನ್ನು ಒಳಗೊಂಡಿರುತ್ತದೆ, ಆದ್ದರಿಂದ ಗುಣಮಟ್ಟ ಅಥವಾ ಇತರೆ ತಾಂತ್ರಿಕ ಕಾರಣಗಳಿಂದ ನಿಮ್ಮ ಆಧಾರ್ ತಿರಸ್ಕೃತಗೊಂಡಿರುವ ಸಂಭಾವ್ಯತೆಯಿರುತ್ತದೆ. ನಿಮ್ಮ ಆಧಾರ್ ತಿರಸ್ಕೃತಗೊಂಡಿದೆ ಎಂಬುದಾಗಿ ನೀವು ಎಸ್ಎಂಎಸ್ ಸಂದೇಶವನ್ನು ಸ್ವೀಕರಿಸಿದ್ದಲ್ಲಿ, ನೀವು ಪುನ: ನೋಂದಣಿಯನ್ನು ಮಾಡಿಸಬೇಕಾಗಿ ಈ ಮೂಲಕ ಶಿಫಾರಸು ಮಾಡಲಾಗುತ್ತಿದೆ.

ಆಧಾರ್ ಗಾಗಿ ನಾನು ಎಲ್ಲಿ ನೋಂದಣಿ ಮಾಡಿಸಿಕೊಳ್ಳಬಹುದು? Open or Close

ಆಧಾರ್ ನೋಂದಣಿಗಾಗಿ ನೋಂದಣಿ ಸಂಸ್ಥೆಯಿಂದ ಸ್ಥಾಪಿಸಲ್ಪಟ್ಟಿರುವ ಒಂದು ಆಧಾರ್ ನೋಂದಣಿ ಕೇಂದ್ರಕ್ಕೆ ನೀವು ಭೇಟಿ ಕೊಡುವ ಅಗತ್ಯತೆಯಿರುತ್ತದೆ. “ನೋಂದಣಿ ಕೇಂದ್ರವನ್ನು ಗುರುತಿಸಿ” “Locate Enrolment Center” ಅಥವಾhttps://appointments.uidai.gov.in/easearch.aspx ಇವುಗಳ ಮೇಲೆ ಕ್ಲಿಕ್ ಮಾಡುವ ಮೂಲಕ ನಿಮಗೆ ಅತೀ ಸಮೀಪದ ನೋಂದಣಿ ಕೇಂದ್ರವನ್ನು ಹುಡುಕಬಹುದು. ಅತೀ ಸಮೀಪದ ನೋಂದಣಿ ಕೇಂದ್ರವನ್ನು ಹುಡುಕುವ ಸಲುವಾಗಿ ನೀವು ರಾಜ್ಯ, ಜಿಲ್ಲೆ ಮತ್ತು ಸ್ಥಳ/ಬಡಾವಣೆಯನ್ನು ಊಡಿಕೆ ಮಾಡುವ ಅಗತ್ಯತೆಯಿರುತ್ತದೆ.

ಆಧಾರ್ ಗಾಗಿ ನೋಂದಣಿ ಮಾಡಿಸುವ ಸಲುವಾಗಿ ಅಗತ್ಯವಿರುವ ದಾಖಲೆಗಳು ಯಾವುವು? Open or Close

ಗುರುತಿನ ಸಾಕ್ಷಾಧಾರ, ವಿಳಾಸದ ದಾಖಲೆ ಮುಂತಾದ ಬೆಂಬಲಿತ ದಾಖಲೆಗಳ ಜೊತೆಯಲ್ಲಿ ನೋಂದಣಿ ಕೇಂದ್ರದಲ್ಲಿ ಲಭ್ಯವಿರುವ ಒಂದು ಅರ್ಜಿಯನ್ನು ನೀವು ಭರ್ತಿ ಮಾಡುವ ಅಗತ್ಯತೆಯಿರುತ್ತದೆ. ಭಾವಿಗುಪ್ರಾವು ಬೆಂಬಲಿತ ದಾಖಲೆಗಳ ರಾಷ್ಟ್ರೀಯವಾಗಿ ಊರ್ಜಿತಗೊಂಡಿರುವ ಪಟ್ಟಿಗಾಗಿ 18 ಗುರುತಿನ ಸಾಕ್ಷಾಧಾರಗಳನ್ನು ಮತ್ತು 35 ವಿಳಾಸದ ಸಾಕ್ಷಾಧಾರಗಳನ್ನು ಒಪ್ಪಿಕೊಳ್ಳುತ್ತದೆ. .

