ഭാരതീയ സവിശേഷ തിരിച്ചറിയൽ അതോറിറ്റി (യുഐഡിഎഐ) നിവാസികളുടെ സൗകര്യാർത്ഥം കാലാകാലങ്ങളിൽ വിവിധ തരത്തിലുള്ള ആധാർ അവതരിപ്പിച്ചിട്ടുണ്ട്:
ആധാർ കത്ത്: വിതരണ തീയതിയും അച്ചടിച്ച തീയതിയും ഉള്ള സുരക്ഷിതമായ ക്യുആർ കോടോടുകൂടിയ പേപ്പർ അടിസ്ഥാനമാക്കിയുള്ള ലാമിനേറ്റഡ് കത്താണിത്. പുതിയ എൻറോൾമെന്റ് അല്ലെങ്കിൽ നിർബന്ധിത ബയോമെട്രിക്, ജനസംഖ്യാപരമായ (മൊബൈലും ഇമെയിലും ഒഴികെ) പുതുക്കൽചെയ്താൽ ആധാർ കത്ത് സാധാരണ തപാൽ വഴി താമസക്കാർക്ക് അയയ്ക്കുന്നതാണ്. ആധാർ കത്ത് നഷ്ടപ്പെടുകയോ നശിപ്പിക്കപ്പെടുകയോ ചെയ്താൽ, നിവാസികൾക്ക് ആധാർ പിവിസി കാർഡ് ഓൺലൈൻ മുഖേന 50/- നിരക്കിൽ യുഐഡിഎഐയുടെ ഔദ്യോഗിക വെബ്സൈറ്റിൽ നിന്ന് ഓർഡർ ചെയ്യാൻ കഴിയും. ഇത് ആധാർ വിവര ശേഖരണത്തിൽ രജിസ്റ്റർ ചെയ്തിട്ടുള്ള വിലാസത്തിൽ ഇന്ത്യാ പോസ്റ്റിന്റെ സ്പീഡ് പോസ്റ്റ് സേവനം വഴി നിവാസിയുടെപക്കൽ എത്തിക്കുന്നു.
ഇ-ആധാർ: യുഐഡിഎഐ ഡിജിറ്റലായി ഒപ്പിട്ട ആധാറിന്റെ ഇലക്ട്രോണിക് രൂപമാണ് ഇ-ആധാർ, വിതരണ തീയതിയും ഡൗൺലോഡ് തീയതിയും സുരക്ഷിതമായ ക്യുആർ കോഡ് ഉള്ളതും പാസ്വേഡ് മുഖേന പരിരക്ഷിതവുമാണ് ഇ-ആധാർ. കൂടാതെ ഇത് ഓഫ്‌ലൈൻ പരിശോധനയ്ക്കും ഉപയോഗിക്കാവുന്നതാണ്. രജിസ്റ്റർ ചെയ്ത മൊബൈൽ നമ്പർ ഉപയോഗിച്ച് യുഐഡിഎഐയുടെ ഔദ്യോഗിക വെബ്സൈറ്റിൽ നിന്ന് നിവാസിക്ക് ഇ-ആധാർ/മാസ്ക് ചെയ്ത ഇ-ആധാർ എളുപ്പത്തിൽ ഡൗൺലോഡ് ചെയ്യാൻ കഴിയും. മാസ്ക്ഡ് ഇ- ആധാറിൽ ആധാർ നമ്പറിന്റെ അവസാന 4 അക്കങ്ങൾ മാത്രമേ പ്രദർശിപ്പിക്കുന്നുള്ളൂ. ഓരോ ആധാർ എൻറോൾമെന്റിലോ അല്ലെങ്കിൽ അപ്ഡേറ്റിലോ ഇ-ആധാർ തന്നത്താനെ സൃഷ്ടിക്കപ്പെടുന്നു. നിവാസികൾക്ക് ഇ-ആധാർ സൗജന്യമായി ഡൗൺലോഡ് ചെയ്യാവുന്നതാണ്.
