ഇ-ആധാർ, ആധാർ കത്ത്, ആധാർ പിവിസി കാർഡ്, എം-ആധാർ തുടങ്ങിയ എല്ലാ തരത്തിലുള്ള ആധാറുകളിലും യുഐഡിഎഐ കൃതൃമത്വരഹിതമായ ക്യുആർ കോഡ് ഉണ്ട്. ആധാർ നമ്പറിന്റെ അവസാന 4 അക്കങ്ങൾ, പേര്, വിലാസം, ലിംഗഭേദം, ജനനത്തീയതി, ആധാർ നമ്പർ ഉടമയുടെ ഫോട്ടോ തുടങ്ങിയ, ഡിജിറ്റലായി ഒപ്പിട്ട വിവരങ്ങൾ ക്യുആർ കോഡിൽ അടങ്ങിയിരിക്കുന്നു. കൂടാതെ ഇതിൽ മാസ്ക്ഡ് മൊബൈൽ നമ്പറും ആധാർ ഉടമയുടെ ഇമെയിൽ ഐഡിയും അടങ്ങിയിരിക്കുന്നു. അതിനോടൊപ്പംതന്നെ, ഈ വിവരങ്ങൾ കൂടുതൽ സുരക്ഷിതവും കൃത്രിമത്വമില്ലാത്തതുമാക്കുന്നതിന്, യുഐഡിഎഐ ഡിജിറ്റൽ ഒപ്പും അടങ്ങിയിരിക്കുന്നു. ഏതെങ്കിലും വഞ്ചനാപരമായ പ്രവർത്തനങ്ങൾ ഒഴിവാക്കാൻ ഐഡന്റിറ്റിയുടെ ഓഫ്ലൈൻ പരിശോധനയ്ക്കായി ക്യുആർ കോഡ് ഉപയോഗിക്കാവുന്നതാണ്.