ಆನ್ ಲೈನ್ ಡೌನ್ ಲೋಡ್ ಮಾಡಲಾದ ಆಧಾರ್ ಪತ್ರವು ಮೂಲ ಆಧಾರ್ ಪತ್ರಕ್ಕೆ ಸಮನಾಗಿ ಊರ್ಜಿತತೆಯನ್ನು ಹೊಂದಿರುತ್ತದೆಯೇ? Open or Close

ಹೌದು ಆನ್ ಲೈನ್ ಡೌನ್ ಲೋಡ್ ಮಾಡಲಾದ ಆಧಾರ್ ಪತ್ರವು ಮೂಲ ಆಧಾರ್ ಪತ್ರಕ್ಕೆ ಸಮನಾಗಿ ಊರ್ಜಿತತೆಯನ್ನು ಹೊಂದಿರುತ್ತದೆ.

ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರತೆಗೆದನಂತರ ನಾನು ಆಧಾರ್ ಪತ್ರವನ್ನು ಆನ್-ಲೈನ್ ಮೂಲಕ ಡೌನ್ ಲೋಡ್ ಮಾಡಿಕೊಳ್ಳಬಹುದೆ? Open or Close

ಹೌದು, ನಿಮ್ಮ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆದನಂತರ, ಯಾವಾಗ ಬೇಕಾದರೂ “ಡೌನ್ ಲೋಡ್ ಆಧಾರ್” “Download Aadhaar” ಮೇಲೆ ಕ್ಲಿಕ್ ಮಾಡುವ ಮೂಲಕ ಇ-ಆಧಾರ್ ಅನ್ನು ಡೌನ್ ಲೋಡ್ ಮಾಡಿಕೊಳ್ಳಬಹುದು.

ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರತೆಗೆಯಲಾಗಿದೆ ಎಂಬುದು ನನಗೆ ಹೇಗೆ ತಿಳಿಯುತ್ತದೆ? Open or Close

ತಂತ್ರಾಂಶ ಅನ್ವಯದಿಂದ ಆಧಾರ್ ಅನ್ನು ಹೊರ ತೆಗೆದ ಕೂಡಲೇ, ನೋಂದಾಯಿತ ಮೊಬೈಲು ಸಂಖ್ಯೆಯಲ್ಲಿ ನೀವು ಎಸ್ಎಂಎಸ್ ಸಂದೇಶವನ್ನು ಸ್ವೀಕರಿಸುವಿರಿ. ಆಧಾರ್ ನ ಸ್ಥಿತಿಗತಿಯನ್ನು ನೀವು “ಆಧಾರ್ ನ ಸ್ಥಿತಿಗತಿಯನ್ನು ಪರಿಶೀಲಿಸಿ” “Check Aadhaar Status” ಮೇಲೆ ಕ್ಲಿಕ್ ಮಾಡಿರಿ ಅಥವಾ https://resident.uidai.gov.in/check-aadhaar.ಗೆ ಭೇಟಿ ಕೊಡಿರಿ

ನನ್ನ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆಯಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ? Open or Close

ನೋಂದಣಿಯ ದಿನಾಂಕದಿಂದ ಪ್ರಾರಂಭಗೊಂಡು ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆಯಲು 90 ದಿನಗಳವರೆಗೂ ತೆಗೆದುಕೊಳ್ಳುತ್ತದೆ.