എം-ആധാർ:മൊബൈൽ ഉപകരണത്തിൽ ഇൻസ്റ്റാൾ ചെയ്യാൻ കഴിയുന്ന യുഐഡിഎഐ വികസിപ്പിച്ചെടുത്ത ഔദ്യോഗിക മൊബൈൽ ആപ്ലിക്കേഷനാണ് എംആധാർ. നിവാസിക്ക് മൊബൈൽ ഉപകരണത്തിൽ ഡൗൺലോഡ് ചെയ്യുന്നതിനായി എംആധാർ ആപ്പ് ഗൂഗിൾ പ്ലേസ്റ്റോർ/ഐഒഎസ് എന്നിവയിൽ ലഭ്യമാണ്. ആധാർ നമ്പർ ഉടമകൾക്ക് ജനസംഖ്യാപരമായ വിവരങ്ങൾ ഫോട്ടോ ആധാർ നമ്പർ ഉൾപ്പെടെ രജിസ്റ്റർ ചെയ്തിട്ടുള്ള അവരുടെ ആധാർ വിശദാംശങ്ങള്‍ കാണുന്നതിന്ന് ഇത് ഒരു ഇന്റർഫേസ് നൽകുന്നു. ഓഫ്‌ലൈൻ പരിശോധനയ്ക്കായി ആധാർ കൃതൃമത്വരഹിതമായ ക്യുആർ കോഡും ഇതിൽ ഉണ്ട്. ഇ-ആധാർ പോലെ, ഓരോ ആധാർ എൻറോൾമെന്റിലോ അപ്ഡേറ്റിലോ എം-ആധാറും തന്നത്താനെ സൃഷ്ടിക്കപ്പെടുകയും അത് സൗജന്യമായി ഡൗൺലോഡ് ചെയ്യാനും കഴിയും.
ആധാർ പിവിസി കാർഡ്:യുഐഡിഎഐ അവതരിപ്പിച്ച ആധാറിന്റെ ഏറ്റവും പുതിയ രൂപമാണ് ആധാർ പിവിസി കാർഡ്. കൊണ്ടുപോകാൻ എളുപ്പവും സുസ്ഥിരവുമാണെന്നതിന് പുറമെ, പിവിസി അടിസ്ഥാനമാക്കിയുള്ള ആധാർ കാർഡിൽ ഒന്നിലധികം സുരക്ഷാ സവിശേഷതകളുള്ള ഫോട്ടോയും ജനസംഖ്യാപരമായ വിശദാംശങ്ങളുമുള്ള ഡിജിറ്റലായി ഒപ്പിട്ട ആധാർ കൃതൃമത്വരഹിതമായ ക്യുആർ കോഡും ഇതിൽ ഉണ്ട്. uidai.gov.in or https://myaadhaar.uidai.gov.in/genricPVC എന്നീ ലിങ്കുകൾ ഉപയോഗിച്ച് ഇത് ഓൺലൈനായി ഓർഡർ ചെയ്യാവുന്നതാണ്. ആധാർ നമ്പർ അല്ലെങ്കിൽ വെർച്വൽ ഐഡി അല്ലെങ്കിൽ എൻറോൾമെന്റ് ഐഡി ഇവ ഉപയോഗിച്ചുകൊണ്ട് നിശ്ചിത തുകയായ 50/- രൂപ അടച്ചുകൊണ്ടു പിവിസി കാർഡ് ഓർഡർ ചെയ്യാവുന്നതാണ് ആധാർ പിവിസി കാർഡ് ആധാർ വിവരശേഖരണത്തിൽ രജിസ്റ്റർ ചെയ്ത വിലാസത്തിൽ ഇന്ത്യ പോസ്റ്റിലെ സ്പീഡ് പോസ്റ്റ് സേവനം വഴി നിവാസിക്ക് എത്തിക്കുന്നു.
