ബയോമെട്രിക് ലോക്ക്/അൺലോക്ക്

മൊബൈൽ നമ്പർ രജിസ്റ്റർ ചെയ്തിട്ടുള്ള ആധാർ നമ്പർ ഉടമകൾക്ക് അവരുടെ ബയോമെട്രിക്സ് ലോക്ക് ചെയ്യാം. താമസക്കാരുടെ ബയോമെട്രിക്സ് ഡാറ്റയുടെ സ്വകാര്യതയും രഹസ്യാത്മകതയും ശക്തിപ്പെടുത്തുകയാണ് ഈ സൗകര്യം ലക്ഷ്യമിടുന്നത്.
ബയോമെട്രിക്സ് ലോക്ക് ചെയ്തതിനുശേഷം, ബയോമെട്രിക് രീതികൾ (ഫിംഗർപ്രിന്റ്/ഐറിസ്/ഫെയ്സ്) ഉപയോഗിച്ച് ഏതെങ്കിലും പ്രാമാണീകരണ സേവനങ്ങൾ അഭ്യർത്ഥിക്കാൻ ശ്രമിച്ചാൽ, ബയോമെട്രിക്സ് ലോക്ക് ചെയ്തിട്ടുണ്ടെന്ന് സൂചിപ്പിക്കുന്ന ഒരു നിർദ്ദിഷ്ട പിശക് കോഡ് '330' പ്രദർശിപ്പിക്കും, കൂടാതെ നിവാസിക്ക് ബയോമെട്രിക് പ്രാമാണീകരണം നടത്താൻ സാധിക്കുകയുമില്ല.

ബയോമെട്രിക് ലോക്കിംഗ് സംവിധാനം പ്രവർത്തനക്ഷമമാക്കിക്കഴിഞ്ഞാൽ ആധാർ ഉടമ ചുവടെ സൂചിപ്പിച്ച ഏതെങ്കിലും മാർഗം തിരഞ്ഞെടുക്കുന്നതുവരെ അവരുടെ ബയോമെട്രിക് അടഞ്ഞുകിടക്കുന്നതായിരിക്കും

• ഇത് അൺലോക്ക് ചെയ്യുക (ഇത് താൽക്കാലികമാണ്) അല്ലെങ്കിൽ ലോക്കിംഗ് സിസ്റ്റം പ്രവർത്തനരഹിതമാക്കുക
• യുഐഡിഎഐ വെബ്സൈറ്റ്, എൻറോൾമെന്റ് കേന്ദ്രം, ആധാർ സേവാ കേന്ദ്രം (എ. എസ്. കെ), എം-ആധാർ എന്നിവ ഉപയോഗിച്ചുകൊണ്ട് ഒരു വ്യക്തിക്ക് തന്റെ ആധാർ ബയോമെട്രിക് അൺലോക്ക് ചെയാവുന്നതാണ്

ആധാർ ഉടമയ്ക്ക് പ്രാമാണികരണത്തിനായി ബയോമെട്രിക്സ് (വിരലടയാളങ്ങൾ/ഐറിസ്/ ചിത്രം) ഉപയോഗിക്കാൻ കഴിയില്ലെന്ന് ലോക്ക് ചെയ്ത ബയോമെട്രിക്സ് സ്ഥിരീകരിക്കുന്നു, ഇത് ഏതെങ്കിലും തരത്തിലുള്ള ബയോമെട്രിക് പ്രാമാണികരണം തടയുന്നതിനുള്ള ഒരു സുരക്ഷാ സവിശേഷതയാണ്. ഏതൊരു സ്ഥാപനത്തിനും ആ ആധാർ ഉടമയുടെ ബയോമെട്രിക് അടിസ്ഥാനമാക്കിയുള്ള ആധാർ പ്രാമാണികരണം നടത്താൻ കഴിയില്ലെന്ന് ഇത് ഉറപ്പാക്കുന്നു.

 വിരലടയാളം, ഐറിസ്, ചിത്രം എന്നിവ ബയോമെട്രിക് മോഡലിറ്റിയായി ലോക്ക് ചെയുവാൻസാധിക്കും, പക്ഷെ ബയോമെട്രിക് ലോക്കിംഗിന് ശേഷം ആധാർ ഉടമയ്ക്ക് മുകളിൽ സൂചിപ്പിച്ച ബയോമെട്രിക് രീതികൾ ഉപയോഗിച്ച് ആധാർ പ്രാമാണികരണം നടത്താൻ കഴിയില്ല.

ഒരു ആധാർ ഉടമ തന്റെ ബയോമെട്രിക്സ് താൽക്കാലികമായി ലോക്ക് ചെയ്യാനും അൺലോക്ക് ചെയ്യാനും അനുവദിക്കുന്ന ഒരു സേവനമാണ് ബയോമെട്രിക് ലോക്കിംഗ്/അൺലോക്കിംഗ്. നിവാസികളുടെ ബയോമെട്രിക്സ് രേഖയുടെ സ്വകാര്യതയും സുരക്ഷിതത്വവും ശക്തിപ്പെടുത്തുകയാണ് ഈ സൗകര്യം   ലക്ഷ്യമിടുന്നത്.