ಆಧಾರ್ ನೋಂದಣಿಗಾಗಿ ವಯಸ್ಸಿನ ಇತಿಮಿತಿಗಳಿವೆಯೆ? Open or Close

ಇಲ್ಲ, ಆಧಾರ್ ನೋಂದಣಿಗಾಗಿ ಯಾವುದೇ ವಯಸ್ಸಿನ ಇತಿಮಿತಿಗಳನ್ನು ವಿವರಿಸಲಾಗಿಲ್ಲ. ಇದೀಗ ತಾನೇ ಹುಟ್ಟಿದ ಶಿಶುವಿಗೆ/ಮಗುವಿಗೆ ಕೂಡ ಆಧಾರ್ ಗಾಗಿ ನೋಂದಣಿಯನ್ನು ಮಾಡಿಸಬಹುದು.

ಆಧಾರ್ ನೋಂದಣಿಗಾಗಿ ಮೊಬೈಲು ಸಂಖ್ಯೆ ಅಥವಾ ಇ-ಮೈಲ್ ವಿಳಾಸವನ್ನು ನೀಡುವುದು ಕಡ್ಡಾಯವೆ? Open or Close

ಇಲ್ಲ. ಆಧಾರ್ ನೋಂದಣಿಗಾಗಿ ಮೊಬೈಲು ಸಂಖ್ಯೆ ಅಥವಾ ಇ-ಮೈಲ್ ವಿಳಾಸವನ್ನು ನೀಡುವುದು ಕಡ್ಡಾಯವಲ್ಲ. ಆದರೆ, ನಿಮ್ಮ ಆಧಾರ್ ಗಾಗಿನ ಅರ್ಜಿಯ ಸ್ಥಿತಿಗತಿಯ ಬಗ್ಗೆ ಇತ್ತೀಚಿನ ಮಾಹಿತಿಯನ್ನು ನೀವು ಪಡೆಯುವ ರೀತಿಯಲ್ಲಿ ಮೊಬೈಲು ಸಂಖ್ಯೆ ಮತ್ತು ಇ-ಮೈಲ್ ವಿಳಾಸವನ್ನು ಒದಗಿಸುವಂತೆ ನಾವು ಯಾವಾಗಲೂ ಶಿಫಾರಸು ಮಾಡುತ್ತೇವೆ.

ನನ್ನ ಯಾವುದಾದರೂ ಬೆರಳುಗಳು ಅಥವಾ ಕಣ್ಣಿನ ಪಾಪೆಗಳು ಇಲ್ಲವಾದಲ್ಲಿ ನಾನು ಆಧಾರ್ ಗಾಗಿ ನೋಂದಣಿ ಮಾಡಿಸಿಕೊಳ್ಳಬಹುದೆ? Open or Close

ಹೌದು, ನಿಮ್ಮ ಯಾವುದಾದರೂ ಅಥವಾ ಎಲ್ಲಾ ಬೆರಳುಗಳೂ/ಕಣ್ಣಿನ ಪಾಪೆಗಳು ಇಲ್ಲವಾದಲ್ಲಿಯೂ ಕೂಡ ಆಧಾರ್ ಗಾಗಿ ನೀವು ನೋಂದಣಿ ಮಾಡಿಸಿಕೊಳ್ಳಬಹುದು. ಅಂತಹ ವಿನಾಯಿತಿಗಳ ನಿರ್ವಹಣೆಗಾಗಿ ಆಧಾರ್ ತಂತ್ರಾಂಶ ಅನ್ವಯವು ಅನುವುಗಳನ್ನು ಹೊಂದಿದೆ.

