Aadhaar Authentication for Financial Transactions-te

నివాసులకు తరచూ ఎదురయ్యే సమస్య తమ వ్యక్తిగత గుర్తింపును నిరూపించుకోవడం. ప్రాతినిధ్య పత్రాల వినియోగం, నకిలీ పత్రాల చలామణీవల్ల ఈ సమస్య మరింత జటిలం అవుతోంది. ఇది సేవాప్రదాతలు, నివాసుల మధ్య అపనమ్మకానికి దారితీస్తుంది. అయితే, ఆధార్ సంఖ్యదారు తన సేవాప్రదాతకేగాక దేశంలో ఎక్కడైనా, ఎప్పుడైనా గుర్తింపును నిరూపించుకోగల ధీమాను ఆధార్ సంపత్తి అయిన ప్రమాణీకరణ కల్పిస్తుంది. ఈ భరోసా కల్పన కోసం UIDAI ప్రపంచంలోని అత్యుత్తమ విధానాలతో కూడిన పర్యావరణ వ్యవస్థను ఏర్పాటు చేసింది. ప్రమాణీకరణ ఎందుకోసం చేసిందీ UIDAIకి కూడా తెలియనంత సమాచార గోప్యత, ప్రమాణీకరణలో విశ్వసనీయత ఈ వ్యవస్థలో భాగంగా ఉంటాయి.

<pఒక వ్యక్తి గుర్తింపును ఆన్‌లైన్‌ద్వారా వివిధ మార్గాల్లో (బయోమెట్రిక్ – వేలిముద్ర, కనుపాప; జనసంఖ్యసంబంధ, మొబైల్ ఫోన్ లేదా ఈ మెయిల్‌కు పంపే ఒకసారి సంకేత పదం(ఒ.టి.పి) తనిఖీ చేసేందుకు UIDAI వీలు కల్పిస్తుంది. ఆర్థిక రంగ కోణం నుంచి UIDAI ప్రమాణీకరణద్వారా వివిధ భాగస్వాములు పొందే కీలక ప్రయోజనాలు కొన్నిటిని దిగువ ఇచ్చిన జాబితాలో చూడవచ్చు.

మౌలిక సదుపాయాలు, వ్యవస్థ అవసరాలు, గోప్యత నిబంధనలు, సేవల నాణ్యతలను ప్రమాణీకరించే దిశగా సూక్ష్మ ఏ.టీ.ఎంల ప్రమాణాలను UIDAI ప్రచురించింది. భారత బ్యాంకర్ల అసోసియేషన్ కూడా దీన్ని ఆమోదించింది. పరిశీలన విభాగంలో సూక్ష్మ ఏ.టీ.ఎంల తాజా ప్రమాణాలను చూడవచ్చు. సూక్ష్మ ఏ.టీ.ఎంల వినియోగాన్ని ప్రోత్సహించేందుకు సూక్ష్మ ఏ.టీ.ఎంలకు నిధులు సమకూర్చే పథకాన్నికూడా UIDAI ప్రారంభించింది. ఈ పథకం వివరాలను పరిశీలనా విభాగంలో చూడవచ్చు.