96 ಗಂಟೆಗಳ ನಂತರ ನಾನು ವಿವರಗಳನ್ನು ಯಾವ ರೀತಿ ಸರಿಪಡಿಸಿಕೊಳ್ಳಬಹುದು? Open or Close

ನೀವು 96 ಗಂಟೆಗಳ ಅವಧಿಯ ಒಳಗೆ ನಿಮ್ಮ ವಿವರಗಳನ್ನು ಸರಿಪಡಿಸಿಕೊಳ್ಳಲು ಸಾಧ್ಯವಾಗದಿದ್ದಲ್ಲಿ, ನಿಮ್ಮ ಆಧಾರ್ ಅನ್ನು ತಂತ್ರಾಂಶ ಅನ್ವಯದಿಂದ ಹೊರತೆಗೆದ ನಂತರ ನಿಮ್ಮ ವಿವರಗಳನ್ನು ಇಂದಿನದಿನದನ್ನಾಗಿ ಮಾಡಿಸಿಕೊಳ್ಳಬಹುದು.

ಸ್ವೀಕೃತಿ ಪತ್ರ/ನೋಂದಣಿ ಚೀಟಿಯಲ್ಲಿ ನಮೂದಿಸಲಾಗಿರುವ ಜನಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ವಿವರಗಳು ಸಂಬಂಧಿತ ದಾಖಲೆಗಳ ಜೊತೆ ತಾಳೆ ಹೊಂದದಿದ್ದಲ್ಲಿ ಏನು ಮಾಡಬಹುದು? Open or Close

ನೀವು ನಿಮ್ಮ ವಿವರಗಳನ್ನು ನೋಂದಣಿ ಮಾಡಿಸಿದ ದಿನಾಂಕದಿಂದ 96 ಗಂಟೆಗಳ ಒಳಗೆ ಸರಿಪಡಿಸಿಕೊಳ್ಳಬಹುದು. 96 ಗಂಟೆಗಳ ಗವಾಕ್ಷಿಯು/ಅವಧಿಯು ನಿಮ್ಮ ನೋಂದಣಿ ಚೀಟಿ/ಸ್ವೀಕೃತಿ ಚೀಟಿಯಲ್ಲಿ ನಮೂದಿಸಲಾಗಿರುವ ಸಮಯದ ಮುದ್ರೆಯಿಂದ ಪ್ರಾರಂಭಗೊಳ್ಳುತ್ತದೆ.

ಅಗತ್ಯ ದಾಖಲೆಗಳನ್ನು ಅಂಚೆಯ ಮೂಲಕ ಕಳುಹಿಸುವುದರ ಮೂಲಕ ನಾನು ನನ್ನ ಆಧಾರ್ ಗಾಗಿ ನೋಂದಣಿ ಮಾಡಿಸಿಕೊಳ್ಳಬಹುದೆ? Open or Close

ಇಲ್ಲ, ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಸಂಗ್ರಹಿಸಲಾಗುವುದರಿಂದ, ನೀವು ವೈಯಕ್ತಿಕವಾಗಿ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ಕೊಡುವ ಅಗತ್ಯತೆಯಿರುತ್ತದೆ.

ಆಧಾರ್ ಗಾಗಿ ನೋಂದಣಿ ಮಾಡಿಸಿಕೊಳ್ಳಲು ಯಾವುದಾದರೂ ಆನ್ ಲೈನ್ ಪದ್ಧತಿಗಳಿವೆಯೇ? Open or Close

ಇಲ್ಲ, ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಯನ್ನು ಸಂಗ್ರಹಿಸಲಾಗುವುದರಿಂದ, ಸ್ವತ: ನೀವೇ ನೋಂದಣಿ ಮಾಡಿಸಿಕೊಳ್ಳುವ ಸಲುವಾಗಿ ನೀವು ವೈಯಕ್ತಿಕವಾಗಿ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ನೀಡತಕ್ಕದ್ದು .

ಆಧಾರ್ ನೋಂದಣಿಯ ಸಮಯದಲ್ಲಿ ಯಾವ ರೀತಿಯ ಮಾಹಿತಿಯನ್ನು ಸೆರೆಹಿಡಿಯಲಾಗುತ್ತದೆ? Open or Close

ಆಧಾರ್ ನೋಂದಣಿಗಾಗಿ ಎರಡು ಮಾದರಿಯ ಮಾಹಿತಿಗಳನ್ನು ಸೆರೆಹಿಡಿಯಲಾಗುವುದು, ಅವೆಂದರೆ ಜನಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಗಳು (ಹೆಸರು, ಲಿಂಗ, ಹುಟ್ಟಿದ ದಿನಾಂಕ, ಮೊಬೈಲು ಸಂಖ್ಯೆ ಮತ್ತು ಇ-ಮೈಲು ವಿಳಾಸ) ಮತ್ತು ಜೀವಸಂಖ್ಯಾಶಾಸ್ತ್ರಕ್ಕೆ ಸಂಬಂಧಿತ ಮಾಹಿತಿಗಳು (10 ಬೆರಳು ಮುದ್ರಿಕೆಗಳು, ಎರಡೂ ಕಣ್ಣು ಪಾವೆಗಳು ಮತ್ತು ಛಾಯಾಚಿತ್ರ) . ಮೊಬೈಲು ಸಂಖ್ಯೆ ಇ-ಮೈಲು ವಿಳಾಸವು ಐಚ್ಛಿಕವಾಗಿರುತ್ತವೆ.

ಆಧಾರ್ ನೋಂದಣಿಗಾಗಿ ನಾನು ಯಾವುದಾದರೂ ಮೊತ್ತದ ಶುಲ್ಕವನ್ನು ಪಾವತಿಸಬೇಕೆ? Open or Close

ಇಲ್ಲ, ಆಧಾರ್ ನೋಂದಣಿಯು ಒಟ್ಟಾರೆಯಾಗಿ ಶುಲ್ಕ ಮುಕ್ತವಾಗಿರುತ್ತದೆ, ಆದ್ದರಿಂದ ನೀವು ನೋಂದಣಿ ಕೇಂದ್ರದಲ್ಲಿ ಯಾವುದೇ ಮೊತ್ತದ ಶುಲ್ಕವನ್ನು ಪಾವತಿಸಬೇಕಾಗಿರುವುದಿಲ್ಲ.

ಆಧಾರ್ ನೋಂದಣಿಗಾಗಿ ನಾನು ಮೂಲ ದಾಖಲೆಗಳನ್ನು ತರುವ ಅಗತ್ಯತೆಯಿರುತ್ತದೆಯೇ? Open or Close

ಹೌದು, ಆಧಾರ್ ನೋಂದಣಿಗಾಗಿ ಬೆಂಬಲಿತ ದಾಖಲೆಗಳ ಮೂಲ ಪ್ರತಿಗಳನ್ನು ತರುವ ಅಗತ್ಯತೆಯಿರುತ್ತದೆ. ಈ ಮೂಲ ಪ್ರತಿಗಳನ್ನು ಸ್ಕ್ಯಾನು ಮಾಡಲಾಗುವುದು ಮತ್ತು ನೋಂದಣಿಯ ನಂತರ ಹಿಂತಿರುಗಿಸಲಾಗುವುದು.

ನಾನು ನನ್ನ ನೋಂದಣಿ ವಿಶಿಷ್ಟ ಗುರುತು ಚೀಟಿ/ಆಧಾರ್ ಪತ್ರವನ್ನು ಕಳೆದುಕೊಂಡಿರುವೆನು, ಅದನ್ನು ಪತ್ತೆಹಚ್ಚಲು ಯಾವುದಾದರೂ ಮಾರ್ಗೋಪಾಯಗಳಿವೆಯೇ? Open or Close

ಹೌದು, ನಿಮ್ಮ ಮೊಬೈಲು ಸಂಖ್ಯೆಯನ್ನು ಆಧಾರ್ ನಲ್ಲಿ ನೋಂದಣಿ ಮಾಡಿಸಿದ್ದಲ್ಲಿ, uidai.gov.in website ಅಥವಾ https://resident.uidai.gov.in/lost-uideid. ಜಾಲತಾಣದಲ್ಲಿ ““Retrieve Lost UID/EID” ಮೇಲೆ ಕ್ಲಿಕ್ ಮಾಡುವ ಮೂಲಕ ನಿಮ್ಮ ನೋಂದಣಿ ಸಂಖ್ಯೆಯನ್ನು ಕಂಡುಕೊಳ್ಳಬಹುದು. ನೀವು ಪುನರ್-ಪಡೆದುಕೊಳ್ಳಬಯಸಿರುವ ನೋಂದಣಿ ಗುರುತಿನ ಸಂಖ್ಯೆ (ಇಐಡಿ)/ವಿಶಿಷ್ಟ ಗುರುತಿನ ಸಂಖ್ಯೆ (ಯುಐಡಿ)ಯನ್ನು ಆಯ್ಕೆ ಮಾಡಿಕೊಳ್ಳಿರಿ ಮತ್ತು ಆನಂತರ ನಿಮ್ಮ ಹೆಸರು ಮತ್ತು ಮೊಬೈಲು ಸಂಖ್ಯೆಯನ್ನು (ಆಧಾರ್ ನೋಂದಣಿಯ ಸಮಯದಲ್ಲಿ ನೋಂದಣಿ ಮಾಡಿಸಲಾಗಿರುವ ಸಂಖ್ಯೆ) ಊಡಿಕೆ ಮಾಡಿರಿ. ನೀವು ನಿಮ್ಮ ನೋಂದಣಿ ಗುರುತಿನ ಸಂಖ್ಯೆ (ಇಐಡಿ)/ವಿಶಿಷ್ಟ ಗುರುತಿನ ಸಂಖ್ಯೆ (ಯುಐಡಿ)ಯನ್ನು ನಿಮ್ಮ ಇಮೈಲು/ಮೊಬೈಲು ಸಂಖ್ಯೆಯಲ್ಲಿ ಸ್ವೀಕರಿಸುವಿರಿ. ಆಧಾರ್ ನಲ್ಲಿ ನಿಮ್ಮ ಮೊಬೈಲು ಸಂಖ್ಯೆಯನ್ನು ನೋಂದಣಿ ಮಾಡಿಸಿಲ್ಲವಾದಲ್ಲಿ, ನೀವು ನಿಮ್ಮ ಅತೀ ಸಮೀಪದ ಶಾಶ್ವತ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ಕೊಡಬೇಕಾಗುತ್ತದೆ.

View All

ಸಂಬಂಧಿತ ಪುಟಗಳು

ನೋಂದಣಿ ಕೇಂದ್ರವನ್ನು ಗುರುತಿಸಿ
ಆಧಾರ್ ಸ್ಥಿತಿ ಪರಿಶೀಲಿಸಿ
ಆಧಾರ್ ಡೌನ್ಲೋಡ್
Order Aadhaar PVC Card
Check Aadhaar PVC Card Status

ಆಧಾರ್ ನೋಂದಣಿ

ನೋಂದಣಿ ಕೇಂದ್ರವನ್ನು ಗುರುತಿಸಿ

ಆಧಾರ್ ಸ್ಥಿತಿ ಪರಿಶೀಲಿಸಿ

ಆಧಾರ್ ಡೌನ್ಲೋಡ್

Order Aadhaar PVC Card

Order Aadhaar PVC Card

ಉಲ್ಲೇಖಗಳು

ನಮ್ಮನ್ನು ಸಂಪರ್ಕಿಸಿ

ನಮ್ಮನ್ನು ಅನುಸರಿಸಿ

ಯುಐಡಿಎಐ ಪ್ರಧಾನ ಕಛೇರಿ ವಿಳಾಸ

Regional Offices

Government of India